Ռեքվիեմ երազանքի համար (ֆիլմ)

Վիքիպեդիայից՝ ազատ հանրագիտարանից
Jump to navigation Jump to search
Picto infobox cinema.png
Ռեքվիեմ երազանքի համար
անգլ.՝ Requiem for a Dream
Ռեքվիեմ երազանքի համար (ֆիլմ).jpg
ԵրկիրFlag of the United States.svg ԱՄՆ
Ժանրդրամա[1][2][3][…] և վեպի մոտիվներով ֆիլմ
Թեմամարմնավաճառություն, Հերոին և Թունամոլություն
ՀիմքRequiem for a Dream?
Թվականհոկտեմբերի 27, 2000, հունվարի 3, 2002[4] և նոյեմբերի 3, 2000
Լեզուանգլերեն
ՌեժիսորԴարրեն Արոնոֆսկի
ՊրոդյուսերEric Watson?
Սցենարի հեղինակԴարրեն Արոնոֆսկի և Hubert Selby Jr.?
ԴերակատարներԷլեն Բյորստին[5][6][7][…], Ջարեդ Լետո[3][5][6][…], Ջենիֆեր Քոնելի[5][6][7][…], Մառլոն Ուեյանս[5][7][8][…], Քրիստոֆեր Մաքդոնալդ[5][9], Louise Lasser?[5][9], Դևիդ Կիթ[5][9], Սյուզան Շեփերդ[9], Մարկ Մարգոլիս[9], Բեն Շենքման[5][9], Samia Shoaib?[5][9], Sean Gullette?[5][9], Աջայ Նայդու[10], Դիլան Բեյքեր[10], Jimmie Ray Weeks?[10], Դարրեն Արոնոֆսկի[10], Hubert Selby Jr.?[10], Պետեր Մալոնի[10] և Օլգա Մերեդիզ[10]
ՕպերատորՄեթյու Լիբատիկ
ԵրաժշտությունԿլինթ Մենսել
ՄոնտաժՋեյ Ռաբինովից
Պատմվածքի վայրԲրուքլին
Նկարահանման վայրՆյու Յորք
ԿինոընկերությունThousand Words? և Protozoa Pictures?
Տևողություն97 րոպե
Շահույթ7 400 000 $[11]
Պաշտոնական կայքէջ

Ռեքվիեմ երազանքի համար (ռուս.՝ Requiem for a Dream), հոգեբանական դրամա` հիմնված Հուբերտ Սելբիի նույնանուն նովելի վրա։ Ռեժիսորը Դարեն Արոնոֆսկին է, գլխավոր դերերում են Էլեն Բյորստինը, Ջարեդ Լետոն, Ջենիֆեր Քոնելին և Մառլոն Ուեյանսը։ Ֆիլմն առաջին անգամ մեծ էկրան է բարձրացել 2000 թվականին։ Ֆիլմը պատմում է տարբեր մարդկանց մասին, որոնցից յուրաքանչյուրն իր սրտի խորքում պահած ունի մի երազանք, որին հասնելու համար օգտագործում են տարբեր միջոցներ` ոմանք կամա, ոմանք էլ ակամա զոհ գնալով այդ միջոցներին[12]։

Սյուժե[խմբագրել | խմբագրել կոդը]

Բրայթոն Բիչում ապրում է վաղուց այրիացած մի կին՝ Սառա Գոլդֆարբը։ Նրա ամենասիրելի զբաղմունքը հեռուստացույց դիտելն է։ Նա շարունակ դիտում է հեռուստացույց, մասնավորապես Թեփփի Թիբոնսի գովազդային հոլովակները։ Մի օր նա զանգ է ստանում. Նրան հրավիրում են մասնակցելու իր ամենասիրելի հոլովակին։ Կինը այնքան է ոգևորվում, այնքան է ուրախանում։ Չէ՞ որ իրականանում է իր երազանքը՝ հայտնվել մեծ էկրանին։ Նա սկսում է պատրաստվել։ Երբ ձեռքն է ընկնում որդու՝ Հարիի ավարտական երեկոյի նկարը, նա տեսնում է, թե որքան երիտասարդ ու խնամված էր այդ տարիներին։ Եվ որոշում է ջանք չխնայել՝ երիտասարդ Սառայի ողջ գրավչությունն ու հմայքը փոքր-ինչ վերականգնելու համար։ Նա ներկում է մազերը։ Որպեսզի կարողանա նորից կրել այն կարմիր զգեստը, որը կրում էր որդու ավարտական երեկոյի լուսանկարում, նա անցնում է դիետայի։ Իր նպատակին ավելի շուտ հասնելու համար նա ընդունում է իր ընկերուհու խորհուրդը և ընդունում մի շարք նիհարեցնող դեղեր ողջ օրը, իսկ գիշերն էլ հանգստացնող հաբեր է խմում։ Որդին՝ Հարրին, զգուշացնում է Սառային այդ դեղերից կախվածության և առողջության հնարավոր վնասման մասին, բայց Սառան կտրուկ մերժում է որդուն և ասում, որ իր երազանքն իրականանում է. մեծ էկրանին հայտնվելու հնարավորությունը իրեն ապրելու նոր իմաստ է տվել։ Օրեցօր նա ավելի է շատացնում դեղերի ընդունման չափաբաժինը՝ 2-ից 3, 3-ից՝ 4…. Արդյունքում Սառայի մոտ սկսվում են հալյուցինացիաներ։ Սրանց մասին Սառան պատմում է իր բժշկին։ Վերջինս նոր դեղահաբեր է նշանակում։ Սակայն Սառայի տեսիլքներն ու հալյուցինացիաները ավելի ուժեղ ու նյարդային են դառնում, նա աստիճանաբար կորցնում է կապը իրականության հետ։ Սառայի վիճակը գնալով ավելի է վատթարանում։ Նրա երևակայությունը իրեն տանում է դեպի իր սիրելի շոու, նա պատկերացնում է իրեն՝ հսկայական լսարանի առջև կանգնած։ Այս ողջ ընթացքում նա անհամբեր սպասում է իր սիրելի հեռուստաշոուից նամակի, որով պիտի նրան հայտնեին նկարահանման օրը։ Բայց նամակը չկար…

Հարրիի կերպարը[խմբագրել | խմբագրել կոդը]

Հարրին Սառայի որդին է։ Նա վարում է արկածային ու խենթ կյանք իր ընկերուհու՝ Մերիոն Սիլվերի և լավագույն ընկերոջ՝ Թայրոն Լավի հետ։ Այս երեքը ներգրավված են թմրանյութի բիզնեսի մեջ։ Թայրոնը որոշում է օգնել իր ընկերներին և առաջարկում մուտք գործել թմրանյութի ապօրինի առք ու վաճառքի մեջ։ Գործարքը հաջող իրականացնելու դեպքում նրանց մեծ գումար էր սպասում։ Այս գումարի հետ ընկերներից յուրաքանչյուրը իր մի երազանքն էր կապում. Հարրին և Մերիոնը ուզում էին բացել իրենց սեփական հագուստի մոդելավորման խանութը և փախչել Մերիոնի ճնշող ու խիստ ծնողներից, Թայրոնը ուզում էր իր ընտանիքի՝ ցածր եկամուտ բերող շրջապատից, պատվել իր հանգուցյալ մոր հիշատակը և ամուր բիզնես հիմնել։ Սակայն շուտով Թայրոնը ձերբակալվում է՝ բռնվելով թմրավաճառքի պահին։ Հարրին վատնում է իրենց ողջ փողերը` ընկերոջը գրավի դիմաց ազատելու համար։

Այսպես, չունենալով այլևս գումար` 3 ընկերների համար առավել դժվար է դառնում հերոին գտնելը։ Նրանք չէին կարող երկար դիմանալ առանց թմրանյութի, նրանք թմրամոլներ էին։ Չկա գումար, չկա թմրանյութ։ Հարրին Մերիոնին առաջարկում է գումար վաստակելու միակ միջոցը այդ պահին՝ մարմնավաճառություն։ Մերիոնը սեռական կապի մեջ է մտնում իր հոգեբույժի հետ և այդպես կարողանում ինչ-որ չափով փրկել իրեն ու իր ընկերներին՝ հայթայթելով գումար թմրանյութի համար։ Բայց Հարրին կարծես չի գնահատում այս ամենը։ Նա ինքը Մերիոնին դրդում է նման քայլի և ապա սկսում է չնկատել աղջկան։ Նրանց միջև անդունդ է առաջանում, և նրանց հարաբերությունները կամաց-կամաց սկսում են խզվել։ Հարրին և Թայրոնը գնում են մի թմրավաճառի մոտ, սակայն այնտեղ ծեծկռտուք է սկսվում, և նրանք այդպես էլ չեն կարողանում գնել իրենց հերոինը։ Վերադառնալով առանց թմրանյութի՝ Հարրին սկսում է վիճել Մերիոնի հետ և նրան է տալիս մեկ այլ թմրավաճառի՝ «Փոքրիկ Ջոնի» հեռախոսահամարը, որը պատրաստ էր թմրանյութեր տրամադրել սեռական հարաբերությունների դիմաց։

Սառան դեռ շարունակում է մնալ նույն գերլարված հոգեկան վիճակում։ Նա տեսնում է իրեն իր երազանքերի շոուն վարելիս, բայց մյուս աստղերն ու հանդիսատեսները ծիծաղում են և ծաղրում նրան՝ իր անբարենպաստ կենսական պայմանների համար։ Հալյուցինացիները հասնում են իրենց գագաթնակետին։ Սառան ճամփա է ընկնում դեպի հեռուստաընկերություն։ Անհանգստանալով կնոջ անկանոն հոգեվիճակի համար՝ ստուդիայի անվտանգության աշխատակիցը դիմում է բժիշկներին։ Սառան ակամա հայտնվում է հոգեբուժական բաժանմունքում, որտեղ ենթարկվում է անհաջող բժշկական բուժման։ Նա ենթարկվում է էլեկտրաշոկի թերապիայի՝ գոնե վերջնականապես իր խելքը կորցնելու համար։

Սյուժեի հետագա զարգացումը[խմբագրել | խմբագրել կոդը]

Հարրին և Թայրոնը մեկնում են Մայամի` այնտեղ ինչ-որ գումար աշխատելու։ Սակայն ճանապարհին Հարրիի վիճակը վատանում է, և նրան տեղափոխում են հիվանդանոց Ջորջիայում։ Բժիշկը նկատում է թմրամոլության ախտանիշներ։ Հարրիին և Թայլոնին ձերբակալում են։ Թայրոնը ստիպված էր դիմակայել որպես պատիժ հարկադրված աշխատանքին, ռասիստ բանտակիցների ճնշումներին և առանց թմրադեղերի ապրելուն։ Հարրին բանտախցից տեղափոխվում է հիվանդանոց, որպեսզի բժիշկները կարողանան անդամահատել նրա ձեռքը, որն արդեն լիովին քայքայվել էր թմրանյութերից ու սրսկումներից։ Մերիոնը կապվում է Հարրիի տված հեռախոսահամարի տեր «Փոքրիկ Ջոն» թմրավաճառի հետ և իրեն զոհաբերելով՝ սեռական հարաբերությունների մեջ է մտնում տարբեր մարդկանց հետ և կարողանում է թմրանյութեր գտնել իր համար։

Ֆիլմի ավարտը[խմբագրել | խմբագրել կոդը]

Ֆիլմն ավարտվում է հերոսներից յուրաքանչյուրի՝ իր երազած ապագային ուղղված հայացքով։ Սառան երազում է, թե ինչպես է շահում մեծ մրցանակը։ Այդ պահին նրա որդին հայտնվում է և ջերմորեն շնորհավորում էկրանների թագուհի դարձած մորը։ Իր երևակայության մեջ Հարրին նշանված է Մերիոնի հետ։ Սառան ու Հարրին գրկում են միմյանց, հանդիսատեսը ծափահարում է, բեմը շողում է լույսերով։

Դերասանական կազմ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. ↑ http://www.ew.com/article/2000/10/13/movie-review-requiem-dream
  2. ↑ http://www.imdb.com/title/tt0180093/
  3. ↑ 3,0 3,1 https://www.filmaffinity.com/en/film747961.html
  4. ↑ http://www.kinokalender.com/film3322_requiem-for-a-dream.html
  5. ↑ 5,0 5,1 5,2 5,3 5,4 5,5 5,6 5,7 5,8 5,9 http://www.bbfc.co.uk/releases/requiem-dream-2001-3
  6. ↑ 6,0 6,1 6,2 http://stopklatka.pl/film/requiem-dla-snu
  7. ↑ 7,0 7,1 7,2 http://www.adorocinema.com/filmes/filme-26602/
  8. ↑ http://www.allocine.fr/film/fichefilm_gen_cfilm=26602.html
  9. ↑ 9,0 9,1 9,2 9,3 9,4 9,5 9,6 9,7 http://www.imdb.com/title/tt0180093/fullcredits
  10. ↑ 10,0 10,1 10,2 10,3 10,4 10,5 10,6 ČSFD (չեխերեն) — 2001.
  11. ↑ http://www.boxofficemojo.com/movies/?id=requiemforadream.htm
  12. ↑ «Festival de Cannes: Requiem for a Dream»։ Festival-Cannes.com։ Վերցված է 2009 թ․ հոկտեմբերի 17–ին 

Արտաքին հղումներ[խմբագրել | խմբագրել կոդը]

 ⛭ 
  Թեմատիկ կայքեր
Չափորոշչային վերահսկողություն
GND: 7669191-3 · LCCN: n2004024772 · VIAF: 316751968 · WorldCat VIAF: 316751968
Ստացված է «https://hy.wikipedia.org/w/index.php?title=Ռեքվիեմ_երազանքի_համար_(ֆիլմ)&oldid=7849912» էջից