Ռեյնալդո Արենաս

Ռեյնալդո Արենաս
Ծննդյան անուն	իսպ.՝ Reinaldo Arenas Fuentes
Ծնվել է	հուլիսի 16, 1943(1943-07-16)[…]
Ծննդավայր	Aguas Claras, Holguín Province, Կուբա
Վախճանվել է	դեկտեմբերի 7, 1990(1990-12-07)[…] (47 տարեկան)
Վախճանի վայր	Նյու Յորք, Նյու Յորք, ԱՄՆ
Մասնագիտություն	գրող, բանաստեղծ, դրամատուրգ, գրադարանավար և վիպասան
Քաղաքացիություն	Կուբա
Ուշագրավ աշխատանքներ	Before Night Falls?
Պարգևներ	Գուգենհայմի կրթաթոշակ

Ռեյնալդո Արենաս (իսպ.՝ Reinaldo Arenas, հուլիսի 16, 1943(1943-07-16)^[…], Aguas Claras, Holguín Province, Կուբա - դեկտեմբերի 7, 1990(1990-12-07)^[…], Նյու Յորք, Նյու Յորք, ԱՄՆ), կուբացի բանաստեղծ, արձակագիր և դրամատուրգ։ 

Կենսագրություն

Ռեյնալդո Արենասը մեծացել է առանց հոր՝ բազմանդամ և աղքատ կուբական գյուղական ընտանիքներից մեկում։ Սկզբնական շրջանում եղել է Կուբայական հեղափոխության ակտիվ ջատագով։ Սովորել է Հավանայի համալսարանում, սակայն չի ավարտել այն։ Աշխատել է Կուբայի ազգային գրադարանում։ 1960-ական թվականների երկրորդ կեսին, արտասահմանում տպագրվելու պատճառով, Արենասի ստեղծագործությունները ակտիվ գրաքննության են ենթարկվել։ Պատմական ակնարկներով լեցուն նրա «Երազե աշխարհ» ստեղծագործությունը, որը պատմում էր ինկվիզիցիայի ենթարկված XIX դարի սկզբի մեքսիկացի պոետ, քահանա Սերվանդոյի մասին (վեպը տպագրվել է 1966 թվականին, իսկ 1969 թվականին բարձր գնահատվել հեղինակավոր ժյուրիի կողմից՝ Խոսե Լեսամա Լիմայի գլխավորությամբ), կուսակցական պաշտոնյաների որոշմամբ զրկվել է մրցանակից։ 1973 թվականից սկսել է գաղտնի գործել, նույն թվականին ձերբակալվել է Համասեռամոլության մեղադրանքով։ Երկու տարի անց է կացրել Մորրոյի բանտում։ 1980 թվականից մինչ մահը ապրել է Միացյալ Նահանգներում։

Գրական ժառանգություն

«Սելեստինոն արևագալից առաջ», «Սպիտակաձյուն սկունսների պալատը», «Նորից ծով», «Ամռան գույներ» և «Փոթորիկ» ստեղծագործությունները, որոնք տարբերվում են կառնավալային աբսուրդիզմի վառ տարրերով, արտացոլում են անցյալի և ներկայի պատկերները, քննադատում՝ ցանկացած աբսուրդ երևույթ։ «Ամենավառ աստղ՝ Արթուրոն» (1987) վեպում ներկայացվում է ամենօրյա կյանքը Կուբայի ուղղիչ աշխատանքային գաղութներում։ Այդ գաղութների մասին է պատմում նաև Նեստոր Ալմենդրոսի «Անարժան պահվածք» (1984 փաստագրական ֆիլմը, որի սերիաներից մեկում նկարահանվել է Ռեյնալդո Արենասը։ Արենասի կադրերը ներառվել են նաև Մանուել Սայասի «Տարօրինակ մարդիկ» կենսագրական ֆիլմաշարում։ Արենասի ստեղծագործությունները թարգմանվել են մի քանի լեզուներով։

Մահ

1987 թվականին Արենասի մոտ հայտնաբերվել է ՁԻԱՀ։ Հիվանդության հետ երկարատև պայքարի արդյունքում, նա ֆիզիկական ծանր վիճակի պահին ինքնասպան է եղել։

Ստեղծագործություններ

Վեպեր

• Celestino antes del alba/ Սելեստինոն արևագալից առաջ (1967,ավելի ուշ հրատարակվել է — «Ջրհորում երգողները»)։
• El mundo alucinante/ Երազե աշխարհ (1969):
• El palacio de las blanquísimas mofetas/ Սպիտակձյուն սկունսների պալատը (1980):
• Otra vez el mar/ Նորից ծով (1982):
• Arturo, la estrella más brillante/ Ամենավառ աստղ՝ Արթուրոն (1984):
• La Loma del Angel/ Հրեշտակի բլուրը (1987:
• El portero/ Շվեյցար (1989):
• Viaje a La Habana/ Ճանապարհորդություն դեպի Հավանա (1990):
• Antes que anochezca/ Մինչև չգա գիշերը (1992):

Նովելներ

• Con los ojos cerrados/ Փակ աչքերով (1972):
• Termina el desfile/ Շքերթի ավարտը (1981):

Բանաստեղծություններ

• Voluntad de vivir manifestándose/ Առանց թաքնվելու ապրելու ցանկություն (1989)

Թատրոն

• Persecución/ Հետապնդում (1986):

Գեղարվեստական ֆիլմեր

• Before Night Falls/ Մինչև չգա գիշերը (2000)