Ռոբ Պայկ

Վիքիպեդիայից՝ ազատ հանրագիտարանից
Jump to navigation Jump to search
Ռոբ Պայկ
անգլ.՝ Rob Pike
Rob-pike (cropped).jpg
Ծնվել է1956
ԾննդավայրԿանադա
ՔաղաքացիությունFlag of Canada.svg Կանադա
ԵրկերPlan 9, Go և UTF-8?
Մասնագիտությունհամակարգչային գիտնական, գրող, ճարտարագետ և ծրագրավորող
ԱշխատավայրԳուգլ
ԱմուսինRenée French?
Կայքherpolhode.com/rob/
Rob Pike Վիքիպահեստում

Ռոբ Պայկ (ծնվ․ 1956, Կանադա), կանադացի ծրագրավորող և գրող: Նա հիմնականում հայտնի է իր՝ Bell Labs-ում և Go ծրագրավորման լեզվի վրա կատարված աշխատանքի համար: Bell Labs-ում նա Unix թիմի անդամ էր, ընդգրկված էր Plan 9 և Inferno օպերացիոն համակարգերի, ինչպես նաև Limbo ծրագրավորման լեզվի ստեղծման մեջ:

Նա նաև Unix-ի համար նախատեսված Blit գրաֆիկական տերմինալի համամշակող է եղել. մինչ այդ նա 1981 թվականին գրել է Unix-ի համար նախատեսված առաջին պատուհանային համակարգը: Պայկը AT&T-ի 4,555,775-րդ արտոնագրի կամ «աջակցման խանութի արտոնագրի» միակ գյուտարարն է՝ X գրաֆիկական համակարգի պրոտոկոլի մասը և ամենաառաջին ծրագրային արտոնագրերից մեկը[1]։

Տարիների ընթացքում Պայկն աշխատել է բազում տեքստային խմբագրիչների վրա․ sam[2] և acme-ն ամենահայտնիներն են և մինչ այժմ ակտիվ օգտագործան և մշակման մեջ են։

Պայկը՝ Բրայան Կերնիգանի հետ, «The Practice of Programming» և «The Unix Programming Environment» գրքերի համահեղինակն է։ Կեն Թոմպսոնի հետ UTF-8-ի համահեղինակն է։ Պայկը նաև մշակել է ավելի փոքր համակարգեր, ինչպիսիք են, օրինակ, էլեկտրոնային փոստերի սեփականատերերի դեմքերի ցուցադրման համար նախատեսված vismon ծրագիրը։

Պայկը նաև մի անգամ հայտնվել է Late Night with David Letterman-ում՝ որպես Penn & Teller կատակերգական դուետ տեխնիկական օգնական[3]։

Պայկն աշխատում է Google-ում, որտեղ նա ընդգրկված է Go և Sawzall ծրագրավորման լեզուների ստեղծման մեջ[4]։

Պայկն ամուսնացած է հեղինակ և նկարազարդող Ռենի Ֆրենչի հետ․ զույգն ապրում է թե՛ ԱՄՆ-ում, թե՛ Ավստրալիայում[5]։

Ծանոթագրություններ[խմբագրել | խմբագրել կոդը]

  1. Rob (2006-06-11)։ «Command Center»։ Commandcenter.blogspot.com։ Վերցված է 2013-06-25 
  2. McIlroy M. D. (1987)։ A Research Unix reader: annotated excerpts from the Programmer's Manual, 1971–1986 (Technical report)։ CSTR։ Bell Labs։ 139 
  3. «Penn and Teller Late Night With David Letterman»։ Վերցված է 2016-12-13 
  4. Pike Rob, Dorward Sean, Griesemer Robert, Quinlan Sean (2005-01-01)։ «Interpreting the Data: Parallel Analysis with Sawzall»։ Scientific Programming 13 (4): 227–298 
  5. «Renee French – A River Runs Through It – Artist Interview»։ WOW x WOW։ 27 July 2015 
Wikiquote-logo-hy.svg
Վիքիքաղվածքն ունի քաղվածքների հավաքածու, որոնք վերաբերում են
Ռոբ Պայկ հոդվածին