Ռաֆիկ Նահապետյան

Վիքիպեդիայից՝ ազատ հանրագիտարանից
Jump to navigation Jump to search
Ռաֆիկ Նահապետյան
Ծնվել է սեպտեմբերի 18, 1943 (75 տարեկան)
Ծննդավայր Գեղասար, Լոռու մարզ
Քաղաքացիություն Հայաստան Հայաստան
Ազգություն հայ
Կրթություն Երևանի պետական համալսարանի ասպիրանտուրա
Գիտական աստիճան պատմական գիտությունների դոկտոր
Երկեր Աղձնիքահայերի ընտանիքը և ընտանեկան ծիսակարգը (19-րդ դարի երկրորդ կես - 20-րդ դարի սկիզբ), Երևան, 2004, Աղձնիքահայերի ամուսնահարսանեկան սովորույթներն ու ծեսերը, Երևան, 2007, Հայոց ազգակցական համակարգը (19-րդ դարի 2-րդ կես - 20-րդ դարի սկիզբ), Երևան, 2012, Աղձնիքահայերի մանկան ծննդի և խնամքի ավանդական սովորույթներն ու ծեսերը, Երևան, 2011:
Մասնագիտություն պատմաբան
Աշխատանք դասախոս
Աշխատավայր Երևանի պետական համալսարան, ԵՊՀ Իջևանի մասնաճյուղ, Հայկական պետական մանկավարժական համալսարան
Զբաղեցրած պաշտոններ ԵՊՀ Իջևանի մասնաճյուղում դեկանի տեղակալ

Ռաֆիկ Նահապետյան (1943, սեպտեմբերի 18, Գեղասար, Լոռու մարզ), հայ ազգագրագետ, պատմական գիտությունների դոկտոր, պրոֆեսոր։

Կենսագրություն[խմբագրել | խմբագրել կոդը]

Ծնվել է 1943 թվականի սեպտեմբերի 18-ին Լոռու մարզի Սպիտակի ենթաշրջանի Գեղասար գյուղում: Սովորել է Գեղասարի ութնամյա դպրոցում, ապա 1960 թվականին գերազանցությամբ ավարտել է Նալբանդի միջնակարգ դպրոցը։ 1960-1962 թվականներին ուսանել է Վանաձորի շինարարական տեխնիկումում։ 1963-1967 թվականներին սովորել և բարձր առաջադիմությամբ ավարտել է Երևանի պետական համալսարանի Պատմության ֆակուլտետը։ 1970-1973 թվականներին սովորել և ավարտել է ԵՊՀ ասպիրանտուրան՝ Ազգագրություն մասնագիտությամբ։ 1967 թվականից աշխատում է ԵՊՀ Պատմության ֆակուլտետում՝ նախ որպես լաբորանտ, կաբինետի վարիչ, 1986 թվականից՝ ԵՊՀ Պատմության ֆակուլտետի Հնագիտության և Ազգագրության ամբիոնի դոցենտ: 1986 թվականին պաշտպանել թեկնածուական ատենախոսություն: 2008 թվականին պաշտպանել է դոկտորական ատենախոսություն։ 2009 թվականին նրան շնորհվել է պրոֆեսորի գիտական կոչում։

Գիտամանկավարժական գործունեություն[խմբագրել | խմբագրել կոդը]

ԵՊՀ տարբեր ֆակուլտետներում դասավանդել է Հայ ազգագրություն, Ազգագրության հիմունքներ ընդհանուր և նեղ մասնագիտական մի շարք դասընթացներ: Միաժամանակ դասախոսում է նաև Երևանի պետական համալսարանի Իջևանի մասնաճյուղում: 1998 թվականից առ այսօր մասնաճյուղի պատմության և քաղաքագիտության ամբիոնի վարիչն է: 2000-2004 թթ. եղել է Երևանի պետական համալսարանի Իջևանի մասնաճյուղի Հումանիտար գիտությունների ֆակուլտետի դեկան, 2005-2007 թթ.՝ մասնաճյուղի ուսումնագիտական և մեթոդական խորհրդի նախագահ, տնօրենի խորհրդական: 2000 թվականից մասնագիտական դասընթացներ է վարում նաև Երևանի պետական մանկավարժական համալսարանում։ «Աղձնիքի հայերը (պատմազգագրական ուսումնասիրություն)» թեմայի ղեկավարն է: 2004 թվականին հիմնել է «Արևմտահայերի էթնոմշակութային բնութագիրը» խորագրով գիտական հրապարակումների շարքը: Հինգ մենագրությունների, ավելի քան 50 գիտական հոդվածների, 10 ուսումնամեթոդական աշխատանքների և բազմաթիվ հեռուստահաղորդումների հեղինակ է:

Երկեր[խմբագրել | խմբագրել կոդը]

  • Աղձնիքահայերի ընտանիքը և ընտանեկան ծիսակարգը (19-րդ դարի երկրորդ կես - 20-րդ դարի սկիզբ), Երևան, 2004, 260 էջ։
  • Աղձնիքահայերի ամուսնահարսանեկան սովորույթներն ու ծեսերը, Երևան, 2007, 306 էջ։
  • Ազգագրություն (Ուսումնամեթոդական ուղեցույց), Երևան, 2008:
  • Հայոց սոցիոնորմատիվ մշակույթը, Երևան, 2009:
  • Հայ ազգագրության պատմություն, Երևան, 2010, 150 էջ ԵՊՀ կայք-էջ
  • Հայոց սոցիոնորմատիվ մշակույթը, Երևան, 2014, 180 էջ ԵՊՀ կայք-էջ
  • Հայոց ազգակցական համակարգը (19-րդ դարի 2-րդ կես - 20-րդ դարի սկիզբ), Երևան, 2012, 257 էջ։
  • Աղձնիքահայերի մանկան ծննդի և խնամքի ավանդական սովորույթներն ու ծեսերը, Երևան, 2011, 220 էջ ԵՊՀ կայք-էջ

Գրականություն[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]