Ռեյմոնդ Դամադյան

Ռեյմոնդ Դամադյան
Ծնվել է	մարտի 16, 1936(1936-03-16)
Ծննդավայր	Նյու Յորք, Նյու Յորք, ԱՄՆ
Մահացել է	օգոստոսի 3, 2022(2022-08-03) (86 տարեկան)
Մահվան վայր	Woodbury, Օյսթեր Բեյ, Նասաու շրջան, Նյու Յորք, ԱՄՆ
Գերեզման	Pinelawn Memorial Park
Քաղաքացիություն	ԱՄՆ և  Ֆրանսիա
Մայրենի լեզու	անգլերեն
Կրթություն	Ջուլիարդ դպրոց, Վիսկոնսինի համալսարան Մեդիսոնում և Ալբերտ Այնշտայնի անվան բժշկական քոլեջ
Երկեր	մագնիսառեզոնանսային շերտագրություն
Մասնագիտություն	բժիշկ, ձեռնարկատեր, ֆիզիկոս, գյուտարար և կենսաֆիզիկոս
Պարգևներ և մրցանակներ	Տեխնոլոգիայի և նորարարության ասպարեզի ազգային մեդալ Ազգային գյուտարարների փառքի սրահ Լեմելսոնի պարգև և Բաուերի մրցանակ գիտության բնագավառում ունեցած ձեռքբերումների համար

Ռեյմոնդ Վահանի Դամադյան (անգլ.՝ Raymond Vahan Damadian, մարտի 16, 1936(1936-03-16), Նյու Յորք, Նյու Յորք, ԱՄՆ - օգոստոսի 3, 2022(2022-08-03), Woodbury, Օյսթեր Բեյ, Նասաու շրջան, Նյու Յորք, ԱՄՆ), հայազգի գյուտարար, որը հայտնագործել է մագնիսառեզոնանսային պատկերի ախտորոշման սարքը, որը հնարավորություն է տալիս զննել ներքին օրգաններն առանց վիրահատական միջամտության։

Վաղ շրջան

Դամադյանը ծնվել է 1936 թվականին, Մելվիլում (Նյու Յորք նահանգ, ԱՄՆ), եղեռնից փրկված Վահան Դամադյանի և Օդետ Յազըջյանի ընտանիքում։ 1956 թվականին Մեդիսոնի Վիսկոնսինի բժշկական համալսարանում (University of Wisconsin-Madison) ստանում է մաթեմատիկայի բակալավրի գիտական աստիճան։ Հետագայում, 1960 թվականին Նյու Յորքում գտնվող Ալբերտ Էյնշտեյնի անվան բժշկական քոլեջում (Albert Einstein College of Medicine) ստանում է դոկտորի գիտական աստիճան։ 8 տարեկան հասակում ջութակ նվագել է սովորել Ջուլլիարդ դպրոցում (The Juilliard School), մասնակցել է թենիսի պատանեկան Դևիսի գավաթի բաց առաջնությանը։