Ռիպոն

Ռիպոն
Քաղաք
	Ռիպոն
	Ripon ; ոչ մի
	Զինանշան
	54°8′17″N 1°31′25″W / 54.13806°N 1.52361°W
Երկիր	Միացյալ Թագավորություն
Անգլիայի շրջաններ	Յորքշիր և Համբեր
Անգլիայի կոմսություն	Հյուսիսային Յորքշիր
Առաջին հիշատակում	715
Բնակչություն	15 922 մարդ (2001)
Ժամային գոտի	UTC+0, ամառը UTC+1
Հեռախոսային կոդ	01765
Փոստային ինդեքս	HG
Փոստային դասիչ	HG4
Պաշտոնական կայք	visitripon.org
	Ռիպոն (Միացյալ Թագավորություն)
	Ռիպոն (Միացյալ Թագավորություն)
	Ռիպոն Վիքիպահեստում

Ռիպոն (անգլ.՝ Ripon), ոչ մեծ քաղաք Հյուսիսային Յորքշիրում, Անգլիա, պատմականորեն հանդիսանում է Ռիպոնի և Լիդսի անգլիական եկեղեցական թեմի կենտրոնը։ Այն ընկած է Հարրոգեյթից մոտավորապես 20 կմ հեռավորության վրա։ Ռիպոնի տեսարժան վայրերն են 12-րդ դարի Մայր տաճարը, ձիարշավարանը, ինչպես նաև նրա շրջակայքում գտնվող Ֆաունտյան աբբայության ավերակները, որը ընդգրկված է ՅՈՒՆԵՍԿՕյի Համաշխարհային ժառանգության ցանկում։

Առաջացման պատմությունը

Ներկայիս Ռիպոնի տարածքով նախկինում անցնում էին երկու հռոմեական ճանապարհներ, որոնցից մեկի և Սկելլ գետի հատման վայրը ծանծաղ էր^[1]։ Ենթադրվում է, որ հենց այստեղ է հնում եղել նստակյաց կյանք (պեղումները հայտնաբերել են խճանկարային հատակ)։ 6-րդ դարում այստեղ հաստատվել է կելտական մի ցեղ, հավանաբար նրանք կրել են անգլ.՝ Hrype անվանումը, ինչը ըստ հավանականության տվել է Ռիպոնին(անգլ.՝ Hrypis) իր անվանումը, ինչպես նաև շրջակայքում գտնվող որոշ բնակավայրերի^[2]։

672 թվականին Ռիպոնում կառուցվել է եկեղեցի, որի վանահայրը դարձավ Ուիլֆրիդը Յորքեցին, ով մեծ ներդրում ունեցավ Հյուսիսային Անգլիայի անգլո-սաքսական կայսրություններում քրիստոնեության ընդունման գործում։ 10-րդ դարի վերջում Ռիպոնը ստացավ ազատ առևտրային քաղաքի կարգավիճակ, իսկ 1160 թվականին եկեղեցու տեղում սկսվեց վիթխարի տաճարի շինարարական աշխատանքներ, որոնք ավարտվեցին 1220 թվականին։ Տաճարը էականորեն վերանորոգվել է 16-րդ դարում՝ Կարմիր և սպիտակ վարդերի պատերազմի ավարտից հետո։