Ռյոյկեն

Ռյոյկեն; նորվ.՝ Røyken
	Զինանշան
	; Ռյոյկեն կոմունայի զինանշան
Երկիր	Նորվեգիա
Կարգավիճակ	Կոմունա
Մտնում է	Բուսկերուդ ֆյուլքե
Վարչկենտրոն	Միդտբյուգդա
	Րյունե Քոլսթադ
Հիմնական լեզու	Բուկմոլ
Բնակչություն (2014);	20,621 (59 տեղ)
Խտություն	153
Տարածք	112.86 (378 տեղ)
Հիմնադրված է	հունվարի 1, 1838 թ.
Սահմանակցում է	Լիեր, Ասքեր և Հուրում
Ժամային գոտի	UTC+1
ISO 3166-2 կոդ	0627
	59°44′01″N 10°25′44″E / 59.733611111111°N 10.428888888889°E
	royken.kommune.no
	Ռյոյկեն Վիքիպահեստում

Ռյոյկեն (նորվ.՝ Røyken), կոմունա Նորվեգիայի Բուսկերուդ ֆյուլքեյում։ Կոմունայի վարչական կենտրոնը Միդտբյուգդա բնակավայրն է։ Պաշտոնական լեզուն բուկմոլն է։ Զբաղեցնում է 112.86 կմ² տարածք։ Որպես Նորվեգիայի ֆյուլքե՝ ստեղծվել է 1838 թվականի հունվարի 1-ին^[1]։

Ռյոյկենի զինանշանը

Ռյոյկեն կոմունայի զինանշանը հաստատվել է 1967 թվականի դեկտեմբերի 15-ին և իրենից ներկայացնում է կապույտ գույնով ներկված վահան, ներքևի մասը սուր, որի վրա պատկերված է կրակ։ Կրակը վերցված է սաամական հին խորհրդանշանից^[1]։

Բնակչություն

Համաձայն 2014 թվականի մարդահամարի տվյալների՝ Ռյոյկեն կոմունայում բնակվում է 20,621 մարդ։ Կոմունայի բնակչության քանակը վերջին 60 տարում աճել է երեք անգամ^[1]։

Աշխարհագրություն

Ռյոյկենը սահմանակից է Լիեր և Ասքեր կոմունաներին հարավից, հյուսիսից՝ Հուրում թերակղզուն և տեղակայված է Օսլո-ֆյորդի ու Դրամենսֆյորդի միջև։ Օսլո-ֆյորդին կապվում է Հուրում կոմունայի միջոցով և Օսլո-ֆյորդ թունելով։ Թունելը ունի 7,2 կմ երկարություն և միացնում է Հուրումհալվոյան Ակերսհուսի հետ։

Կոմունայում տեղակայված են բազմաթիվ բնակելի տարածքներ (քաղաքներ, գյուղեր, գյուղական համայնքներ), որտեղից բացվում է գեղեցիկ տեսարան դեպի ծով։ Վարչական կենտրոնը Միդտբյուգդա գյուղն է։ Մյուս հիմնական բնակավայրներն են Հյուգենը, Հալենսքոգը, Նյուրսնեսը, Րյոյուքենը, Սլեմեսթադը, Սփիքեսթադը և Արոսը։ Շատ բնակիչներ ապրում են Բյոյդալենի հյուսիսային մասումև հարակից տարածքներում, որը իրենից ներկայացնում է իրարից չանջատվող բնակելի շրջան՝ շարունակվելով մինչև մայրաքաղաք Օսլո։