Ռոբերտ Չարտոֆ

Ռոբերտ Չարտոֆ
Ծննդյան թիվ՝	օգոստոսի 26, 1933(1933-08-26)
Ծննդավայր՝	Նյու Յորք, Նյու Յորք, ԱՄՆ
Վախճանի թիվ՝	հունիսի 10, 2015(2015-06-10) (81 տարեկան)
Վախճանի վայր՝	Սանտա Մոնիկա, Լոս Անջելես շրջան, Կալիֆոռնիա, ԱՄՆ
Քաղաքացիություն՝	ԱՄՆ
Մասնագիտություն՝	կինոպրոդյուսեր
Պարգևներ՝
IMDb։	ID 0153590

Ռոբերտ Չարտոֆ (անգլ.՝ Robert Chartoff, օգոստոսի 26, 1933(1933-08-26), Նյու Յորք, Նյու Յորք, ԱՄՆ - հունիսի 10, 2015(2015-06-10), Սանտա Մոնիկա, Լոս Անջելես շրջան, Կալիֆոռնիա, ԱՄՆ), ամերիկացի կինոպրոդյուսեր։ Առաջին խոշոր հաջողությանն արժանացել է «Ռոկկի» ֆիլմի շնորհիվ, որի գլխավոր դերակատարն ու սցենարի հեղինակը եղել է Սիլվեստր Ստալոնեն։

Կենսագրություն

Ռոբերտ Չարտոֆը ծնվել է 1933 թվականի օգոստոսի 26-ին Նյու Յորքում, հրեական ընտանիքում։ Հայրը՝ Ուիլյամ Չարտոֆը, եղել է պրոֆեսիոնա երաժիշտ, նվագել է Նյու Յորքի ֆիլհարմոնիայում։ Մայրը եղել Բեսի Ռապապորտը։ 1955 թվականին Ռոբերտ Չարտոֆն ավարտել է Յունիոն քոլեջը, ապա իրավունքի դպրոց Կոլումբիայի համալսարանում։

Կարիերա

Ռոբերտ Չարտոֆը հանդես է եկել որպես ավելի քան 40 ֆիլմի պրոդյուսեր, մեծ մասամբ՝ Իրվին Ուինքլերի հետ միասին։

Անձնական կյանք

Ռոբերտ Չարտոֆն ամուսնացած է եղել երեք անգամ։ Ֆիլիս Ռաֆայելի հետ առաջին ամուսնությունից ունեցել է երեք երեխա՝ Ջենիֆերը, Ուիլյամն ու Ջուլին։ Երկրորդ անգամ ամուսնացել է բրիտանացի դերասանուհի Վանեսա Հովարդի (1948-2010) հետ։ Նրանք ամուսնացած են եղել 1970-1983 թվականներին և ունեցել են մեկ որդի՝ Չարլին։ Երրորդ կնոջ՝ Ջեննի Ուեյման Քոքլի (Jenny Weyman-Cockle) հետ Ռոբերտ Չարտոֆն ապրել է 1992 թվականից մինչև իր մահը։ Այդ ամուսնության ընթացքում ծնվել է նրա դուստրը՝ Միրանդան։

Ռոբերտ Չարտոֆի որդին՝ Ուիլյամ Չարտոֆը (ծնվել է 1963 թվականի մարտի 15-ին) նույնպես դարձել է պրոդյուսեր։ Հոր հետ միասին նա մասնակցել է «Raging Bull», «Ռոկկի Բալբոա», «Մեխանիկ» ֆիլմերի ստեղծմանը։ Մահացել է 2015 թվականի հունիսի 10-ին ենթաստամոքսային գեղձի քաղցկեղից Սանտա Մոնիկայում գտնվող իր տանը (Կալիֆոռնիա նահանգ, ԱՄՆ)։

Ֆիլմագրություն

• Դիմհար / Point Blank (1967)
• Պառակտում / The Split (1968)
• Նրանք գնդակահարում են ձիերին, այնպես չէ՞ / They Shoot Horses, Don't They? (1969)
• Leo the Last (1970)
• The Strawberry Statement (1970)
• Believe in Me (1971)
• The Gang That Couldn't Shoot Straight (1971)
• Նոր ցենտուրիոններ / The New Centurions (1972)
• Thumb Tripping (1972)
• Մեխանիկը / The Mechanic (1972)
• Up the Sandbox (1972)
• Busting (1974)
• S*P*Y*S (1974)
• Խաղացողը / The Gambler (1974)
• Peeper (1975)
• Փախուստ / Breakout (1975)
• Ռոկկի / Rocky (1976)
• Երազների վաճառականներ / Nickelodeon (1976)
• Նյու Յորք, Նյու Յորք / New York, New York (1977)
• Վալենտինո / Valentino (1977) (գործադիր պրոդյուսեր)
• Comes a Horseman (1978) (գործադիր պրոդյուսեր)
• Uncle Joe Shannon (1978)
• Ռոկկի 2 / Rocky II (1979)
• Կատաղած ցուլ / Raging Bull (1980)
• Խոստովանության գաղտնիքները / True Confessions (1981)
• Ռոկկի 3 / Rocky III (1982)
• Ճիշտ անձնակազմ / The Right Stuff (1983)
• Գարեջուր / Beer (1985)
• Ռոկկի 4 / Rocky IV (1985)
• Ռոկկի 5 / Rocky V (1990)
• Ուղղակի զրույց / Straight Talk (1992)
• In My Country (2004)
• Ռոկկի Բալբոա / Rocky Balboa (2006) (գործադիր պրոդյուսեր)
• Մեխանիկը / The Mechanic (2011)
• Փոթորիկ / The Tempest (2010)
• Էնդերի խաղը / Ender's Game (2013)
• Խաղացողը / The Gambler (2014)
• Scarpa (2015)
• Միջամառային գիշերվա երազ / A Midsummer Night's Dream (2015)
• Կրիդ / Creed (2015)

Մրցանակներ և անվանակարգեր

• 1977 – «Օսկար» մրցանակ «Ռոկկի» ֆիլմի համար (Ուինքլերի հետ միասին)
• 1981 — ներկայացվել է «Օսկար» մրցանակի «Կատաղած ցուլ» ֆիլմի համար (Ուինքլերի հետ միասին)
• 1984 — ներկայացվել է «Օսկար» մրցանակի «Ճիշտ անձնակազմ» ֆիլմի համար (Ուինքլերի հետ միասին)
• Երկու անգամ ներկայացվել է Razzie Award մրցանակի ամենավատ ֆիմի համար՝ «Ռոկկի 4» (1986 թվական) և «Ռոկկի 5» (1991 թվական)