Ռընե Հովիվ

Ռընե Հովիվ; ֆր.՝ René Hovivian
Ծնվել է	հոկտեմբերի 26, 1929
Ծննդավայր	Վիեն
Մահացել է	մայիսի 28, 2005 (75 տարեկան)
Մահվան վայր	Կլամար
Քաղաքացիություն	Ֆրանսիա
Ազգություն	հայ
Կրթություն	École nationale supérieure des beaux-arts de Lyon?
Մասնագիտություն	գծանկարիչ, խմբագրականի ծաղրանկարիչ և penciller

Ռընե Հովիվ (Խորեն Վահանի Հովիվյան, հոկտեմբերի 26, 1929(1929-10-26)^[1], Վիեն - մայիսի 28, 2005(2005-05-28)^[1]^[2]^[3], Կլամար), ֆրանսահայ ծաղրանկարիչ։

Կենսագրություն[խմբագրել | խմբագրել կոդը]

Խորեն Հովիվյանը ծնվել է 1929-ին Ֆրանսիայի Վիեն քաղաքում։ Հայրը՝ Վահան Հովիվյանը, ծնվել է Արևմտյան Հայաստանի Սեբաստիա քաղաքում, եղել է Հայոց ցեղասպանությունից հետո Հովիվյանների մեծ ընտանիքի միակ վերապրողը։ Նրա մանկությունն անցել է Բեյրութի ամերիկյան որբանոցում, որտեղից էլ տեղափոխվել է Ֆրանսիա։ 1947 թվականին Վահան Հովիվյանը ընտանիքով ներգաղթել է Խորհրդային Հայաստան, երկու տարի անց կեղծ ամբաստանությամբ ընտանիքն աքսորվել է Ալթայի երկրամաս՝ ցմահ բնակության։ Ստալինի մահից հետո՝ 1957 թվականին է ընտանիքը վերադարձել է Հայաստան, որտեղից էլ յոթ տարի անց՝ Ֆրանսիա^[4]։

Ալթայի երկրամասի Բառնաուլ քաղաքում որպես երգիծանկարիչ Ռընե Հովիվն աշխատել է տեղի թերթերում, ձևավորել գրքեր։ Հետագայում տեղափոխվել է Մոսկվա և որպես մուլտիպլիկատոր աշխատել Ֆեոդոր Խիտրուկ արվեստանոցում, թղթակցել է մոսկովյան մի շարք պարբերականների։

Ֆրանսիա վերադառնալուց հետո Ռընեն շատ արագ ճանաչում է ձեռք բերել եւ դարձել ամենապահանջված երգիծական նկարիչներից մեկը։ 1964-2005 թվականներին նկարիչը համագործակցել է ֆրանսիական «Paris Match», «Lui», «Le Quotidien de Paris», գերմանական «Stern» և ամերիկյան «Playboy» պարբերականների հետ։

Ծաղրանկարչի մտերիմ ընկերներից է եղել ֆրանսահայ երգիչ Շառլ Ազնավուրը։ Ռընե Հովիվը ձևավորել Ազնավուրի համերգների ցուցապաստառները, նրա աշխատանքների մեջ տեղ են գտել Ազնավուրի ծաղրանկարները^[5]։

2018 թվականին Ռընե Հովիվի աշխատանքները ցուցադրվել են Երևանում՝ «Վերադարձ դեպի Արարատ» խորագրով^[6]^[7]։

Ծանոթագրություններ[խմբագրել | խմբագրել կոդը]

↑ ^1,0 ^1,1 ^1,2 ^1,3 ^1,4 Benezit Dictionary of Artists — OUP, 2006. — ISBN 978-0-19-977378-7
↑ ^2,0 ^2,1 ^2,2 BD Gest' (ֆր.)
↑ ^3,0 ^3,1 ^3,2 Babelio (ֆր.) — 2007.
↑ «Վերադարձ դեպի Արարատ. ցուցահանդես եւ գրքի շնորհանդես». Արխիվացված է օրիգինալից 2023 թ․ ապրիլի 24-ին. Վերցված է 2023 թ․ ապրիլի 24-ին.
↑ Ֆրանսահայ ծաղրանկարիչ Ռընե Հովիվի ծաղրանկարների ցուցահանդեսը Գյումրիում
↑ «ԵՐԵՒԱՆԻ ՄԷՋ ԵԶԱԿԻ ՑՈՒՑԱՀԱՆԴԷՍ ՄԸ՝ ՖՐԱՆՍԱՀԱՅ ՄԵԾԱՆՈՒՆ ԾԱՂՐԱՆԿԱՐԻՉ ՌԸՆԷ ՀՈՎԻՒԵԱՆԻ ԹՈՂԱԾ ԺԱՌԱՆԳՈՒԹԵԱՆ ՄԱՍԻՆ».
↑ «Երևանում բացվեց ֆրանսահայ երգիծանկարիչ Ռընե Հովիվի «Վերադարձ դեպի Արարատ» ցուցահանդեսը (տեսանյութ)». past.am. Վերցված է 2023 թ․ ապրիլի 24-ին.

Արտաքին հղումներ[խմբագրել | խմբագրել կոդը]

[_0063ac2a84af9c30-1] 1,0 ^1,1 ^1,2 ^1,3 ^1,4 Benezit Dictionary of Artists — OUP, 2006. — ISBN 978-0-19-977378-7

[_e233d1b858414d31-2] 2,0 ^2,1 ^2,2 BD Gest' (ֆր.)

[_3fd32569ba5f1e7e-3] 3,0 ^3,1 ^3,2 Babelio (ֆր.) — 2007.

[4] «Վերադարձ դեպի Արարատ. ցուցահանդես եւ գրքի շնորհանդես». Արխիվացված է օրիգինալից 2023 թ․ ապրիլի 24-ին. Վերցված է 2023 թ․ ապրիլի 24-ին.

[5] Ֆրանսահայ ծաղրանկարիչ Ռընե Հովիվի ծաղրանկարների ցուցահանդեսը Գյումրիում

[6] «ԵՐԵՒԱՆԻ ՄԷՋ ԵԶԱԿԻ ՑՈՒՑԱՀԱՆԴԷՍ ՄԸ՝ ՖՐԱՆՍԱՀԱՅ ՄԵԾԱՆՈՒՆ ԾԱՂՐԱՆԿԱՐԻՉ ՌԸՆԷ ՀՈՎԻՒԵԱՆԻ ԹՈՂԱԾ ԺԱՌԱՆԳՈՒԹԵԱՆ ՄԱՍԻՆ».

[7] «Երևանում բացվեց ֆրանսահայ երգիծանկարիչ Ռընե Հովիվի «Վերադարձ դեպի Արարատ» ցուցահանդեսը (տեսանյութ)». past.am. Վերցված է 2023 թ․ ապրիլի 24-ին.

[1]

[2]

[3]

[4]

[5]

[6]

[7]