Ռոբին Շոլկովի

Վիքիպեդիայից՝ ազատ հանրագիտարանից
Jump to navigation Jump to search
Ռոբին Շոլկովի
Robin Szolkowy bei der Olympia-Einkleidung Erding 2014 (Martin Rulsch) 01.jpg
Անձնական տեղեկություն
Սեռ`արական
Մասնագիտացում`գեղասահորդ և figure skating coach
Երկիր`Flag of Germany.svg Գերմանիա և Flag of East Germany.svg Գերմանիայի Դեմոկրատական Հանրապետություն
Ծննդյան ամսաթիվ`հուլիսի 14, 1979(1979-07-14) (40 տարեկան)
Ծննդավայր`Գրայֆսվալդ, Rostock District, Գերմանիայի Դեմոկրատական Հանրապետություն
Մարզիչ(ներ)`Ինգո Շտոյեր

Ռոբին Շոլկովի (ռուս.՝ Ро́бин Шолко́вы, հուլիսի 14, 1979(1979-07-14), Գրայֆսվալդ, Rostock District, Գերմանիայի Դեմոկրատական Հանրապետություն), գեղասահքի գերմանացի մարզիչ, նախկին գեղասահորդ, ով հանդես է եկել զուգասահքում Ալյոնա Սավչենկոյի հետ: Նրանք՝ Օլիմպիական խաղերի (2010 և 2014 թթ.) բրոնզե կրկնակի մրցանակակիրներ, աշխարհի հնգակի չեմպիոններ (2008-2009 թթ., 2011-2012 թթ., 2014 թ.) և Եվրոպայի քառակի չեմպիոններ (2007-2009 թթ., 2011 թ.): Գերմանիայի բազմակի չեմպիոններ:

Կենսագրություն[խմբագրել | խմբագրել կոդը]

Ալյոնա Սավչենկո և Ռոբին Շոլկովին 2008 թ Nebelhorn Trophy-ում (կարճ ծրագիր)


Ռոբինի հայրը բժիշկ-ուսանող էր Տանզանիայից, մայրը (ծագումով՝ չեխ) Ռոստոկի շրջանից էր: Երբ Ռոբինը չորս տարեկան էր, մայրը նրա հետ տեղափոխվեց Էրֆուրտ, որտեղ էլ Ռոբինը սկսեց զբաղվել գեղասահքով: Երկար ժամանակ Ռոբինը ապրել և մարզվել է Խեմնիցում:

Շոլկովի առաջին զուգընկերուհին եղել է Յոհանա Օտտոն: Ավելի ուշ հանդես է եկել Կլաուդիա Ռաուշենբախի հետ: Նրանք միասին դարձել են 2001 թվականի գեղասահքի Գերմանիայի չեմպիոններ, սակայն Կլաուդիան որոշեց ավարտել սպորտային կարիերան, և Ռոբինը մնաց առանց զուգընկերուհու:

Զուգընկերուհու երկար փնտրտուքից և սինխրոն գեղասահքի թիմում ժամանակավոր մասնակցությունից հետո նա Ուկրաինայում գտավ նոր զուգընկերուհու՝ Ալյոնա Սավչենկոյին:

2004 թվականի իրենց առաջին մրցաշրջանում Սավչենկոն և Շոլկովին հաղթեցին Գերմանիայի առաջնությանը: Հաջորդ մրցաշրջանում նրանք կրկին հաղթեցին Գերմանիայի առաջնությանը և սկսեցին հանդես գալ միջազգային մրցաշարերում՝ դառնալով չորրորդը Եվրոպայի առաջնությունում և վեցերորդը `աշխարհի առաջնությունում: 2005-2006 թթ մրցաշրջանում զույգը երրորդ անգամ դարձավ Գերմանիայի չեմպիոն:

2005 թվականի դեկտեմբերի 29-ին Սավչենկոյին Գերմանիայի քաղաքացիություն շնորհեցին, ինչն էլ հնարավորություն տվեց զույգին հանդես գալ Թուրինում կայանալիք 2006 թվականի Ձմեռային օլիմպիական խաղերին, որտեղ նրանք վեցերորդն էին: 2007 թվականի մարտին Սավչենկոն եւ Շոլկովին իրենց առաջին՝ բրոնզե մեդալը հաղթեցին աշխարհի առաջնությունում՝ նույն տարում էլ դառնալով Եվրոպայի չեմպիոններ: 2008 թվականին զույգը երկրորդ անգամ դարձավ Եվրոպայի չեմպիոն և հաղթեց աշխարհի առաջնությունում:

2008-2009 մրցաշրջանում նրանք Գրան Պրիի եզրափակիչում գրավեցին միայն երրորդ տեղը՝ առաջ թողնելով երկու չինական զույգի: Ազգային առաջնությանը զույգը այդ տարի հաղթեց վեցերորդ անգամ անընդմեջ: 2009 թվականի հունվարին Հելսինկիում նրանք դարձան Եվրոպայի եռակի չեմպիոն: Երկու ամիս անց, 2009 թվականի մարտին, Լոս Անջելեսում Ալյոնան և Ռոբինը դարձան աշխարհի կրկնակի չեմպիոններ:

2010-2011 մրցաշրջանում զույգը հաղթեց Եվրոպայի չորրորդ առաջնությունում, իսկ երեք ամիս անց Մոսկվայում կայացած աշխարհի առաջնությունում նրանք դարձան աշխարհի եռակի չեմպիոններ:

2011-2012 թթ. մրցաշրջանում Սավչենկոն և Շոլկովին Ալյոնայի վնասվածքի պատճառով վերջին պահին դուրս եկան Եվրոպայի առաջնությունից, որը նա ստացել էր՝ փորձելով կատարել երեք ու կես պտույտով դժվարին ցատկը: Նիցցայում կայացած աշխարհի առաջնությանը զույգը նվազագույն զիջման ամենաբարդ պայքարում չորրորդ անգամ դարձավ աշխարհի չեմպիոն:

Նախաօլիմպիական մրցաշրջանը Ալյոնան և Շոլկովին սկսեցին Skate Canada 2012-ում հաղթանակով, սակայն դուրս եկան հաջորդ փուլից Ալյոնայի հիվանդության պատճառով: Եվրոպայի և աշխարհի առաջնություններում նրանք երկրորդն էին՝ պարտվելով Վոլոսոժար-Տրանկով ռուսական զույգին: 2013-2014թթ մրցաշրջանում Ալյոնան և Շոլկովին հաղթեցին Գրան Պրի մրցաշարը և եզրափակիչը երկու փուլով, սակայն զուգընկերուհու վնասվածքի պատճառով ստիպված էին բաց թողնել Եվրոպայի առաջնությունը:

Աշխարհի առաջնությանը՝ Նիցցայում
Աշխարհի առաջնություն 2012թ.

Օլիմպիական խաղերում զույգը որոշել էր չմասնակցել թիմային մրցաշարին, որպեսզի ավելի լավ պատրաստվի անհատական ​​մրցույթներին: Կարճ ծրագրից հետո Ալյոնան և Ռոբինը զբաղեցրին երկրորդ տեղը, սակայն մյուս ծրագրում մի քանի սխալ թույլ տվեցին, այդ թվում` երկու անգամ ընկան, ինչն էլ նրանց ազատ ծրագրում իջեցրեց չորրորդ տեղ և երրորդը՝ վերջնականում:

2014 թվականի աշխարհի առաջնությունում նրանց գլխավոր մրցակիցների՝ Վոլոսոժար-Տրանկով զույգի բացակայության հետևանքով Ալյոնան և Ռոբինը հաղթեցին իրենց հինգերորդ աշխարհի առաջնությունը: Դրանից հետո Ռոբին Շոլկովին հայտարարեց իր սպորտային կարիերայի ավարտի մասին[1]:

Սպորտային ձեռքբերումներ[խմբագրել | խմբագրել կոդը]

  • Արդյունքները 2010 թվականից հետո
Մրցումներ-մրցաշրջան 2010—2011 2011—2012 2012—2013 2013—2014
Ձմեռային օլիմպիադա 3
Գեղասահքի աշխարհի առաջնություն 1 1 2 1
Գեղասահքի Եվրոպայի առաջնություն 1 2
Գեղասահքի Գերմանիայի առաջնություն 1
Գեղասահքի Գրան-Պրի եզրափակիչ 1 1 1
Этапы Гран-при: NHK Trophy 3
Этапы Гран-при: Skate America 1 1
Этапы Гран-при: Trophée Eric Bompard 1
Этапы Гран-При: Cup of Russia 1 1
Этапы Гран-при: Skate Canada 1
Этапы Гран-при: Cup of China 1
NRW Trophy 1
  • Արդյունքները մինչև 2010 թվականը
 Ա. Սավչենկոյի հետ
Մրցումներ/մրցաշրջան 2003—2004 2004—2005 2005—2006 2006—2007 2007—2008 2008—2009 2009—2010
Ձմեռային օլիմպիադա 6 3
Գեղասահքի աշխարհի առաջնություն 6 6 3 1 1 2
Գեղասահքի Եվրոպայի առաջնություն 4 2 1 1 1 2
Գերմանիայի առաջնություններ 1 1 1 1 1 1
Գեղասահքի Գրան-Պրի եզրափակիչ 3 2 1 3 3
Этапы Гран-при: Trophée Bompard 1 3
Этапы Гран-при: Skate America 1
Этапы Гран-при: Skate Canada 1 1 1
Этапы Гран-при: Cup of China 3
Этапы Гран-При: Cup of Russia 3 1 2
Этапы Гран-При: NHK Trophy 2 1
Nebelhorn Trophy 3 1 1 1 1

Մարզչական գործունեություն[խմբագրել | խմբագրել կոդը]

Շոլկովի և Նինա Մոզեր 2018 թ. Եվրոպայի առաջնությանը


Առաջին տարին Մոսկվայում որպես մարզիչ աշխատել է ռուս գեղասահորդների հետ Նինա Մոզերի խմբում: Նրա ամենահայտնի սաներից են Եվգենյա Տարասովան և Վլադիմիր Մորոզովը (2017 և 2018 թվականների Եվրոպայի կրկնակի չեմպիոններ):

Անձնական կյանք[խմբագրել | խմբագրել կոդը]

Կարիերայի ավարտից հետո Ռոբինը ամուսնացել է: 2015 թվականի սեպտեմբերին ընտանիքում ծնվել է որդին՝ Հենրին[2]:



Ծանոթագրություններ[խմբագրել | խմբագրել կոդը]