Ռաֆլզ (հյուրանոց)

;
🌐	raffles.com/singapore/(անգլ.) և raffles.com/singapore/

«Ռաֆլզ» հյուրանոց (անգլ.՝ Raffles Hotel), դասական գաղութային ոճով կառուցված պատմական հյուրանոց, որը գտնվում է Սինգապուրի կենտրոնում։ Հյուրանոցը կառուցվել է 1887 թվականին և կոչվել է Սինգապուրի հիմնադիր սըր Սթեմֆորդ Ռաֆլզի անունով^[1]։ Շինարարությունն ավարտվել է 1899 թվականին, ճարտարապետ՝ Ռեջենտ Ալֆրեդ Ջոն Բիդուել (անգլ.՝ Regent Alfred John Bidwell): Համարվում է Raffles Hotels & Resorts ցանցի առաջատար հյուրանոցը, որը ներառում է Լեհաստանի, Կամբոջայի, Սաուդյան Արաբիայի, Թուրքիայի, Ինդոնեզիայի և Սեյշելյան կղզիների հյուրանոցներ։ Հյուրանոցը պատկանում է Katara Hospitality կատարական ընկերությանը^[2]։ Հյուրանոցի պատմական շենքը համարվում է Սինգապուրի կենտրոնական տեսարժան վայրերից մեկը և խորհրդանիշը։ Այն հայտնի է իր շքեղ համարներով և հրաշալի ռեստորաններով։ Հյուրանոցն իր մեջ ներառում է հնագույն արևադարձային այգի, բակ-թանգարան և վիկտորիանական ոճի թատրոն։

Պատմություն[խմբագրել | խմբագրել կոդը]

Հյուրանոցը հիմնադրել են չորս հայ Սարգիս եղբայրները 120 տարի առաջ (ռուսալեզու տեղեկատուներում սովորաբար տրվում է ազգանվան թարգմանության երկու տարբերակ՝ «Սարգիս եղբայրներ» կամ «Սարգիսյան եղբայրներ» բառացի թարգմանությունը։ Եղբայրների անուններն են՝ Մարտին, Տիգրան, Ավիետ և Արշակ Սարգիս (Սարգսյան))։ Եղբայրները բացել են 10 սենյականոց գաղութային ամառանոցը Բիչ Ռոադ (անգլ.՝ Beach Road) և Բրաս Բասահ Ռոադ (անգլ.՝ Bras Basah Road) փողոցների խաչմերուկում։ Ինչպես պարզվել է վերջերս հյուրանոցի կառուցման հետ կապված պատմական փաստաթղթերն ուսումնասիրելիս, շինարարության վայրը և շենքն այդ ժամանակ պատկանել են հայտնի արաբ վաճառական Սեյեդ Մոհամմադ Ալսագոֆֆին։ Հյուրանոցը բացվել է 1887 թվականի^[3] դեկտեմբերի 1-ին և հարմարեցվել է Մեծ Բրիտանիայի թագուհու ծննդյան օրվա հետ։ Նույն առիթով հյուրանոցին տրվել է հայտնի անգլիացի սըր Սթեմֆորդ Ռաֆլզի անունը, որը համարվում է Սինգապուրի հիմնադիրը։ Հյուրանոցի նախկին դիրքը ծովի ափին է եղել, բայց այժմ այն ափամերձ գոտում է, փոփոխությունների և ակտիվ զարգացման արդյունքում շենքը գտնվում է ափից մոտ 500 մետր հեռավորության վրա։ Ասիացիներին (չինացիներ, մալայացիներ և այլն) որպես հյուրանոցի հյուրեր մինչև 1930-ականները թույլ չէին տալիս։ Բնիկներին խստիվ արգելվում էր մնալ հյուրանոցում։

Raffles հյուրանոցի ներկայիս հիմնական մասնաշենքն ավարտվել է 1899 թվականին։ Հյուրանոցը տարիների ընթացքում շարունակ ընդլայնվել է։ Գլխավոր մասնաշենքին ավելացել են ծածկապատշգամբը, պարասրահը, բարը, բիլիարդի սենյակը և հյուրերի համար նախատեսված մի շարք շենքեր։ 1930-ականների համաշխարհային ճգնաժամը հանգեցրել է խոշոր ֆինանսական խնդիրների «Ռաֆլզ» հյուրանոցում, իսկ 1931 թվականին հյուրանոցը սնանկ է ճանաչվել։ 1933 թվականին ֆինանսական խնդիրները լուծվել են։ Հիմնադրվել է սինգապուրյան պետական «Raffles հյուրանոց» ՍՊԸ-ն, քանի որ պատմական հյուրանոցը Սինգապուրի ազգային սեփականությունն է եղել և սինգապուրցիների համար պատվի խնդիր է եղել փրկել և պահպանել այդ եզակի շենքը։

Raffles հյուրանոցը, ինչպես երևում է Beach Road-ից, շրջապատված է փարթամ կանաչապատմամբ։ Հյուրանոցի դիմաց աճում են հովհարաձև արմավենիներ, որոնք հյուրանոցի խորհրդանիշն են և Սինգապուրի խորհրդանիշներից մեկը։ Հյուրանոցի շրջակայքում գտնվող հին պուրակը՝ փոքր, հարմարավետ և հանգիստ բակերով, շատրվաններով և արևադարձային ծաղիկներով, խաղաղության և լռության զգացողություն է ստեղծում Ասիայի ամենաակտիվ և գործարար քաղաքներից մեկի սրտում։ Հյուրանոցը վերապրել է Երկրորդ համաշխարհային պատերազմը՝ չնայած լուրջ դժվարություններին։ Պատերազմի տարիներին հյուրանոցի շենքն օգտագործվել է որպես ռազմագերիների տարանցիկ ճամբար։ 1987 թվականին կառավարությունը հյուրանոցը հայտարարել է Սինգապուրի ազգային հուշարձան^[4]։

1989 թվականին հյուրանոցը փակվել է լայնածավալ վերանորոգման համար, որի նախահաշվային արժեքը ավելի քան 160 միլիոն դոլար է կազմել։ Հյուրանոցը վերաբացվել է 1991 թվականի սեպտեմբերի 16-ին․ պատմական շենքը վերականգնվել է այն վիճակում, ինչպիսին այն եղել է իր ծաղկման շրջանում՝ 1915 թվականին։ Հյուրանոցն ունի նաև առևտրի սրահ՝ աշխարհի առաջատար ապրանքանիշերի շքեղ խանութներով, ինչպես նաև հյուրերի լրացուցիչ սենյակներ։

Հյուրանոցում կա նաև Ռաֆլզի թանգարան, որը ցուցադրում է հյուրանոցի հարուստ պատմությունը, որն անքակտելիորեն կապված է Սինգապուրի պատմության և Ասիայի յուրացման ու գաղութացման հետ։ Սինգապուրյան Singapore Sling կոկտեյլը հորինել է բարմեն Ngiam Tun Bun-ը 1910-1915 թվականներին Long Bar-ում։

Raffles-ը համարվում է Ռյու Մուրակամիի սիրված և հայտնի վեպի գործողությունների հիմնական միջավայրը, The Raffles Hotel համանուն վեպն ու կինոնկարը նկարագրում է պատմական հյուրանոցում տեղի ունեցած իրադարձությունները։ «The Raffles Hotel» հայտնի ֆիլմը նկարահանվել է տեղում՝ հենց հյուրանոցում։ Հյուրանոցի մասին նկարահանվել են բազմաթիվ վավերագրական ֆիլմեր, ներառյալ CNN-ի և BBC-ի կողմից, հյուրանոցն արժանացել է բազմաթիվ միջազգային մրցանակների, այդ թվում՝ ճապոնական «Ծագող արև» և այլ մեդալների։

Սինգապուրի սրտում գտնվող վիկտորիանական շենքում տեղակայված Raffles հյուրանոցն ունի բազմաթիվ անտիկ լուսանկարներ, նամակներ և ծրարներ, որոնց վրա կան հազվագյուտ հնաոճ նամականիշեր, ինչպես նաև ռեստորանային հաշիվներ և ճաշացանկեր։ Իր գոյության ավելի քան 120 տարվա ընթացքում Սինգապուրի այս հյուրանոցը հյուրընկալել է շատ հայտնի մարդկանց։ Նրանցից յուրաքանչյուրը իր հետքն է թողել հյուրանոցի պատմության մեջ, բայց ամենաթանկ հիշողությունները կապված են գրողներ Դ. Կոնրադի, Ռեդյարդ Քիփլինգի և Սոմերսեթ Մոեմի հետ։ Անգլիական գրականության «Ոսկե գրիչները» պարզապես հյուրանոցում չէին մնում, նրանք այստեղ աշխատում էին։ Դ. Կոնրադը «Ռաֆլզ» հյուրանոցի պատերի ներքո է գրել իր «Թայֆուն» վեպի սկիզբը և այստեղ է հղացել նրա «Լորդ Ջիմ» վեպի գաղափարը։ Ռեդյարդ Քիփլինգը հյուրանոցում ոչ մի տող չի գրել, բայց ավելի ուշ «Նախախնամություն» պատմվածքում նա ոգևորությամբ է խոսել հյուրանոցի մասին։ Նրանք ասում են, որ «Ռաֆլզ» հյուրանոցի այն ժամանակվա տերերին դուր չի եկել Սոմերսեթ Մոեմի «Անձրև» վեպը, բայց ներկայիս տերերը շատ գոհ են, որ իրենց հյուրանոց-թանգարան ամեն օր այցելում է գրեթե 2000 զբոսաշրջիկ։ Սինգապուրի կառավարությունը նույնիսկ հատուկ հրամանագիր հրապարակեց, որով «Ռաֆֆլս» հյուրանոցը հայտարարեց ազգային մշակութային հուշարձան։

Ժամանակին Սոմերսեթ Մոեմը Raffles Hotel-ը անվանել է Սինգապուրի լեգենդար խորհրդանիշ և նկարագրել որպես «Էկզոտիկ արևելքի բոլոր հեքիաթներ»։ Նրան է վերագրվում նաև ««Ռաֆլզ հյուրանոցը» ասելիք է դարձել էկզոտիկ Արևելքում» արտահայտությունը։ Մեծ գրողն այնքան է սիրահարված եղել «Ռաֆլզ» հյուրանոցին, որ այնտեղ ունեցել է իր սեփական հարկաբաժինը։ Այլ հայտնի մարդիկ նույնպես հյուրանոցի երկրպագուներ են եղել և բազմիցս մնացել են այնտեղ՝ գովաբանելով հյուրանոցը և նվիրելով իրենց ստեղծագործությունները, բանաստեղծությունները և բազմաթիվ բանաստեղծական գովեստի խոսքեր։

Վարկանիշ[խմբագրել | խմբագրել կոդը]

Ավելի քան մեկ դար Raffles-ը կայուն զբաղեցնում է առաջատար դիրք աշխարհի ամենահայտնի հյուրանոցների շարքում՝ տեղ զբաղեցնելով աշխարհի լավագույն հյուրանոցների տասնյակում (Top-Ten), որի օգտին քվեարկել են աշխարհի տարբեր երկրների մարդիկ։ Վարկանիշներ՝

Worlds Best Hotels T + L 500 2008 (Աշխարհի լավագույն հյուրանոցները, Travel and Leisure հրատարակության քվեարկությամբ) - վարկանիշի 1-ին և 2-րդ տեղը պատկանում է Raffles հյուրանոցներին։
Worlds Best Awards 2006 — Top 50 Hotels in Asia (Ասիայի 50 լավագույն հյուրանոցներ) - Ասիայի լավագույն հյուրանոցների անվանակարգում, Raffles Hotel-ը, (Սինգապուր) 16-րդ տեղում է, 33-րդ տեղում՝ Raffles Grand Hotel dAngkor (Կամբոջա), 41-րդ տեղում ՝ Raffles Hotel Le Royal (Կամբոջա)։
Top 100 Hotels Overall 2008 (Աշխարհի հարյուր լավագույն հյուրանոցներ - 2008) անվանակարգում - Սինգապուրի և Կամբոջայի Raffles հյուրանոցները զբաղեցնում են համապատասխանաբար 52-րդ և 75-րդ հորիզոնականները։
The worlds most romantic Hotels of the World (Աշխարհի ամենառոմանտիկ հյուրանոցները) - Raffles Hotel, Սինգապուր
The worlds best Business Hotels 2007 (Աշխարհի լավագույն գործարար հյուրանոցներ 2007) Raffles The Plaza Singapore

Հյուրանոցի նկարագրություն[խմբագրել | խմբագրել կոդը]

Հյուրանոցի նախասրահի առանձնահատկությունն են համարվում երեք հոյակապ հյուսված պարսկական գորգեր, եզակի գորգեր են օգտագործվում նաև ամենաշքեղ համարներում, նախասրահներում և հյուրասենյակներում։ Սինգապուրի Raffles հյուրանոցի 103 սենյակներից յուրաքանչյուրը իսկական պատմական գլուխգործոց է իր հմայքով և յուրօրինակ դիզայնով։ Գորգերը, հնաոճ իրերի կահույքն ու օրիգինալ փորագրությունները զարդարում են հնաոճ սենյակները։ Ընդ որում, սենյակները հագեցած են բոլոր տեսակի ժամանակակից հարմարություններով, որոնք գործարար և հարուստ ճանապարհորդն ակնկալում էր նման հայտնի պատմական հյուրանոցից։ Raffles հյուրանոցը իր բնակելի սենյակներում առաջարկում է բավականին մեծ բազմազանություն։ 86 շքեղ բնակարանները իրենցից ներկայացնում են էլեգանտ սենյակներ՝ արվեստի գործերով և հնաոճ կահույքով։ 7 Grand Hotel շքեղ բնակարանները նախատեսված են այն հյուրերի համար, ովքեր ցանկանում են ապրել այն սենյակներում, որոնք շատ ավելի մեծ տարածք և ավելի շքեղություն են առաջարկում։ Raffles-ում առկա են նշանավոր մարդկանց 10 շքեղ բնակարաններ, դրանք Չարլի Չապլինի, Սոմերսեթ Մոեմի^[5], Էվա Գարդների և այլ նշանավոր մարդկանց բնակարաններ են, որոնք առաջարկում են հյուրանոցի հյուրերին պատմության մի մասը դառնալու և իրենց կուռքի սենյակում ապրելու եզակի հնարավորություն։ Բիզնես թևը, իր սեփական սենյակի հատուկ մուտքով, հագեցած է բոլոր ժամանակակից հարմարություններով գործարար ճանապարհորդի համար։

Raffles-ը ռեստորանային արվեստի բնագավառում երկար տարիների ավանդույթներ ունի՝ Սինգապուրի լավագույն ռեստորանների և ռեստորանային դպրոցների ավանդույթները խնամքով պահպանել են Սինգապուրի լավագույն խոհարարների կողմից։

«Լոնգ Բար»[խմբագրել | խմբագրել կոդը]

Հյուրանոցում գործում է նաև լեգենդար «Լոնգ Բար»-ը (անգլ.՝ Long Bar), որը դարձել է արվեստի բազմաթիվ գործերի, պատմվածքների և բանաստեղծությունների մի մասը։ 20-րդ դարի սկզբին այստեղ է ստեղծվել «Սինգապուրյան բարուր» աշխարհահռչակ կոկտեյլը և ներկայացվել հասարակության լայն շերտերին և այստեղից սկսել իր հաղթական երթը ամբողջ աշխարհով։ Սինգապուրյան բարուրի բաղադրատոմսի վերաբերյալ շատ հակասություններ կան։ Բնօրինակը կորել է 1930-ականներին։ Խմիչքը, որն այժմ մատուցվում է Long Bar-ում, վերստեղծվել է նախկին բարմենների հիշողությունների հիման վրա։ Օգտագործվել են նաև պահպանված տարբեր ձայնագրություններ։

«Long Bar»-ը հայտնի է նրանով, որ ինչպես հարյուր տարի առաջ ընդունված էր ընկույզների կճեպները գետնին գցել, իսկ առաստաղի վրա տեղադրված էր օդորակիչի հին նմանօրինակը՝ հովհարը, որը իր տեսքով նման էր արմավենու տերևների, միաժամանակ թափահարվում էր մի կողմից մյուսը։ Ցավոք սրտի, Սինգապուրի խոնավ շոգին օդափոխության այս եղանակը չէր թարմացնում սենյակի օդը, բայց ստեղծում էր հայտնի հյուրանոցի փառահեղ պատմության զգացողություն։

«Բիլիարդի դահլիճ» բար[խմբագրել | խմբագրել կոդը]

«Բիլիարդի դահլիճ» պերճաշուք բարը կատարյալ հանգստի վայր է, անշտապ երեկոների, ցերեկային թեյի կամ բիլիարդի հանգստացնող խաղերի համար՝ սիգարների, կոնյակների, վիսկիի, արամանյակի, օղու, պորտվեյնի, կոկտեյլների և յուրահատուկ քաղցրավենիքների զանազան հազվագյուտ տեսականիով։

Raffles Hotel Arcade[խմբագրել | խմբագրել կոդը]

Ինչպես ցանկացած թանկարժեք հյուրանոց, Raffles-ն ունի իր փոքրիկ փողոցը՝ թանկարժեք խանութներով՝ Louis Vuitton-ը և Tiffany & Co.-ն, Swarovski-ն ու յուրօրինակ ձեռագործ ոսկյա զարդեր, ամենահայտնի նորաձևության տների թանկարժեք հագուստներ և եզակի գինիներ՝ այս ամենը կարելի է ձեռք բերել Raffles Hotel Arcade-ում։ Այստեղ են գտնվում նաև Raffles հյուրանոցի հայտնի ռեստորանները։

Գրականություն[խմբագրել | խմբագրել կոդը]

Andreas Augustin, The Raffles Treasury, Secrets of a Grand Old Lady. Treasury Publishing (1987).
Andreas Augustin, Raffles, The Most Famous Hotels in the World. London/Singapore/Vienna, (1986)
Chefs of Raffles Hotel, The Raffles Hotel Cookbook. Butterworth-Heinemann (2003). 978-981-4068-58-1
Fables From the Raffles Hotel Arcade. Angsana Books (1995). 978-981-3056-72-5
Raymond Flower, The Year of the Tiger. Singapore (1986).
Gretchen Liu, Raffles Hotel style. Raffles Hotel (1997). 978-981-3018-86-0
Ralph Modder, Romancing the Raffles: A Collection of Short Stories. SNP Editions (2000). 981-4059-69-2
Ryu Murakami (Author), Corinne Atlan (trans.), Raffles Hotel. Picquier (2002). 978-2-87730-583-9
Lenzi, Iola (2004). Museums of Southeast Asia. Singapore: Archipelago Press. էջ 200. ISBN 981-4068-96-9.
Maurizio Peleggi, "The Social and Material Life of Colonial Hotels: Comfort Zones as Contact Zones in British Colombo and Singapore, ca. 1870–1930." Journal of Social History 46.1 (2012): 125–153
Ilsa Sharp, There Is Only One Raffles: The Story of a Grand Hotel. Ulverscroft Large Print (1991). 978-0-7089-2453-2
William Warren, Jill Gocher (2007). Asia's legendary hotels: the romance of travel. Singapore: Periplus Editions. ISBN 978-0-7946-0174-4.
Nadia Wright, Respected Citizens: The History of Armenians in Singapore and Malaysia. Amassia Publishing (2003), pp. 114–132. 978-0-9751082-0-8