Ռեկուրենտ բանաձև

Ռեկուրենտ բանաձև ( < լատ․ recurrens, սեռ․ հոլով՝ recurrentis – ետ եկող, վերադարձող), անդրադարձ բանաձև, բերման բանաձև, բանաձև, որը որևէ հաջորդականության $n$–րդ անդամի հաշվումը բերում է նախորդ մի քանի անդամների հաշվմանը։ Ռեկուրենտ բանաձևը ունի $a_{n}=f(a_{n},a_{n-1},a_{n-2},....,a_{n-p})(n\geqslant p+1)$ տեսքը, որտեղ $f$-ը տրված (հայտնի) ֆունկցիա է։ Այս բանաձևով $a_{n}$-ին նախորդող՝ հայտնի $a_{n-1},a_{n-2},....,a_{n-p}$-երի միջոցով կարելի է հաշվել $a_{n}$-ը։ Օրինակ՝ $(a_{n})=(a_{1},a_{2},a_{3}....,a_{n},....)$ հաջորդականությունը տված է՝ $a_{n}=a_{n-1}+a_{n-2}(n=3,4,....),a_{1}=1,a_{2}=1$ բանաձևով։ $a_{n}$-երը կոչվում են ֆիբոնաչիի թվեր, իսկ $(a_{n})$ հաջորդականությունը՝ ֆիբոնաչիի հաջորդականություն։ Տրված բանաձևով կարելի է հաշվել $(a_{n})$ հաջորդականության $a_{3},a_{4}....$ անդամները՝ $a_{3}=a_{2}+a_{1}=2,a_{4}=a_{3}+a_{2}=3$, ևն։

Արտաքին հղումներ

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 9, էջ 630)։