Ռազմական խաղ (ֆիլմ)

Ռազմական խաղ անգլ.՝ The War Game
Երկիր	Միացյալ Թագավորություն
Ժանր	վավերագրական ֆիլմ և դրամա
Թեմա	Սառը պատերազմ
Թվական	ապրիլի 13, 1966 և 1985
Լեզու	անգլերեն
Ռեժիսոր	Փիթեր Վոթքինս
Պրոդյուսեր	Փիթեր Վոթքինս
Սցենարի հեղինակ	Փիթեր Վոթքինս
Դերակատարներ	Մայքլ Ասպել, Փեթեր Գրեհեմ և Փիթեր Վոթքինս
Կինոընկերություն	BBC
Տևողություն	48 րոպե

«Ռազմական խաղ» (անգլ.՝ The War Game), բրիտանացի ռեժիսոր Փիթեր Վոթքինսի հեռուստատեսային ֆիլմ, էկրան Է բարձրացել 1965 թվականին։ Չնայած ֆիլմի ցուցադրությունը պլանավորված էր 1965 թվականի հոկտեմբերի 7-ին, այն այդպես էլ եթեր դուրս չեկավ, քանի որ, BBC ընկերության ղեկավարության կարծիքով, պարունակում էր միջուկային պատերազմի սարսափների չափազանց վառ տեսարաններ։ Առաջին անգամ ֆիլմը բրիտանական հեռուստատեսությամբ ցուցադրվել է միայն 1985 թվականին։ Այնուամենայնիվ, կինոնկարը թատերական վարձույթ է դուրս եկել և ստացել մի քանի հեղինակավոր պարգևներ՝ Վենետիկի կինոփառատոնի հատուկ մրցանակ (1966), «Օսկար» մրցանակ (1967)՝ լավագույն վավերագրական ֆիլմ անվանակարգում, լավագույն կարճամետրաժ ֆիլմ անվանակարգի համար ստացել է ՄԱԿ-ի և բրիտանական կինոակադեմիայի (1967) մրցանակներ։ 2000 թվականին ֆիլմը Բրիտանական կինոյի ինստիտուտի առաջարկով հայտնվել է բրիտանական լավագույն հեռուստահաղորդումների ցուցակի 27-րդ տեղում

Ֆիլմի մասին

Ֆիլմը ստեղծվել է բրիտանական կղզիներում ջերմամիջուկային հարվածի և դրա հետևանքների մասին խորհրդային հեռուստալրահաղորդման ձևով (Քենթի կոմսությունում տեղի ունեցած իրադարձությունների օրինակով)։ Հակամարտության էսկալացիան սկսում է թափ հավաքել, երբ ամերիկացիները որոշում են մարտավարական միջուկային զենք կիրառել Հարավային Վիետնամ ներխուժած չինական զորքերի դեմ։ Դրան ի պատասխան խորհրդային և արևելա-գերմանական բանակները հարված են հասցնում Արևմտյան Բեռլինին։ Տակտիկական միջուկային պատերազմն արագ դառնում է ռազմավարական և Մեծ Բրիտանիայի տարածքում տասնյակ ջրածնային ռումբեր են պայթում։ Առաջին ժամերին միլիոնավոր մարդիկ զոհվում են, շատերը վիրավորումներ և շոկ են ունենում։ Երկրում արագ քաոս է սկսվում ենթակառուցվածքի քայքայման, սննդի պակասի և բարոյականության անկման պատճառով։

Փիթեր Վոթքինսն ֆիլմի վրա աշխատանքների մասին ասել է.

Նկարահանումներն անցկացվել են 1965 թվականի սկզբին Քենթի կոմսության ժամանակ՝ Տոնբրիջ, Գրեյվսենդ, Չեթեմ և Դուվր քաղաքներում։ Կազմը գրեթե ամբողջությամբ բաղկացած էր նույն սիրահար կատարողներից,ովքեր մի քանի ամիս առաջ Քենթու քաղաքում հրապարակային հանդիպումների ընթացքում արդեն հաըտնի էր։ Նկարահանումների մեծ մասը, այդ թվում հրե պտտահողմի տեսարանները, նկարահանվել են Դուվրի լքված զորանոցներում։ Իմ նպատակը, ինչպես «Կալոդենում», այնպես էլ «սովորական մարդկանց» ներգրավելն էր իրենց պատմության ընդլայնված ուսումնասիրության մեջ, միայն այս անգամ թեման ներառում էր պոտենցիալ սպառնացող իրադարձություններ, քանի որ միջուկային պատերազմի սպառնալիքը շատ իրական էր այդ ժամանակ։ Այս ֆիլմում ես ուզում էի քանդել իրականության պատրանքը, որը ստեղծվում է զանգվածային լրատվամիջոցների կողմից։ Ակնհայտ է, որ նմանատիպ հարցերի հետևում կանգնած էր ֆիլմն օգտագործելու իմ մտադրությունը, օգնելու մարդկանց ընդհատել լրատվամիջոցների լռությունը՝ միջուկային սպառազինությունների մրցավազքի վերաբերյալ։ Բնօրինակ տեքստ (անգլ.)   The filming took place in early 1965, in the Kent towns of Tonsbridge, Gravesend, Chatham and Dover. Once again the cast was almost entirely made up of amateurs, found via a series of public meetings throughout Kent some months earlier. Much of the filming, including the scenes of the firestorm, was done in a disused military barracks in Dover... My purpose, as in ‘Culloden’, was to involve ‘ordinary people’ in an extended study of their own history - only this time the subject involved potentially imminent events, for the threat of full-scale nuclear war was a very real one at that time... In this film I was interested in breaking the illusion of media-produced ‘reality’... Obviously beyond and above the question of form was my concern to use the film to help people break the silence in the media on the nuclear arms race.

Արտաքին հղումներ

• «Ռազմական խաղ»(անգլ.) ֆիլմը Internet Movie Database կայքում
• ««Ռազմական խաղ»»(անգլ.) ֆիլմը Allmovie կայքում:
• «Ռազմական խաղ» Փիթեր Վոթքինսի կայքում։
• «Ռազմական խաղ» Բրիտաիայի կինոյի ինստիտուտի կայքում։
• Murphy P. The War Game - The Controversy // Film International. — 2003. — Vol. 1. — № 3. — P. 25—28. —
• Chapman J. The BBC and the Censorship of The War Game (1965) // Journal of Contemporary History. — 2006. — Vol. 41. — № 1. — P. 75—94. —