Ռեզոնատոր

Վիքիպեդիայից՝ ազատ հանրագիտարանից

Ռեզոնատոր, համակարգ կամ մարմին, որում կարող է տեղի ունենալ ռեզոնանսի երևույթ։ Գործնականում սովորաբար ռեզոնատորներ են կոչվում բաշխված պարամետրերով (ազատության անվերջ թվով աստիճաններով) տատանողական համակարգերը։ Ռեզոնատորները լինում են ձայնական՝ լարը, կամերտոնը, մեմբրանը, օդային խոռոչը (Տելմհոլցի ռեզոնատոր) և այլն, էլեկտրական՝ տատանողական կոնտուրը, ծավալային ռեզոնատորը, քվարցային ռեզոնատորներ և այլն, օպտիկական՝ օրինակ, երկու զուգահեռ հարթ հայելիներից կազմված համակարգը։ Ռեզոնատորը արձագանքում է հիմնականում այն ներդաշնակ պարբերական ազդեցություններին, որոնց հաճախականությունները մոտ են իր սեփական տատանումների հաճախականությանը։ Աններդաշնակ ազդեցությունների դեպքում ռեզոնատորը կատարում է բարդ տատանումներ, սակայն դրանց սպեկտրում դարձյալ առանձնանում են հատկապես այն հաճախականությունների տատանումները, որոնք առավել մոտ են ռեզոնատորների սեփական տատանումների հաճախականությանը։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։