Ռոբերտ Կարայան

Ռոբերտ Կարայան
Ծնվել է	հուլիսի 7, 1934
Ծննդավայր	Երևան, Հայկական ԽՍՀ, ԱԽՖՍՀ, ԽՍՀՄ
Վախճանվել է	փետրվարի 10, 2015 (80 տարեկան)
Վախճանի վայր	Երևան, Հայաստան
Մասնագիտություն	արձակագիր
Քաղաքացիություն	ԽՍՀՄ և Հայաստան
Կրթություն	Երևանի պետական համալսարան
Անդամակցություն	ՀԳՄ
Կուսակցություն	ԽՄԿԿ
Պարգևներ	Հայաստանի Հանրապետության մշակույթի վաստակավոր գործիչ
	Ռոբերտ Կարայան Վիքիքաղվածքում

Ռոբերտ Մուշեղի Կարայան (հուլիսի 7, 1934(1934-07-07), Երևան, Հայկական ԽՍՀ, ԱԽՖՍՀ, ԽՍՀՄ - փետրվարի 10, 2015(2015-02-10), Երևան, Հայաստան), հայ բանաստեղծ, արձակագիր, երգիծաբան, առակագիր, հրապարակախոս, Հայաստանի գրողների միության անդամ (1970)։ ՀՀ մշակույթի վաստակավոր գործիչ (2013)։ ԽՄԿԿ անդամ 1966 թվականից։

Կենսագրություն[խմբագրել | խմբագրել կոդը]

Ավարտել է Երևանի պետական համալսարանի բանասիրական ֆակուլտետը։ 1960-1962 թվականներին եղել է Երևանի ալյումինի գործարանի «Կանազ» մշակույթի պալատի երգի-պարի համույթի գեղարվեստական ղեկավար, նույն գործարանի «Մետալուրգ» թերթի խմբագիր, 1962-1972 թվականներին՝ Հեռուստատեսության և ռադիոյի պետական կոմիտեի երիտասարդական հաղորդումների խմբագիր, գլխավոր խմբագիր, 1972 -1975 թվականներին՝ Սփյուռքահայության հետ մշակութային կապի կոմիտեի նախագահի օգնական, 1976-1979 թվականներին՝ «Երեկոյան Երևան» թերթի պատասխանատու քարտուղարի տեղակալ, «Ծիածան» գովազդա-տեղեկատվական հավելվածի խմբագիր, 1979-1982 թվականներին՝ «Գրքերի աշխարհ» հրատարակչության ավագ գրական աշխատակից, 1983 -1992 թվականներին Բաղրամյանի շրջանի «Երասխ» թերթի գլխավոր խմբագիր, 1992-1993 թվականներին՝ Արմենպրես լրատվական գործակալության թղթակից։ Հրատարակել է արձակ և չափածո ստեղծագործություններ, մանկական ժողովածուներ։ 28 գրքի հեղինակ է^[1]^[2]։

Երկեր[խմբագրել | խմբագրել կոդը]

«Օրեր և կրակներ», Երևան, 1961 թվական, 134 էջ։
«Մեր մեջ գժեր չկան», Երևան, 1966 թվական, 120 էջ։
«Թողեք ապրենք», Երևան, 1968 թվական, 265 էջ։
«Արևը գեղեցիկ է մայրամուտին», Երևան, 1974 թվական, 384 էջ։
«Նունեն և փիսիկը», Երևան, 1977 թվական։
«Փշոտ քարեր», Երևան, 1979 թվական, 156 էջ։
«Թիկունք», Երևան, 1981 թվական, 420 էջ։
«Փրկություն», Երևան, 1983 թվական, 503 էջ։
«Ցամաք ափեր», Երևան, 1985 թվական, 204 էջ։
«Լեռները ծաղիկներ չեն վաճառում», Երևան, 1991 թվական, 622 էջ։
Առականի, ցավեր քանի, Լոս Անճելըս, 1997 թվական, 210 էջ։
Լուսաբացին ընդառաջ, Լոս Անճելըս, 1999 թվական, 312 էջ։
Կուժն ու կուլան ի՞նչու կուլան, Երևան, 2000 թվական, 400 էջ։
Անկախության դժոխքի միջով (հրապարակախոսություն), Երևան, 2001 թվական, 461 էջ։
Փրկություն, Երևան, 2001 թվական, 452 էջ։
Առակս գա ծանակի՝ չարի գետը ցամաքի, Երևան, 2002 թվական, 313 էջ։
Արդարահատույց, Երևան, 2004 թվական, 208 էջ։
Խունկը վառվում է, բուրմունքը՝ մնում, Երևան, 2004 թվական, 525 էջ։
Խոսքն առակի՝ լույս ճառագի, Երևան, 2005 թվական, 292 էջ։
Նաիրյան երկի'ր, սուրբ հողդ հերկի'ր, Երևան, 2007 թվական, 244 էջ։
Փրկություն, Երևան, 2008 թվական, 501 էջ։
Մարդազարդի տոն արարենք, Երևան, 2009 թվական, 494 էջ։
Մարդազարդի տոն արարենք, Երևան, 2010 թվական, 254 էջ։
Կյանքականչ, Երևան, 2013 թվական, 256 էջ։

Կոչումներ[խմբագրել | խմբագրել կոդը]

ՀԳՄ, «Զորավար Անդրանիկ» համազգային միության և «Հայաստան» թերթի մրցանակ՝ «Անդրանիկի երգը» վիպակի համար, 2003
Մ. Շոլոխովի անվան մեդալ, 2004
ՀԳՄ «Վաստակի համար» մեդալ, 2009
«Սահմանադրական իրավունք» միության պատվոգիր, 2009
ՀՀ մշակույթի նախարարության ոսկե մեդալ, 2009
ՀՀ մշակույթի վաստակավոր գործիչ (2013)^[3]

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]

Ռոբերտ Կարայան, Գրական թերթ

[1] Ռոբերտ Կարայանի կենսագրությունը ՀԳՄ կայքում

[2] Ռոբերտ Կարայանի կենսագրությունը avproduction.am կայքում(չաշխատող հղում)

[3] Հայաստանի Հանրապետության պատվավոր կոչումներ շնորհելու մասին

[1]

[2]

[3]