Ռեթեոս Պերպերյան
Ռեթեոս Պերպերյան արմտ. հայ.՝ Ռեթէոս Պէրպէրեան | |
|---|---|
 | |
| Ծնվել է | 1848 հոկտեմբերի 10 |
| Ծննդավայր | Hasköy, Կոստանդնուպոլիս, Օսմանյան կայսրություն[1] |
| Վախճանվել է | ապրիլի 7, 1907 (տարիքը 58) |
| Վախճանի վայր | Կ. Պոլիս |
| Մասնագիտություն | մանկավարժ, լրագրող, գրող, բանաստեղծ, տնտեսագետ և հրապարակախոս |
| Ազգություն | հայ |
| Քաղաքացիություն | .svg){kind=small} Օսմանյան կայսրություն |
| Կրթություն | Ներսեսյան վարժարան |
| Աշխատավայր | Պերպերյան վարժարան և Երկրագունտ |
| Զավակներ | Օննիկ Պերպերյան, Շահան Պերպերյան և Մաննիկ Պերպերյան |
| Ռեթեոս Պերպերյան Վիքիդարանում | |
 Reteos Berberian Վիքիպահեստում | |
Ռեթեոս Հակոբի Պերպերյան (հոկտեմբերի 10, 1848, Hasköy, Կոստանդնուպոլիս, Օսմանյան կայսրություն[1] - ապրիլի 6, 1907, Սկյուտար, Կոստանդնուպոլիս, Օսմանյան կայսրություն), հայ բանաստեղծ, մանկավարժ, հրապարակախոս, տնտեսագետ։
Օննիկ և Շահան Պերպերյանների հայրը։
Կենսագրություն[խմբագրել | խմբագրել կոդը]
Ռեթեոս Պերպերյանը ծնվել է Կոստանդնուպոլսի Խասգյուղ թաղամասում։ 1866 թվականին ավարտել է Կ. Պոլսի Ներսեսյան վարժարանը, զբաղվել ուսուցչությամբ։ 1876 թվականին հիմնել է Պերպերյան վարժարանը։ Պերպերյանի «Առաջին տերեւք» (1877), «Խոհք ևւ յուշք» (1904) ժողովածուները կրում են ֆրանսիական ռոմանտիզմի ազդեցությունը, մասնավորապես Լամարթինի ազդեցությունը։ Վերջինիս մի շարք բանաստեղծությունները թարգմանել է հայերեն՝ «Մահ Սոկրատա», «Լիճ» և այլն։ Անդրանիկ բանաստեղծությունները սիրո և բնության երգեր են, վերջին շրջանի գործերում իշխում է փիլիսոփայական խոհը։
Պերպերյանի մանկավարժական-բարոյագիտական հայացքները («Դաստիարակի մը խօսքերը», 1901, «Դպրոց եւ Դպրութիւն», 1907[2]) հիմնված են գեղեցիկի, բարու և ճշմարիտի սկզբունքների վրա։ Կարևորել է կնոջ դերը հասարակության մեջ։ Ըստ նրա՝ բարոյական դաստիարակության ամենազորեղ միջոցը դաստիարակի անձնական օրինակն է։
Պերպերյանը գրել է նաև հրապարակախոսական-փիլիսոփայական աշխատություններ։ Տնտեսագիտության հիմնական խնդիրներին մոտեցել է դասական քաղաքատնտեսության դիրքերից։ Հարստության ստեղծման, ապրանքի արժեքի, փողի մասին դատել է՝ ելնելով արժեքի աշխատանքային տեսության սկզբունքներից։ Վերլուծելով աշխատավարձի էությունը՝ աշխատավորի համար գլխավորը համարել է իրական աշխատավարձը և այն անմիջականորեն կապել կենսամիջոցների գների հետ։ Կապիտալը բնորոշել է որպես «խնայված» հարստություն և ոչ թե շահագործման արդյունք։
Հանդես է եկել նաև Հրաչյա կեղծանունով[3]։ Մահացել է Սկյութարում։
Տես նաև[խմբագրել | խմբագրել կոդը]
Երկեր[խմբագրել | խմբագրել կոդը]
- Երկու բանախօսութիւնք, ԿՊ, 1880
- Համառօտ քաղաքական տնտեսուիւն...ԿՊ, 1883
- Դրամ, ԿՊ, 1886
Գրականություն[խմբագրել | խմբագրել կոդը]
- Կարապետյան Պ, Մեծ դաստիարական և ուսոցչապետ Ռեթէոս Յ. Պէրպէրյան /ԿՊ, 1933/
- Թևոսյան Ա. Ռեթեոս Պերպերյան։ Փիլիսոփայական և հասարակական-քաղաքական հայացքները, Երևան, 1989։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 Deutsche Nationalbibliothek, Staatsbibliothek zu Berlin, Bayerische Staatsbibliothek, Österreichische Nationalbibliothek Record #1049775554 // Gemeinsame Normdatei (գերմ.) — 2012—2016.
- ↑ Ռեթէոս Յ. Պէրպէրեան
- ↑ Ով ով է. Հայեր. Կենսագրական հանրագիտարան, հատոր երկրորդ, Երևան, 2007
Արտաքին հղումներ[խմբագրել | խմբագրել կոդը]
- Ստամբուլ քաղաքում ծնվածներ
- Անձինք այբբենական կարգով
- Գրողներ այբբենական կարգով
- Հոկտեմբերի 10 ծնունդներ
- 1848 ծնունդներ
- Ապրիլի 6 մահեր
- 1907 մահեր
- Ստամբուլ քաղաքում մահացածներ
- Հայ բանաստեղծներ
- Հայ մանկավարժներ
- Հայ հրապարակախոսներ
- Հայ տնտեսագետներ
- Կոստանդնուպոլիս քաղաքում ծնվածներ
- Ապրիլի 7 մահեր
- Կոստանդնուպոլիս քաղաքում մահացածներ
- Հայերն Օսմանյան կայսրությունում
- 19-րդ դարի Օսմանյան կայսրության գրողներ
- 20-րդ դարի Օսմանյան կայսրության գրողներ
- Հայ գրողներ
- Ստամբուլում ծնված գրողներ
- Անձինք Կոստանդնուպոլսից
- Հայ ուսուցիչներ
- Օսմանյան կայսրության անձինք
- 19-րդ դարի Օսմանյան կայսրության անձինք
- Հայ տղամարդ գրողներ
- Օսմանյան կայսրության կրթական գործիչներ
- 20-րդ դարի տղամարդ գրողներ
- Հայ լրագրողներ