Ռազմական մարտկոց

Անգլիական թնդանոթի մարտկոցների մնացուկներ

Ռազմական մարտկոց, հրետանու հիմնական կրակային ն մարտավարական ստորաբաժանում։ Սկզբնապես «մարտկոց» նշանակել է առաջավոր գծում տարբեր քանակությամբ հրանոթների տակտիկական միավորում։ 19-րդ դարից դարձել է ռազմավարական և վարչական մշտական միավոր։ Ժամանակակից բանակներում մարտկոցը կազմված է 2-3 կրակային դասակներից և ունի 2-6 հրանոթ (ականանետ, ռեակտիվ հրետանու մարտական մեքենա կամ հակատանկային ղեկավարվող հրթիռ)։ Մարտում հիմնականում գործում է հրետանային դիվիզիոնի կազմում։ Մարտկոցները լինում են դաշտային, լեռնային, հակաօդային, առափնյա, հակատանկային։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 7, էջ 350)։