Ռայխստագ

Վիքիպեդիայից՝ ազատ հանրագիտարանից
Ռայխստագի շենքը XIX դարի սկզբներին

Ռայխստագ (գերմ․` Reichstag), 1․ «Հռոմեական սրբազան կայսրությունում» 12-րդ դարից սկսած գերմանական կայսրին կից դասային ներկայացուցչության մարմին։ 2․ Գերմանական կայսրությունում՝ սահմանադիր ժողով, Հյուսիս-գերմ․ միության (1867-1871) պառլամենտի ներքին պալատ, 1871-1918 թվականներին՝ օրենսդրությանը, բյուջեի ընդունմանը և իշխանության իրականացման հսկողությանը մասնակցող ընտրովի մարմին։ Բարձրագույն ներկայացուցչական մարմինը համարվում էր Բունդեսրատը։ 3․ Վայմարյան հանրապետությունում (1919-1933) պառլամենտի ներքին պալատը։ Կառավարությանն ու պրեզիդենտին լայն լիազորություններ տալու շնորհիվ ռայխստագի իրավունքները խիստ սահմանափակվեցին։ Ֆաշիստական տիրապետության շրջանում (1933 թվականից) պահպանվում էր միայն ձևականորեն։ 1945 թվականին վերջնականապես վերացվել է։

Ռայխստագի շենքը
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։ CC-BY-SA-icon-80x15.png