Ռիշար Բերի
 ֆր.՝ Richard Berry | |
|---|---|
 | |
| Ծնվել է | հուլիսի 31, 1950[1][2][3][…] (72 տարեկան) |
| Ծննդավայր | Փարիզ[4][5] |
| Կրթություն | Բարձրագույն ազգային դրամատիկ արվեստների կոնսերվատորիա |
| Քաղաքացիություն | .svg){kind=small} Ֆրանսիա[3][6][5][…] |
| Մասնագիտություն | դերասան, կինոռեժիսոր, սցենարիստ, թատրոնի դերասան, կինոդերասան, կինոպրոդյուսեր, ռեժիսոր և երգիչ |
| Ամուսին(ներ) | Jeane Manson?, Ջեսիկա Ֆորդ և Pascale Louange? |
| Երեխա(ներ) | Ժոզեֆին Բերի, Mila? և Coline? |
| Պարգևներ և մրցանակներ |  |
Ռիշար Բերի (Ռիշար Էլի Բենգուիգու) (հուլիսի 31, 1950[1][2][3][…], Փարիզ[4][5]), ֆրանսիացի դերասան, ռեժիսոր և սցենարիստ։ 1972 թվականից սկսած հայտնվել է ավելի քան 100 ֆիլմերում։ Նա նկարահանվել է «Ջութակահարը» ֆիլմում, որը մասնակցել է Կաննի կինոփառատոնին[7]։
Անձնական կյանքը[խմբագրել | խմբագրել կոդը]
Նրա ծնողները ալժիրյան ծագում ունեցող ֆրանսիացիներ էին և զբաղվում էին կոմերցիոն գործունեությամբ։ Մանկությունն անցել է փարիզյան արվարձաններից մեկում՝ 10–րդ օկրուգում։ Բոլոն–Բիանկուրեում նրա ծնողներն ունեցել են հագուստի բուտիկ։ 16 տարեկանում Ռիշարը տարվում է թատրոնով, միանում է սիրողական դերասաններից կազմված մի թատերախմբի և սկսում է հետաքրքրվել դասական արվեստի ներակայցուցիչներով՝ Ժան Ռասին, Պիեռ Կոռնեյլ, Մոլիեր, Պիեռ Բոմարշե։ 1969 թ. նա հաղթահարում է մրցույթը և ընդունվում է Դրամատիկ արվեստի բարձրագույն ազգային կոնսերվատորիա, որտեղ նրա ուսուցիչներն էին Ժան Լարան Կոշեն և Անտուան Վիտեզը։ Նա ստացել է իր առաջին մրցանակը 1973 թ., մինչ Կոմեդի Ֆրանսեզ տեղափոխվելը, իսկ 1973–1980 թթ․ նա եղել է Կոմեդի ֆրանսեզ թատրոնի սան։ Նա հարաբերություններ է ունեցել Քեթրին Հիգլի հետ և ունի մի աղջիկ Փիեր Հիգլը։ Ամուսնացել է լուսանկարչուհի և դերասանուհի Ջեսիկա Ֆորդի հետ, որից ունեցել է դուստր՝ դերասանուհի Ժոսեֆինա Բերին[8], այնուհետև ամուսնալուծվելով Ջեսիկա Ֆորդից 1984 թ. ամուսնանում է դերասանուհի և երգչուհի Ջեյն Մենսոնի հետ, սակայն 1986 թ. ամուսնալուծվում են։ 2009 թվականից հարաբերություններ է ունեցել դերասանուհի Պասկալ Լավինի հետ, և 2014 թ.ն ունեցել է մի աղջիկ[8]։ 2005 թվականին նա իր երիկամներից մեկը նվիրաբերեց իր քրոջը՝ Մարի Բերիին, ով ի ծնե ուներ երիկամների գենետիկ հիվանդություն՝ Ալպորտ սինդրոմ։ Ռիշար Բերին շախմատի սիրահար է ու կոլեկցիոներ, ունի ժամացույցների հավաքածու[8]։ Նրա եղբայրը՝ Ֆիլիպ Բերին քանդակագործ է, իսկ նրա նախկին կինը դերասանուհի Ժոզիան Բալասկոն էր։
Կարիերա[խմբագրել | խմբագրել կոդը]
1974 թվականին Ռիշարը իր դեբյուտն է կատարել Կլոդ Պինոտի «Ապտակ» ֆիլմում, նկարահանվելով Լինո Վենտուրայի և Աննի Ժիրարդոյի հետ։ Չորս տարի անց՝ 1978 թվականին Էլի Շուրակին նրան առաջարկում է իր առաջին գլխավոր դերը, որը պետք է կատարեր «Իմ առաջին սերը» ֆիլմում, նկարահանվելով Անուկ Էմեի և Նատալի Բեյի հետ։ Նա նկարահանվել է ռեժիսոր Ալեքսանդր Արկադիի «Հատուցման օրը», «Հատուցման օրը 2», «Մեծ դիմակահանդես», «Սուրբ դաշինք», «Սաշայի համար» և «Վերջին լուսաբացը» ֆիլմերում։ 1992 թվականին նա «Պարադի փողոց 588» ֆիլմում կատարում է գլխավոր դեր՝ Ազատ Զաքարյան/Պիեր Զաքար։ Ռիշարը նկարահանվել է նաև ֆրանսիացի ռեժիսոր Քրիստինե Պասկալի երեք ֆիլմերում՝ «Անբարոյականը», Ամուսնական դավաճանության տեխնիկա և «Փոքրիկ իշխանն ասաց» ֆիլմերում։ Ռիշարի աշխատանքը, որպես լավագույն դերասան առաջադրվել և արժանացել է «Սեզար» կինոմրցանակին, նաև մասնակցել է Մոնրեալի կինոփառատոնին և ստացել մրցանակ լավագույն կատարման համար։ 2001 թ. Ռիշարը, որպես ռեժիսոր Պատրիկ Տիմսիտի հետ նկարահանում է իր առաջին ֆիլմը՝ «Գայթակղելու արվեստը»[9] և Սեսիլ դը Ֆրանսին տալիս է իր առաջին մեծ դերը կինոյում։ Երկու տարի անց՝ 2003 թվականին նա հրավիրում է Սեսիլ դը Ֆրանսին նկարահանվելու իր «Ես կեսարն եմ» ֆիլմում, այդ ֆիլմում նկարահանվում էր նաև նրա դուստր Ժոզեֆինա Բերին։ Այս երկու կատակերգական ֆիլմերից հետո նա նկարահանում է հոգեբանական թրիլեր՝ «Սև արկղ» ֆիլմը, որում գլխավոր դերերը կատարում էին Մարիոն Քոտիարը և Խոսե Գարսիան։ Նույն թվականին նա նկարահանվում է Ֆրանսիս Վեբերի «Անհաջողակը» կատակերգությունում Ժերար Դեպարդիեի և Ժան Ռենոյի հետ միասին։ Ռիշարը նկարահանվել է Ֆրանսիս Վեբերի ֆիլմերից չորսում։ 2010 թ. վարձույթով սկսեց ցուցադրվել Ռիշարի չորրորդ ռեժիսորական աշխատանքը՝ «22 փամփուշտ․ Անմահը», գլխավոր դերերում հանդես են գալիս Ժան Ռենոը, Կադ Մերադը և Ժան–Պիեր Դարուսինը։ Ֆիլմի հիմքում ընկած են իրական դեպքեր։
Ընտանիք[խմբագրել | խմբագրել կոդը]
- Կին – Ջեսիկա Ֆորդ – դերասանուհի, ռեժիսոր, լուսանկարչուհի
- Դուստր – Ժոսեֆինա Բերի – դերասանուհի
- Դուստր – Քոլին Բերի
- Եղբայր – Ֆիլիպ Բերի – ժամանակակից արվեստի քանդակագործ
- Զարմուհի – Մարիլու Բերի – դերասանուհի, Ֆիլիպ Բերիի և Ժոզիան Բալասկոյի դուստրը։
Ֆիլմագրություն[խմբագրել | խմբագրել կոդը]
Դերասան[խմբագրել | խմբագրել կոդը]
- 1972 – Ապտակ
- 1974 – Կրկնվող բացակայությունները
- 1978 – Իմ առաջին սերը
- 1982 – Հատուցման օրը
- 1982 – Մի սենյակ քաղաքում
- 1982 – Իրազեկիչը
- 1983 – Նորապսակը
- 1983 – Մեծ դիմակահանդես
- 1984 – Կապվածություն
- 1984 – Անբարոյականը
- 1985 – Հատուկ ոստիկանությունը
- 1986 – Հետևեք իմ հայացքին
- 1986 – Տղակարդը և կինը։ Քսան տարի անց
- 1989 – Սուրբ դաշինք
- 1990 – Սաշայի համար
- 1991 – Իմ կյանքը դժոխք է
- 1991 – Մայրիկ
- 1992 – Պարադի փողոց 588
- 1992 – Հատուցման օրը 2
- 1992 – Փոքրիկ իշխանն ասաց
- 1994 – Ջութակահարը
- 1995 – Խայծը
- 1995 – Ամուսնական դավաճանության տեխնիկա
- 1996 – Նուրբ երկնագույն կամ խաղեր ֆրանսիական ձևով
- 1998 – Սիրո ճիչը
- 1999 – Կվազիմոդո
- 2001 – Օգոստոսի 15
- 2002 – Ա՜խ եթե ես հարուստ լինեի
- 2002 – Վերջին լուսաբացը
- 2003 – Անհաջողակը
- 2003 – Իմ վերևի հարևանը
- 2004 – Ամերիկյան
- 2006 – Փոխարինողը
- 2007 – Ինչպես է քո հայրը
- 2008 – Խաչաձև կրակոցը
- 2008 – Հաճախորդը
- 2008 – Տաղտկալի մարդը
- 2010 – Անմահը
- 2013 – Ձմռան շեմին
Ռեժիսոր, սցենարիստ[խմբագրել | խմբագրել կոդը]
Մրցանակներ և նոմինացիաներ[խմբագրել | խմբագրել կոդը]
- 1992 – Մոնրեալի ֆիլմերի փառատոնի ժամանակ «Փոքրիկ իշխանն ասաց» ֆիլմում նկարահանվելու համար արժանացել է լավագույն դերասան մրցանակին։
- 1993 – Արժանացել է «Սեզար» կինոմրցանակին «Փոքրիկ իշխանն ասաց» ֆիլմում նկարահանվելու համար, որպես լավագույն դերասան։
Ծանոթագրություններ[խմբագրել | խմբագրել կոդը]
- ↑ 1,0 1,1 Internet Movie Database — 1990.
- ↑ 2,0 2,1 Discogs — 2000.
- ↑ 3,0 3,1 3,2 MusicBrainz artist ID
- ↑ 4,0 4,1 4,2 Internet Movie Database — 1990.
- ↑ 5,0 5,1 5,2 5,3 Bibliothèque nationale de France data.bnf.fr (ֆր.): տվյալների բաց շտեմարան — 2011.
- ↑ Record #107724720 // Միջազգային նույնականացման վիրտուալ նիշք(բազմ․) — [Dublin, Ohio]: OCLC, 2003.
- ↑ «Կանի ֆիլմերի փառատոն։ «Ջութակահարը»»։ festival-cannes.com։ Վերցված է 29 օգոստոսի 2009թ
- ↑ 8,0 8,1 8,2 «Ռիշար Բերի։ Պասկալ Լավին, Մարի Բերի․․․»։ Pure Trend
- ↑ Interview de Frédéric Taddéi dans Regarde les hommes changer sur Europe 1, le 21 mars 2010.
Արտաքին հղումներ[խմբագրել | խմբագրել կոդը]
| ||||||||||||
- Հուլիսի 31 ծնունդներ
- 1950 ծնունդներ
- Ապրող անձինք
- Փարիզ քաղաքում ծնվածներ
- Անձինք այբբենական կարգով
- Դերասաններ այբբենական կարգով
- Ֆրանսիացի դերասաններ
- Ֆրանսիացի ռեժիսորներ
- Ֆրանսիացի սցենարիստներ
- Ֆրանսիացի երգիչներ
- Թատրոնի ֆրանսիացի դերասաններ
- Ֆրանսիացի կինոդերասաններ
- Ֆրանսիացի կինոռեժիսորներ
- Կինոպրոդյուսերներ ըստ ազգության