Ռաֆիկ Մուրադյան

Ռաֆիկ Մուրադյան;
Ծնվել է	1921
Ծննդավայր	Փանիկ, Ալեքսանդրապոլի գավառ, Հայկական ԽՍՀ
Մահացել է	1979
Քաղաքացիություն	ԽՍՀՄ
Կրթություն	Վ․ Բրյուսովի անվան պետական համալսարան
Մասնագիտություն	մանկավարժ
Կուսակցություն	ԽՄԿԿ
Պարգևներ և ; մրցանակներ	և

Վիքիպեդիայում կան հոդվածներ Մուրադյան ազգանունով այլ մարդկանց մասին։

Ռաֆիկ Մարտիրոսի Մուրադյան (1921, Փանիկ, Ալեքսանդրապոլի գավառ, Հայկական ԽՍՀ - 1979), հայ մանկավարժ։ ԽՄԿԿ անդամ (1943): Հայրենական մեծ պատերազմի մասնակից։

Կենսագրություն[խմբագրել | խմբագրել կոդը]

Ռաֆիկ Մուրադյանը ծնվել է 1921 թվականին, Արթիկի շրջանի Փանիկ գյուղում, ուսուցչի ընտանիքում։ Հայրենի գյուղի միջնակարգ դպրոցն ավարտելուց հետո, 1940 թվականի հունվարին, զորակոչվել է կարմիր բանակ։ Մասնակցել է շատ ճակատամարտերի։ 1943 թվականին ռազմաճակատում ընդունվել է կուսակցության շարքերը։ Ռաֆիկը ակտիվ մասնակցություն է ունեցել Բելոռուսիայի, Լեհաստանի ազատագրման, Բեռլինի գրավման հաղթական մարտերին^[1]։

Մուրադյանը զորացրվել է 1946 թվականի մայիսին։ Ավարտել է Երևանի Ժդանովի անվան մանկավարժական ինստիտուտի երկամյա բաժինը։ Աշխատել է Գուգարքի շրջանի Մեղրուտի միջնակարգ դպրոցում՝ միաժամանակ հեռակայելով Երևանի պետական մանկավարժական ինստիտուտի ռուսաց լեզվի և գրականության ֆակուլտետում։ Երկար տարիներ գյուղի միջնակարգ դպրոցում դասավանդել է ռուսաց լեզու և գրականություն, իսկ վերջին տարիներին միաժամանակ կատարել է դպրոցի տնօրենի՝ ուսումնադաստիարակչական աշխատանքի գծով տեղակալի պարտականությունները։ Մուրադյանի ծառայությունները բարձր է գնահատվել հայրենիքի կողմից։ Նա արժանացել է Կարմիր աստղի շքանշանի, «Մոսկվայի պաշտպանության համար», «Բեռլինի գրավման համար», «Վարշավայի ազատագրման համար», «Արիության համար», «Աշխատանքային գերազանցության համար», «Աշխատանքի վետերան» մեդալների^[1]։

Ռաֆիկ Մուրադյանը մահացել է 1979 թվականին^[1]։

Պարգևներ[խմբագրել | խմբագրել կոդը]

«Մոսկվայի պաշտպանության համար» մեդալ
«Բեռլինի գրավման համար» մեդալ
«Վարշավայի ազատագրման համար»
Կարմիր աստղի շքանշան
«Աշխատանքային գերազանցության համար» մեդալ
«Աշխատանքի վետերան» մեդալ

Ծանոթագրություններ[խմբագրել | խմբագրել կոդը]

↑ ^1,0 ^1,1 ^1,2 Հայաստանի ուսուցիչները Մեծ հայրենականում։ 3 գիրք։ Հարությունյան, Աշոտ Հովսեփի, Մելքումյան, Հայկազ Ստեփանի, Սուքիասյան, Աղվան Ղազարի։ Երևան, «Լույս», 1987:

[haygirk-1] 1,0 ^1,1 ^1,2 Հայաստանի ուսուցիչները Մեծ հայրենականում։ 3 գիրք։ Հարությունյան, Աշոտ Հովսեփի, Մելքումյան, Հայկազ Ստեփանի, Սուքիասյան, Աղվան Ղազարի։ Երևան, «Լույս», 1987:

[1]