Ռիդ Հասթինգս

Վիքիպեդիայից՝ ազատ հանրագիտարանից
Ռիդ Հասթինգս
Դիմանկար
Ծնվել էհոկտեմբերի 8, 1960(1960-10-08)[1][2][3] (63 տարեկան)
ԾննդավայրԲոստոն, ԱՄՆ[3]
Քաղաքացիություն ԱՄՆ
ԿրթությունԲոլդուն քոլեջ, Սթենֆորդի համալսարան, Stanford Graduate School of Education? և Buckingham Browne & Nichols School?
Մասնագիտությունձեռնարկատեր, գլխավոր գործադիր տնօրեն և բարեգործ
Ծնողներմայր՝ Ջոան Էմորի Լումիս
ԱնդամությունԽաղաղության կորպուս և Արվեստների և գիտությունների ամերիկյան ակադեմիա
 Reed Hastings Վիքիպահեստում

Ուիլմոթ Ռիդ Հասթինգս (հոկտեմբերի 8, 1960(1960-10-08)[1][2][3], Բոստոն, ԱՄՆ[3]), ամերիկացի միլիարդատեր։ Նեթֆլիքս ընկերության համահիմնադիրն է, նախագահն ու տնօրենը, մի շարք ոչ առևտրային կազմակերպությունների անդամ է։ Որպես Կալիֆոռնիայի նահանգի կրթության հարցերով խորհրդի նախկին անդամ՝ Հասթինգսը հանդես է գալիս կրթության համակարգում բարեփոխումների և չարտերային դպրոցների ստեղծման օգտին[4]։

Վաղ տարիներ և կրթություն[խմբագրել | խմբագրել կոդը]

Ռիդ Հասթինգսը ծնվել է Մասաչուսեթս նահանգի Բոստոն քաղաքում՝ Ջոան Էմորի (Լումիս) և Ուիլմոթ Ռիդ Հասթինգսի ընտանիքում[5]։ Հայրը Նիքսոնի վարչակազմի փաստաբանն էր, իսկ նախապապը՝ Ալֆրեդ Լի Լումիսը, եղել է փաստաբան, ֆինանսիստ, գիտնական, գյուտարար և գործադիր պրոդյուսեր[6]։

Հասթինգսը սովորել է Քեմբրիջի մասնավոր դպրոցներում, այնուհետև ընդունվել ԱՄՆ ծովային հետևազորի կորպուս, որտեղ անցել է սպայական պատրաստություն։ Ռիդ Հասթինգսը 1981 թվականի ամառն անցկացրել է Վիրջինիայի սպաների թեկնածուների դպրոցում։ Սակայն չի ավարտել ուսումը և չի ընդունվել ծովային հետևազորի կորպուս։ Դրա փոխարեն Հասթինգսը որոշել է նախապատվությունը տալ Խաղաղության կորպուսում ծառայությանը[7]։

1983 թվականին՝ քոլեջն ավարտելուց հետո, նա միացել է Խաղաղության կորպուսին և 1985-1985 թվականներին բարձրագույն մաթեմատիկա է դասավանդել Էսվատինիում։ Հասթինգսը կարծում է, որ աշխարհի կորպուսում անցկացրած ժամանակն օգնել է իրեն տիրապետել ձեռնարկատիրության հմտություններին[8]։ «Եթե դուք, գրպանում տասը դոլար ունենալով, Աֆրիկայում ճանապարհորդում եք ավտոստոպով, բիզնեսի բացումն այդքան վախեցնող չի թվա»[9]։

Էսվատինիից վերադառնալուց հետո նա ուսումը շարունակել է Սթենֆորդում և 1988 թվականին ստացել ինֆորմատիկայի մագիստրոսի աստիճան։ Հասթինգսը համալսարանում մասնագիտացել է արհեստական ինտելեկտի ոլորտում[10]։

Pure Software-ի ստեղծում[խմբագրել | խմբագրել կոդը]

Մեկ տարի աշխատելով «Adaptive Technology»-ում՝ Հասթինգսը որոշել է սկսել իր սեփական բիզնեսը։ 1991 թվականին նա հիմնադրել է «Pure Software» ընկերությունը։ Այն մասնագիտացած է ծրագրային ապահովման դիագնոստիկայի ոլորտում։ Երբ ընկերությունն սկսել է ընդլայնվել, Հասթինգսը դժվարություններ է ունեցել, քանի որ նա չուներ կառավարման փորձ։ Նրա համար հեշտ չէր հարմարվել աշխատակիցների թվի արագ ավելացման հետ, ուստի խորհրդից խնդրել է տնօրենի պաշտոնում փոխարինել իրեն։ Հանձնաժողովը մերժել է նրան[8]։ 1995 թվականին ընկերությունն անցել է «Morgan Stanley» սեփականությանը, իսկ երկու տարի անց այն գնել է «Rational Software»-ը։ Գործարքի հայտարարումից հետո երկու ընկերությունների բաժնետոմսերն ընկել են 42 տոկոսով։ Հասթինգսը նշանակվել է գլխավոր տեխնիկական տնօրեն, սակայն շուտով հեռացել է պաշտոնից[11]։

Նեթֆլիքսի հիմնադրում[խմբագրել | խմբագրել կոդը]

Նեթֆլիքսի ստեղծման գաղափարը Հասթինգսը հղացել է «Pure Software»-ից հեռանալուց անմիջապես հետո։ Նա 6 շաբաթով հետաձգել է «Ապոլոն-13» տեսաերիզների վերադարձը և 40 դոլար պարտք վերցրել։ Այսպես նա ապագա հարթակի համար բիզնես մոդել է ստեղծել. գնորդը ամսական բաժանորդագրություն է ձևակերպում, ամսական վճարում է 30-40 դոլար և դիտում է անսահմանափակ քանակությամբ ֆիլմեր[7]։ 1997 թվականին Ռիդ Հասթինգսը և «Pure Software»-ի նախկին աշխատակից Մարկ Ռենդոլֆը հիմնադրել են Նեթֆլիքս ընկերությունը՝ ֆիլմերի վարձակալության ծառայությունը։ Գնորդները պատվերներ են կատարել կայքում, իսկ հետո փոստով ստացել DVD-ն։ 1998 թվականին Հասթինգսը դարձել է ընկերության գլխավոր տնօրենը[12]։ Մի անգամ նա նշել է, որ չէր կարող պատկերացնել, որ ծառայությունը կդառնա այդչափ հայտնի[8]։ 2021 թվականին ընկերության բաժանորդների թիվն ամբողջ աշխարհում հասել է ավելի քան 200 միլիոնի[13]։

Նեթֆլիքսի մշակույթ[խմբագրել | խմբագրել կոդը]

Նեթֆլիքս ընկերությունում աշխատանքը կառուցվում է ազատության և պատասխանատվության սկզբունքների վրա[14]։ Արձակուրդների, այդ թվում՝ հիվանդանոցային արձակուրդի փոխարեն աշխատողներին հանգստյան նպաստ են առաջարկում, այնպես որ նրանք կարող են ինքնուրույն կառավարել սեփական ժամանակը[15]։ Բացի այդ՝ Հասթինգսը կազմել է Նեթֆլիքսի ներքին մշակույթի օրենսգիրքը։ Նա հանդիպել է աշխատակիցների հետ, նրանց հետ քննարկել ընկերության մթնոլորտը և լսել նրանց գաղափարները։ 2009 թվականի օգոստոսին Հասթինգսը տեղադրել է այս օրենսգիրքը կայքէջում, ինչն օգնել է բազմաթիվ գործատուների աշխատակիցներին վարձելու ժամանակ[16]։

Ինտերնետ-հեռուստատեսություն[խմբագրել | խմբագրել կոդը]

Հասթինգսը ինտերնետ հեռուստատեսության կողմնակից է և ապագան տեսնում է դրանում։ Նա ասում է, որ YouTube-ը ոգեշնչել է իրեն ստեղծել հոսքային մուլտիմեդիա ծառայություն։ 2007 թվականին Նեթֆլիքսն սկսել է համացանցի միջոցով ֆիլմերի և հեռուստահաղորդումների սթրիմինգային հեռարձակում[17]։

Այլ բիզնես-նախագծեր[խմբագրել | խմբագրել կոդը]

Հասթինգսը 2011 թվականի հունիսից Ֆեյսբուքի խորհրդի տնօրենն է[18]։ 2016 թվականի սեպտեմբերին ունեցել է ընկերության ավելի քան 10 միլիոն դոլար արժողությամբ բաժնետոմսեր[19]։ Հասթինգսն այդ պաշտոնից հեռացել է 2019 թվականի մայիսի 30-ին[20]։

Կրթական և քաղաքական գործունեություն[խմբագրել | խմբագրել կոդը]

«Pure Software»-ի վաճառքից հետո Հասթինգսը չէր կարողանում գտնել իր կյանքի նպատակը։ Նա սկսել է հետաքրքրվել Կալիֆոռնիայում կրթության բարեփոխմամբ և ընդունվել է Սթենֆորդի բարձրագույն դպրոց։ 2000 թվականին նահանգապետ Գրեյ Դևիսը Հասթինգսին ընդունել է Կրթության հարցերով խորհուրդ։ 2001 թվականին դարձել է խորհրդի նախագահ և այդ պաշտոնը զբաղեցրել երեք տարի[10]։ 2000 թվականի նոյեմբերին Ռիդ Հասթինգսը ներդրող Ջոն Դոյերի հետ 7 միլիոն դոլար է ներդրել Սահմանադրության 39-րդ վերափոխման զարգացման համար[21]։ Այս միջոցառումը նախատեսված էր տեղական դպրոցներին պարտատոմսերի վարկեր տրամադրելու համար ընտրողների կողմից պահանջվող ձայների քանակի նվազեցման համար[17]։ Կալիֆոռնիայի սենատի կանոնների կոմիտեն հրաժարվել է հաստատել Հասթինգսին որպես խորհրդի նախագահ։ Կալիֆոռնիա նահանգի օրենսդիր ժողովը մերժել է նրան 2005 թվականի հունվարին։ Նահանգապետ Առնոլդ Շվարցենեգերը, որը երկրորդ ժամկետով վերընտրել է գործարարին, հայտարարել է, որ հիասթափված է կոմիտեի որոշումից։ Հասթինգսն ազատվել է աշխատանքից[10]։ Ավելի ուշ Ռիդը 100 հազար դոլար է նվիրաբերել Շվարցենեգերի «Voters First» նախընտրական քարոզարշավին։

Չարտերային դպրոցներ[խմբագրել | խմբագրել կոդը]

Հասթինգսը մեծ ջանքեր է ներդնում կրթական համակարգում և քաղաքականությունում։ Կարևորագույն հարցերից մեկը նրա համար չարտերային դպրոցներն են։ Դրանք պետական տարրական և միջնակարգ դպրոցներն են, որոնք ազատված են որոշ կանոններից և օրենքներից, և որոնց ենթարկվում են այլ պետական կրթական հաստատություններ[4]։ 2014 թվականի մարտի 4-ին նա հանդես է եկել ընտրովի դպրոցական խորհուրդների վերացման օգտին[22]։ Բացի այդ՝ Հասթինգսը ստեղծել է իր հիմնադրամը և 100 միլիոն դոլար փոխանցել երեխաների կրթության համար[23]։

Քաղաքականություն[խմբագրել | խմբագրել կոդը]

2007 թվականի օգոստոսի 1-ին «The Los Angeles Times» թերթը գրել է, որ Հասթինգսը 1 միլիոն դոլար է նվիրաբերել այն կոմիտեին, որն ստեղծվել է 2010 թվականին Կալիֆոռնիայի նահանգապետի ընտրություններում Կալիֆոռնիայի դպրոցների տնօրեն Ջեք Օ'Քոնելի թեկնածությանն աջակցելու համար[24]։ 2019 թվականի ապրիլի 12-ին Հասթինգսն ավելի քան 250 հազար դոլար է նվիրաբերել «Budget Reform Now» դաշինքին[25]։ Հասթինգսը 2016 թվականի նախագահական ընտրություններին աջակցել է Հիլարի Քլինթոնին[26]։

Անձնական կյանք[խմբագրել | խմբագրել կոդը]

Հասթինգսն ապրում է Սան Ֆրանցիսկոյում[23]։ Ամուսնացած է Պատրիսիա Էնն Քվիլանի հետ, ունի երկու երեխա[10]։

Ծանոթագրություններ[խմբագրել | խմբագրել կոդը]

  1. ↑ 1,0 1,1 Hibler J. Encyclopædia Britannica
  2. ↑ 2,0 2,1 Munzinger Personen (գերմ.)
  3. ↑ 3,0 3,1 3,2 3,3 3,4 Library of Congress Authorities — Library of Congress.
  4. ↑ 4,0 4,1 Charter schools advocate Reed Hastings to speak April 12: 4/00
  5. ↑ Family tree
  6. ↑ 9 Fascinating Things About Reed Hastings and Netflix
  7. ↑ 7,0 7,1 Out of Africa, Onto the Web". December 17, 2006
  8. ↑ 8,0 8,1 8,2 How I Did It: Reed Hastings, Netflix"
  9. ↑ writer, Interview by Matthew Boyle, Fortune. «Questions for… Reed Hastings — May 28, 2007
  10. ↑ 10,0 10,1 10,2 10,3 Stanford Magazine — Article»
  11. ↑ Journal, Don ClarkStaff Reporter of The Wall Street (1997-04-08). Investors Pan Rational’s Plan To Buy Pure Atria for Stock
  12. ↑ Auletta, Ken. The Red-Envelope Revolution
  13. ↑ «Netflix tops 200 million subscribers but faces growing challenge from Disney Plus». www.cbsnews.com (ամերիկյան անգլերեն). Վերցված է 2021 թ․ ապրիլի 26-ին.
  14. ↑ Netflix: Flex To The Max". September 24, 2007 — via www.bloomberg.com.
  15. ↑ Wang, Angela. «Is unlimited vacation a trap? It just might be». Insider. Retrieved 2020-03-19
  16. ↑ Zangs, Emma. «Is Netflix’s 2009 Culture Deck Still Relevant Today To Shape Company Culture?»
  17. ↑ 17,0 17,1 Jason (February 10, 2008). «Movie Man» — via www.wsj.com.(չաշխատող հղում)
  18. ↑ Facebook Names Reed Hastings to Its Board of Directors"
  19. ↑ REED HASTINGS Insider Trading Overview". www.insidermole.com. Retrieved 2016-09-27
  20. ↑ Rodriguez, Salvador (April 12, 2019). «Netflix CEO Reed Hastings to depart Facebook board of directors».
  21. ↑ Wall Street Journal. «Silicon Valley Moguls Spend On Education Ballot Battles» by Ann Grimes. October 31, 2000.
  22. ↑ Valerie (March 14, 2014). «Netflix’s Reed Hastings has a big idea: Kill elected school boards (update)».(չաշխատող հղում)
  23. ↑ 23,0 23,1 «Reed Hastings». Forbes. Retrieved 2020-04-24.
  24. ↑ State Republican Party floating in a tide of budgetary red ink" — via LA Times.
  25. ↑ «California Secretary of State - CalAccess - Campaign Finance». Cal-access.sos.ca.gov. Արխիվացված է օրիգինալից 2013 թ․ դեկտեմբերի 7-ին. Վերցված է 2012 թ․ հունիսի 26-ին.
  26. ↑ Hillary Clinton racks up business endorsements
Վիքիպահեստն ունի նյութեր, որոնք վերաբերում են «Ռիդ Հասթինգս» հոդվածին։
Թեմատիկ կայքեր
Բառարաններ և հանրագիտարաններ
Ստացված է «https://hy.wikipedia.org/w/index.php?title=Ռիդ_Հասթինգս&oldid=9518544» էջից