Ռոբերտ Վոն

Ռոբերտ Վոն; անգլ.՝ Robert Vaughn
Ծնվել է	նոյեմբերի 22, 1932[…]
Ծննդավայր	Նյու Յորք, Նյու Յորք, ԱՄՆ
Մահացել է	նոյեմբերի 11, 2016[…] (83 տարեկան)
Մահվան վայր	Դանբերի
Քաղաքացիություն	ԱՄՆ
Մայրենի լեզու	անգլերեն
Կրթություն	Մինեսոտայի համալսարան, Լոս Անջելեսի Կալիֆոռնիայի պետական համալսարան, Հարավային Կալիֆոռնիայի համալսարան, Լոս Անջելես քաղաքի քոլեջ և North Community High School?
Մասնագիտություն	դերասան, թատրոնի դերասան, հեռուստատեսային դերասան, կինոդերասան և հնչյունավորող
Կուսակցություն	Դեմոկրատական կուսակցություն
Պարգևներ և ; մրցանակներ	«Էմմի» մրցանակ դրամատիկ սերիալի երկրորդ պլանի լավագույն դերի համար և Հոլիվուդյան փառքի ծառուղու աստղ
Կայք	officialrobertvaughn.com
	Robert Vaughn Վիքիպահեստում

Ռոբերտ Վոն (անգլ.՝ Robert Vaughn; նոյեմբերի 22, 1932(1932-11-22)^[1]^[2]^[3]^[…], Նյու Յորք, Նյու Յորք, ԱՄՆ^[3] - նոյեմբերի 11, 2016(2016-11-11)^[3]^[4]^[5]^[…], Դանբերի^[3]), ամերիկացի դերասան, հայտնի է դարձել «Հրաշալի յոթնյակը», «Բուլիտ» ֆիլմերի, ինչպես նաև «Գործակալներ Ա․ Ն․Կ․ Լ․» հեռուստասերիալի շնորհիվ^[6]։

Վաղ տարիներ[խմբագրել | խմբագրել կոդը]

Ծնվել է թատրոնի դերասանուհի Մարսելլա Ֆրանսիսի և ռադիոհաղորդավար Ջերալդ Ուոլթեր Վոնի ընտանիքում^[7]։ Մանկությունը անցել է Մինեապոլիսում՝ տատիկի ու պապիկի հետ, ովքեր իրենց թոռնիկին դաստիարակել են իռլանդական կաթոլիկական ավանդույթներով^[7]^[8]։

Միջնակարգ կրթություն ստանալուց հետո ընդունվել է Մինեսոտայի համալսարանի ժուռնալիստիկայի բաժինը, բայց մեկ տարի անց թողել է ուսումը և մոր հետ տեղափոխվել Լոս Անջելես^[7]։ Այնտեղ շարունակել է ուսումը, բայց արդեն կատարողական արվեստի ուղղությամբ և ստացել թատերական արվեստի մագիստրոսի աստիճան^[7]։ 1970 թվականին թատերական կարիերայի սկսելուց հետո ստացել է բարձրագույն կրթություն և Հարավային Կալիֆոռնիայի համալսարանում փիլիսոփայության դոկտորի աստիճան։ Այդ համալսարանում պաշտպանել է «Շոու֊բիզնեսի սև ցուցակների ուսումնասիրություն» թեմայով ատենախոսություն։

Գործունեություն[խմբագրել | խմբագրել կոդը]

Նրա դերասանական առաջին ելույթը եղել է 1955 թվականին հեռուստատեսությամբ թողարկվող «Բժիշկ» սերիալի էպիզոդներից մեկում, որտեղ կատարել է հիսուն տարվա պատմության ընթացքում շուրջ երկու հարյուր էպիզոդիկ դերերից առաջինը։ Մեծ էկրանին առաջին անգամ հայտնվել է էպիզոդում՝ խաղալով 1956 թվականին Լուիս Մայերի «Տասը պատվիրանները» ֆիլմում։ Մեկ տարի անց «Դժոխային խաչմերուկ» վեստեռնում կատարել է Ջեսսի Ջեյմսի մարդասպանի՝ Բոբ Ֆորդի դերը։ Նրա հաջորդ դերը պետք է լիներ «Հաջողության քաղցր համը» ֆիլմում Սթիվ Դալսի դերը, սակայն դերասանը մինչ նկարահանումների սկսվելը բանակ է մեկնել։

Ծառայության ավարտից հետո վերադառնում է կինո և 1959 թվականին հասնում մեծ հաջողության՝ ստանալով «Օսկար» և «Ոսկե գլոբուս» մրցանակներ «Երիտասարդ ֆիլադելֆիացիներ» ֆիլմում Չաստեր Գվիննի դերի համար։ Հաջորդ խոշոր դերը եղել է Լիի դերը՝ «Հրաշալի յոթնյակ» դասական վեստեռնում (1960)։

1963 թվականին «Լեյտենանտ» ֆիլմում կատարել է լեյտենանտ Ռեյմոնդ Ռեմբրիջի դերը։ Նրա դերը մեծ չէր, և նա մեկ տարի անց դիմել է սերիալի ստեղծողներին, որպեսզի մեծացնեն իր էկրանային ժամանակը, արդյունքում ստացել է «Գործակալներ Ա․ Ն․ Կ․ Լ․» հեռուստասերիալում գլխավոր դեր՝ գաղնի գործակալ Նապոլեոն Սոլոյի դերը։ Վոնի համար այս դերը դարձել է ամենահայտնին և արժանացրել նրան «Ոսկե գլոբուս» մրցանակի երկու անվանակարգի։ 1968 թվականին դերասանը նկարահանվել է Սթիվեն Մակքուինի ընկերության «Բուլիտ» ոստիկանական ֆիլմում և սենատոր Ուոլթեր Չալմերսի դերի համար արժանացել BAFTA մրցանակի։ 1977 թվականին «Վաշինգտոնը՝ փակ դռներից» հեռուստասերիալում Ֆրենկ Ֆլայերտի դերի համար արժանացել է «Էմմի» մրցանակի՝ «դրամատիկական սերիալում երկրորդ պլանի լավագույն դերասան» անվանակարգում։

Հետագայում շարունակել է նկարահանվել հեռուստատեսությունում և կինոյում, որտեղ նրան հիմնականում Բ-կարգի ֆիլմեր էին հասնում։

1977 թվականի հուլիսի 27-ին ամերիկյան կինոմատոգրաֆիայում ներդրած ավանդի համար Հոլիվուդյան Փառքի ծառուղում նրա անունով աստղ է դրվել։

Անձնական կյանք[խմբագրել | խմբագրել կոդը]

ԱՄՆ դեմոկրատական կուսակցության անդամ է։ Ընտանիքը նույնպես աջակցում է դեմոկրատներին և ընդունել է Մինեապոլիսի քաղաքական կյանքում ակտիվ մասնակցություն^[9]։

1974 թվականին ամուսնացել է դերասանուհի Լինդե Սթաաբի հետ և ունեցել երկու երեխա՝ Քեսեդին և Քեյթլինը։ Կնոջ հետ մինչև մահ ապրել է Կոնեկտիկուտ նահանգի Ռիջֆիլդ քաղաքում։

Ֆիլմագրություն[խմբագրել | խմբագրել կոդը]

Թվական		Հայերեն անվանում	Բնօրինակ անվանում	Դեր
1956-1957	ս	Փողից ծուխ	Gunsmoke	Էնդի Բաուերս
1957-1959	ս	Թատրոն 90	Playhouse 90	Էռլ Ռենդոլֆ
1959	ֆ	Երիտասարդ ֆիլադելֆիացիներ	The Young Philadelphians	Չեստեր Գվին
1960	ֆ	Հրաշալի յոթնյակ	The Magnificent Seven	Լի
1964-1968	ս	Գործակալներ Ա․ Կ․ Ն․ Լ․	The Man from U.N.C.L.E.	Նապոլեոն Սոլո
1965-1966	ս	Ռեդ Սկոլթոնի շոուն	The Red Skelton Show	սպա Մաքգուաիր
1968	ֆ	Բուլիտ	Bullitt	Չալմերս
1969	ֆ	Ռեմենգերյան կամուրջ	The Bridge at Remagen	Մայոր Պոլ Կրյուգեր
1974	ֆ	Դժոխքը երկնաբարձունքում	The Towering Inferno	Սենատոր Փարկեր
1975	ֆ	Եկող դայակ	La baby sitter	Ստյուարտ Չառլզ
1975-1976	ֆ	Կոլոմբո	Columbo	Չառլզ Քլեյ
1977	ֆ	Դևի սերունդը	Demon Seed	Պրոտեուս IV
1978-1979	ֆ	Հարյուրամյակ	Centennial	Մորգան Ուենդելլ
1979	ֆ	Հաջողություն միսս Վայքոֆ	Good Luck, Miss Wyckoff	Դոկտոր Նիլ
1980	ֆ	Քաղաքը վախի մեջ	City in Fear	Հարիսոն Քրաուֆորդ III
1980	ֆ	Վիրուս	復活の日	սենատոր Բարքլի
1980	ֆ	Անգար 18	Hangar 18	Գորդոն Քեյն
1980	ֆ	Պայքար աստղերից դուրս	Battle Beyond The Stars	Գելթ
1980	ֆ	Որսորդ Ջոան	Trapper John, M.D.	Թի Քեյ Շելբոն
1981	ֆ	Շան որդի	S.O.B.	Դևիդ Բլեքման
1981	ս	Սիրո նավակ	The Love Boat	Չառլզ Պերիս
1983	ֆ	Սուպերմեն 3	Superman III	Ռոր Ուոբսթեր
1985-1996	ս	Նա գրել է սպանություն	Murder, She Wrote	տարբեր կերպարներ
1986	ֆ	«Սև լուսնի» արևածագը	Black Moon Rising	Ռայլենդ
1986	ֆ	Բել֊Էյրից արքայազն	Prince of Bel Air	Սթենլի Աուերբալխ
1986	ֆ	«Դելտա» ջոկատ	The Delta Force	Գեներալ Վուդբրիջ
1986-1987	ս	Խումբ «Ա»	The A-Team	գեներալ Հանթ Սթոկուելլ
1989	ս	Որսորդ	Hunter	շերիֆ Քերթիս Մուրհեդի փոխարինող
1989	ֆ	Գետի մահը	River of Death	Վոլֆգանգ Մանթոֆել
1989	ֆ	Շրջադարձ դեպի Թրանսիլվանիա	Transylvania Twist	լորդ Բայրոն Օռլոք
1989	ֆ	Ոչ ոք իդեալական չէ	Nobody’s Perfect	դոկտոր Դանքան
1996	ֆ	Սենյակ Ջո	Joe’s Apartment	Սենատոր Դոերթի
1996-1997	ս	Ախտորոշում՝ սպանություն	Diagnosis: Murder	Ալեքսանդր Դրեյ
1996-1998	ս	Դայակ	The Nanny	Ջեյմս Շեֆֆիլդ
1997-1998	ս	Կարգ ու կանոն	Law & Order	Կառլ
1998	ֆ	ԲԵՅՍկետբոլ	BASEketball	Բաքստեր Քեյն
2004-2012	ս	Վիրտուոզներ	Hustle	Ալբերտ Սթրոլլեր
2006-2015	ս	Կարգ ու կանոն՝ հատուկ կորպուս	Law & Order: Special Victims Unit	Ուոլթեր Բրիգս
2012	ս	Կորոնացիայի փողոց	Coronation Street	Միլթեր Ֆենշոու
2016	ֆ	Ամերիկյան տարածք	The American Side	Կույր տղամարդ

Մրցանակներ և անվանակարգեր[խմբագրել | խմբագրել կոդը]

Մրցանակ	Տարի	Կատեգորիա	Աշխատանքի անվանում	Արդյունք
Օսկար	1960	Երկրորդ պլանի լավագույն դեր	Երիտասարդ ֆիլադելֆիացիներ	Անվանակարգ
Ոսկե գլոբուս	1960	Երկրորդ պլանի լավագույն դեր	Երիտասարդ ֆիլադելֆիացիներ	Անվանակարգ
	1961	Դերասանի լավագույն դեբյուտ	Հրաշալի յոթնյակ	Անվանակարգ
	1965	Դրամատիկական հեռուստասերիալում տղամարդու լավագույն դեր	Գործակալներ Ա․ Ն․ Կ․ Լ․	Անվանակարգ
	1966	Դրամատիկական հեռուստասերիալում տղամարդու լավագույն դեր	Գործակալներ Ա․ Ն․ Կ․ Լ․	Անվանակարգ
Էմմի	1978	Դրամատիկական հեռուստասերիալում երկրորդ պլանի տղամարդու լավագույն դեր	Վաշինգտոն՝ փակ դռներից	Հաղթանակ
Էմմի	1979	Ֆիլմում լավագույն տղամարդու սերիալ	Սպիտակ տան կուլիսները	Անվանակարգ
BAFTA	1970	Երկրորդ պլանի տղամարդու լավագույն դեր	Բուլիտ	Անվանակարգ

Ծանոթագրություններ[խմբագրել | խմբագրել կոդը]

↑ ^1,0 ^1,1 http://www.imdb.com/name/nm0001816/
↑ ^2,0 ^2,1 Internet Movie Database — 1990.
↑ ^3,00 ^3,01 ^3,02 ^3,03 ^3,04 ^3,05 ^3,06 ^3,07 ^3,08 ^3,09 ^3,10 http://www.nytimes.com/2016/11/12/arts/television/robert-vaughn-dead.html?_r=0
↑ ^4,0 ^4,1 ^4,2 Internet Broadway Database — 2000.
↑ ^5,0 ^5,1 ^5,2 Internet Speculative Fiction Database — 1995.
↑ Notice of death of Robert Vaughn, deadline.com, November 11, 2016.
↑ ^7,0 ^7,1 ^7,2 ^7,3 Holston, Noel (1999 թ․ հոկտեմբերի 18). «The man from M.P.L.S. - Robert Vaughn comes home to refresh childhood memories as he prepares for his autobiography». Minneapolis Star Tribune. էջ 1E.
↑ «Chicago Sun-Times :: Stage». Suntimes.com. Արխիվացված է օրիգինալից 2007 թ․ սեպտեմբերի 30-ին. Վերցված է 2010 թ․ հունիսի 17-ին. {{cite news}}: Invalid |url-status=404 (օգնություն)
↑ Waugh, John C. (1964 թ․ հոկտեմբերի 24). «Movie Stars Shine in Political Sky». The Christian Science Monitor. էջ 3.

Արտաքին հղումներ[խմբագրել | խմբագրել կոդը]

Պաշտոնական կայք

Վիքիպահեստն ունի նյութեր, որոնք վերաբերում են «Ռոբերտ Վոն» հոդվածին։

[_2f8c21ed34b6397b-1] 1,0 ^1,1 http://www.imdb.com/name/nm0001816/

[_a8579a23d9545c51-2] 2,0 ^2,1 Internet Movie Database — 1990.

[_a57d146b9aadf30b-3] 3,00 ^3,01 ^3,02 ^3,03 ^3,04 ^3,05 ^3,06 ^3,07 ^3,08 ^3,09 ^3,10 http://www.nytimes.com/2016/11/12/arts/television/robert-vaughn-dead.html?_r=0

[_981d746a145c1e02-4] 4,0 ^4,1 ^4,2 Internet Broadway Database — 2000.

[_b8861f7089e30321-5] 5,0 ^5,1 ^5,2 Internet Speculative Fiction Database — 1995.

[6] Notice of death of Robert Vaughn, deadline.com, November 11, 2016.

[star-7] 7,0 ^7,1 ^7,2 ^7,3 Holston, Noel (1999 թ․ հոկտեմբերի 18). «The man from M.P.L.S. - Robert Vaughn comes home to refresh childhood memories as he prepares for his autobiography». Minneapolis Star Tribune. էջ 1E.

[8] «Chicago Sun-Times :: Stage». Suntimes.com. Արխիվացված է օրիգինալից 2007 թ․ սեպտեմբերի 30-ին. Վերցված է 2010 թ․ հունիսի 17-ին. {{cite news}}: Invalid |url-status=404 (օգնություն)

[csm-9] Waugh, John C. (1964 թ․ հոկտեմբերի 24). «Movie Stars Shine in Political Sky». The Christian Science Monitor. էջ 3.

[1]

[2]

[3]

[4]

[5]

[6]

[7]

[8]

[9]