Ռոբերտ Օ’Բրայեն

Վիքիպեդիայից՝ ազատ հանրագիտարանից
Jump to navigation Jump to search
Ռոբերտ Օ’Բրայեն
Robert C. O'Brien.jpg
 
Կուսակցություն՝ ԱՄՆ Հանրապետական կուսակցություն
Կրթություն՝ UC Berkeley School of Law?, Լոս Անջելեսի կալիֆոռնյան համալսարան, Cardinal Newman High School? և Ֆրի սթեյթ համալսարան
Մասնագիտություն՝ փաստաբան, դիվանագետ և political staffer
Ծննդյան օր հունիսի 18, 1966(1966-06-18) (55 տարեկան)
Ծննդավայր Լոս Անջելես, Կալիֆոռնիա, ԱՄՆ
Քաղաքացիություն Flag of the United States.svg ԱՄՆ

Ռոբերտ Չարլզ Օ’Բրայեն (անգլ.՝ Robert Charles O'Brien, հունիսի 18, 1966(1966-06-18), Լոս Անջելես, Կալիֆոռնիա, ԱՄՆ), ամերիկացի իրավաբան և քաղաքական գործիչ, 2019-2021 թվականներին ԱՄՆ նախագահի ազգային անվտանգության հարցերով խորհրդականը։

Կենսագրություն[խմբագրել | խմբագրել կոդը]

Լոս Անջելեսի կալիֆոռնյան համալսարանում ստացել է իրավունքի բակալավրի, իսկ Բերկլիի համալսարանում՝ դոկտորի կոչում։ Լոս Անջելեսի «Larson O’Brien, LLP» իրավաբանական ընկերության գործընկերն էր[1]։ 1987 թվականին՝ Լոս Անջելեսի համալսարանն ավարտելուց հետո, ստացել է դրամաշնորհ՝ շարունակելու կրթությունը աշխարհի ցանկացած կետում, և ուսումնասիրել է քաղաքագիտություն և պետական կառավարում Հարավաֆրիկյան Ֆրի Սթեյթ նահանգի համալսարանում։ Այդ ընթացքում ՀԱՀ-ում ծանոթացել է իր ապագա կնոջ հետ և սովորել Աֆրիկանսում[2] (բրիտանական «The Guardian» թերթի տվյալներով՝ առաջին սևամորթ ուսանողին թույլատրվել է ուսումը հիշյալ համալսարանում միայն 1988 թվականին[3]

1996-1998 թվականներին՝ որպես ԱՄՆ բանակի պահեստազորի սպա, համագործակցել Է ՄԱԿ-ի Անվտանգության խորհրդի հետ՝ զբաղվելով 1991 թվականին Քուվեյթ ներխուժման հետևանքով Իրաքի դեմ բազմամիլիարդանոց հայցերով, որին հաջորդել է Պարսից ծոցում տեղի ունեցած առաջին պատերազմը։ 2005 թվականին հրաժարական է տվել մայորի կոչումով[4]։

2000-ական թվականների սկզբից աշխատել է ԱՄՆ պետական դեպարտամենտում։ Պետքարտուղարներ Կոնդոլիզա Ռայսի և Հիլարի Քլինթոնի լիազորությունների ընթացքում մասնավոր-պետական գործընկերության համանախագահն էր Աֆղանստանում իրավաբանական բարեփոխումներ իրականացնելու համար, որի շրջանակներում անցկացվել է դատավորների, դատախազների և փաստաբանների ուսուցում։ 2012 թվականին Միթ Ռոմնիի և Սքոթ Ուոքերի նախագահական ընտրարշավի ընթացքում արտաքին քաղաքականության ազգային անվտանգության հարցերով խորհրդական էր։ 2016 թվականին հրատարակել է «While America Slept: Restoring American Leadership to a World in Crisis» գիրքը, որտեղ պաշտպանել է ուժային օպերացիաների միջոցով խաղաղության պահպանման քաղաքականությունը և քննադատել Բարաք Օբամայի վարչակազմին միջազգային խնդիրների լուծման դիվանագիտական մեթոդների նկատմամբ ավելորդ հակվածության համար։ 2018 թվականի մայիսին նշանակվել է ԱՄՆ նախագահ Դոնալդ Թրամփի՝ պատանդների գործերով հատուկ ներկայացուցիչ[5]։

2019 թվականի սեպտեմբերի 18-ին՝ Ջոն Բոլթոնի հրաժարականից հետո, նշանակվել է ԱՄՆ նախագահի ազգային անվտանգության հարցերով խորհրդական[6]։

2020 թվականի հոկտեմբերի 20-ին նրան Բրազիլիայից հրավիրել են մասնակցելու «Artemis» լուսնային ծրագրին[7]։

Անձնական կյանք[խմբագրել | խմբագրել կոդը]

Օ’Բրայենը դաստիարակվել է որպես կաթոլիկ, սակայն քսան տարեկանում ընդունել է Հիսուս Քրիստոսի Վերջին Օրերի Սրբերի եկեղեցու վարդապետությունը և ազգային անվտանգության հարցերով խորհրդական նշանակվելուց հետո դարձել ԱՄՆ քաղաքական համակարգի ամենաբարձրաստիճան մորմոնը[8]։

Ծանոթագրություններ[խմբագրել | խմբագրել կոդը]

  1. Chris Megerian (2019-09-18)։ «Trump names Robert C. O’Brien as new national security advisor» (անգլերեն)։ Los Angeles Times։ Վերցված է 2019-09-21 
  2. «Donald Trump’s new national security advisor reportedly came to SA to study apartheid – and speaks Afrikaans fluently» (անգլերեն)։ Business Insider SA։ 2019-09-22։ Վերցված է 2019-09-23 
  3. Jason Burke and Julian Borger (2019-09-24)։ «Robert O'Brien attended 'routinely racist' university in apartheid South Africa» (անգլերեն)։ The Guardian։ Վերցված է 2019-09-24 
  4. Molly O’Toole (2019-09-18)։ «Robert O’Brien is an unlikely pick for Trump’s national security advisor» (անգլերեն)։ Los Angeles Times։ Վերցված է 2019-09-23 
  5. Laura Powers (2019-09-18)։ «Who Is Robert O'Brien? Former Hostage Negotiator Replaces John Bolton As Trump's National Security Adviser» (անգլերեն)։ Newsweek։ Վերցված է 2019-09-21 
  6. Lauren Chadwick (2019-09-18)։ «Who is Trump's new national security adviser Robert C. O'Brien?» (անգլերեն)։ Euronews։ Վերցված է 2019-09-21 
  7. «США пригласили Бразилию к участию в лунной программе»։ Известия։ 2020-10-21։ Վերցված է 2021-03-13 
  8. Matthew Brown (2019-09-18)։ «Romney and friends say new national security adviser has skills to work with Trump» (անգլերեն)։ Desert News։ Վերցված է 2019-09-23 

Արտաքին հղումներ[խմբագրել | խմբագրել կոդը]