Ռոբերտ ՄաքՆոտ

Վիքիպեդիայից՝ ազատ հանրագիտարանից
Jump to navigation Jump to search
Ռոբերտ ՄաքՆոտ
Robert H. McNaught
Ծնվել է 1956
Շոտլանդիա, Միացյալ Թագավորություն
Քաղաքացիություն Flag of Australia.svg Ավստրալիա
Մասնագիտություն աստղագետ
Հաստատություն(ներ) Սայդինգ Սփրինգի աստղադիտարան
Գործունեության ոլորտ աստղագետ

Ռոբերտ ՄաքՆոտ (անգլ.՝ Robert H. McNaught, 1956, Շոտլանդիա, Միացյալ Թագավորություն), ավստրալացի աստղագետ, աշխատել է Սայդինգ Սփրինգի աստղադիտարանում։ Ավարտել է Ավստրալիայի ազգային համալսարանի աստղագիտության և աստղաֆիզիկայի գիտական դպրոցը: Համագործակցել է բրիտանացի աստղագետ Դևիդ Էշերի հետ Հյուսիսային Իռլանդիայում գտնվող Արմանի աստղադիտարանից:

Այժմ ՄաքՆոտը ղեկավարում է Աստոնի արբանյակների հսկողության համալսարանը, իսկ վերջերս սկսել է աշխատել Սայդինգ Սփրինգի աստղադիտարանում: Ազատ ժամանակում նա հաջողությամբ կատարում է աստերոիդների, գիսաստղերի և նոր աստղերի լուսաչափական հետազոտություններ, ինչպես նաև կատարում է լայնածավալ հետազոտություններ ասուպների և աստերիդների կողմից աստղերի ծածկումների բնագավառում:

Ռոբերտ ՄաքՆոտը շատ արդյունավետ աշխատել է նոր աստերոիդների որոնման ասպարեզում, ինչպես նաև մասնակցել է Սայդինգ Սփրինգ հետազոտություն ծրագրին: Միանձնյա, և այլ աստղագետների հետ համատեղ նա հայտնաբերել է նաև մեծ քանակությամբ գիսաստղեր, այդ թվում 24 պարբերական, օրինակ՝ 130P/ՄաքՆոտի-Հյուզի գիսաստղը: Հայտնաբերված գիսաստղերի քանակով նա զիջում է միայն տիեզերական արեգակնային SOHO աստղադիտարանին: 2006 թվականի օգոստոսի 7-ին օգտագործելով Շմիդտի խցիկ նա հայտնաբերել է C/2006 P1 (ՄաքՆոտի) մեծ գիսաստղը, որը դարձել է վերջին տասնամյակների ամենապայծառ գիսաստղը[1], իսկ պերիհելիի անցման պահին, 2007 թվականի հունվարի 12-ին այն լավ երևում էր նաև հարավային կիսագնդում անզեն աչքով դիտելիս:

Ընդամենը 1978-ից 2011 թվականները ՄաքՆոտը հայտնաբերել է 410 աստերոիդ[2] և 70 գիսաստղ, իսկ 1975-ից 1996 թվականները 63 գերնոր աստղեր[3], ինչպես նաև 3 նոր աստղեր 1986-ից 1987 թվականները ընկած ժամանակահատվածում[4]:

1987 թվականին Ռոբերտ ՄաքՆոտին շնորհվել է Բրիտանական աստղագիտական ասոցիացիայի մրցանակ[5], իսկ շքանշաններ 1988 թվականին[6]:

Նրա պատվին է անվանվել (3173) ՄաքՆոտ աստերոիդը[7]:

Ծանոթագրություններ[խմբագրել | խմբագրել կոդը]

  1. Cometography.com
  2. «Minor Planet Discoverers»։ Փոքր մոլորակների կենտրոն։ Արխիվացված օրիգինալից-ից 2012-03-14-ին։ Վերցված է 6 հունվար 2019 
  3. List of Supernovae
  4. CBAT List of Novae in the Milky Way
  5. British Astronomical Association Awards and Medals
  6. Australian amateur astronomical conventions: a history of NACAA
  7. IAU։ «3173 ՄաքՆոտ աստերոիդի անվանումը» 

Արտաքին հղումներ[խմբագրել | խմբագրել կոդը]