Ռեակտիվ դիմադրություն

Ռեակտիվ դիմադրություն (< ռե․․․ և լատ․ activus– գործուն, գործարար), փոփոխական հոսանքի շղթայի լրիվ դիմադրության մաս, որը բնութագրում է շղթայի ունակության և ինդուկտիվության տարրերի փոփոխական հոսանքին դիմադրելու հատկությունը։ Չափվում է օհմ–երով և նշանակվում $X$ կամ $x$:

Կարող է լինել ինդուկտիվ՝ $X_{L}=\omega L$ կամ ունակային՝ $X_{C}={\frac {1}{\omega C}}$, որտեղ $\omega$-ն հոսանքի անկյունային հաճախականությունն է, $L$–ը՝ շղթայի ինդուկտիվությունը, $C$-ն՝ ունակությունը։

Հաջորդաբար միացված ինդուկտիվությամբ և ունակությամբ չճյուղավորված շղթայի ռեակտիվ դիմադրությունը հավասար է՝ $X=X_{L}-X_{C}=\omega L-{\frac {1}{\omega C}}$։

Ռեզոնանսային հաճախականության դեպքում՝ $X_{L}=X_{C}$ և $X=0$։

Ակտիվ $R$ և լրիվ $Z$ դիմադրություններով շղթայում ռեակտիվ դիմադրությունy հավասար է՝ $X={\sqrt {Z^{2}-R^{2}}}$: $R=0$ դեպքում (կորուստներ չկան) $X=Z$։

Շղթայում ռեակտիվ դիմադրության առկայությունը առաջ է բերում ֆազերի շեղում լարման և հոսանքի միջև։ Շղթայում $X$ ֆազի շեղման անկյունը՝ $\varphi =arctg{\frac {X}{R}}$:

Ռեակտիվ դիմադրությունը պատկերվում է փոփոխական հոսանքի շղթայի դիմադրությունների եռանկյան էջով։

Արտաքին հղումներ

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 9, էջ 615)։