Ջևդեթ Յըլմազ

Ջևդեթ Յըլմազ; թուրքերեն՝ Cevdet Yılmaz
Ծնվել է	ապրիլի 1, 1967 (58 տարեկան)
Ծննդավայր	Ճապաղջուր, Թուրքիա
Քաղաքացիություն	Թուրքիա
Կրթություն	Middle East Technical University Faculty of Economics and Administrative Sciences?, Դենվերի համալսարան, Միջինարևելյան տեխնիկական համալսարան և Բիլքենթ համալսարան
Մասնագիտություն	քաղաքական գործիչ և գործարար
Զբաղեցրած պաշտոններ	Թուրքիայի Մեծ Ազգային Ասամբլեայի անդամ, Եվրոպայի խորհրդի խորհրդարանական վեհաժողովի փոխարինող և Թուրքիայի փոխնախագահ
Կուսակցություն	Արդարության և զարգացման կուսակցություն
	Cevdet Yılmaz Վիքիպահեստում

Ջևդեթ Յըլմազ (թուրքերեն՝ Cevdet Yılmaz, ապրիլի 1, 1967(1967-04-01), Ճապաղջուր, Թուրքիա), քրդական ծագմամբ թուրք քաղաքական գործիչ, որը ներկայումս զբաղեցնում է Թուրքիայի փոխնախագահի պաշտոնը։ 2015 թվականի օգոստոսի 28-ից նոյեմբերի 17-ը նախկին վարչապետ Ահմեդ Դավութօղլուի անցումային կառավարությունում զբաղեցրել է փոխվարչապետի պաշտոնը։ 2011-2015 և 2015-2016 թվականներին էլ զբաղեցրել է Թուրքիայի զարգացման նախարարի պաշտոնը։

Կենսագրություն

Յըլմազը ծնվել է Բինգյոլի մարզի Շաբանքյոյ գյուղում։ Էթնիկ քուրդ է^[1]^[2]։ 1983 թվականին Բինգյոլում ավագ դպրոցն ավարտելուց հետո՝ Յըլմազը կրթությունը շարունակել է Մերձավորարևելյան տեխնիկական համալսարանի Տնտեսագիտության և վարչարարության ֆակուլտետի Հանրային կառավարման բաժնում, որը 1988 թվականին ավարտել է գերազանցության դիպլոմով։

1989 թվականին աշխատանքի է անցել Թուրքիայի պետական պլանավորման կազմակերպությունում (թուրքերեն՝ Devlet Planlama Teşkilatı)^[3]։

1992-1994 թվականներին գտնվել է Միացյալ Նահանգներում ու սովորել Դենվերի համալսարանի Միջազգային հարաբերությունների բաժնում։ Դոկտորական աստիճանն ստացել է Բիլքենթի համալսարանի Քաղաքագիտության և հանրային կառավարման ֆակուլտետում։ 2003 թվականին նշանակվել է ԵՄ-ի հետ հարաբերությունների կազմակերպության գլխավոր տնօրենի պաշտոնում։

2007 թվականին կայացած ընտրությունների ժամանակ Յըլմազը Բինգյոլից ընտրվել է Թուրքիայի Ազգային մեծ ժողովի պատգամավոր։ 2009 թվականի մայիսի 1-ին, այդ ժամանակ վարչապետ Ռեջեփ Թայիփ Էրդողանի II կառավարությունում, Յըլմազը նշանակվել է պետնախարար։ Իսկ արդեն 2011 թվականի հուլիսի 6-ին, Էրդողանի երրորդ կառավարությունում, Յըլմազը նշանակվում է զարգացման նախարարի պաշտոնում։ 2023 թվականի հունիսի 3-ին էլ նշանակվել է Թուրքիայի փոխնախագահ։

Տիրապետում է թուրքերենի, քրդերենի, անգլերենի և զազայերենի։

Ծանոթագրություններ

↑ «Cevdet Yılmaz kimdir, aslen nereli, kökeni Kürt mü? Cevdet Yılmaz eşi Tülay Yılmaz kimdir?». IstanbulGazetesi.com.tr (թուրքերեն). 5 June 2023. Վերցված է 17 August 2023-ին.
↑ Gözlü, Ali Haydar (5 June 2023). «Cevdet Yılmaz'ın yakınları: Kabinede 4 Kürdün görev alması önemli». Rudaw.net (թուրքերեն). Վերցված է 17 August 2023-ին.
↑ «Cevdet Yılmaz kimdir?». www.biyografi.info (թուրքերեն). Վերցված է 2024-08-31-ին.

Արտաքին հղումներ

Վիքիպահեստն ունի նյութեր, որոնք վերաբերում են «Ջևդեթ Յըլմազ» հոդվածին։

[1] «Cevdet Yılmaz kimdir, aslen nereli, kökeni Kürt mü? Cevdet Yılmaz eşi Tülay Yılmaz kimdir?». IstanbulGazetesi.com.tr (թուրքերեն). 5 June 2023. Վերցված է 17 August 2023-ին.

[2] Gözlü, Ali Haydar (5 June 2023). «Cevdet Yılmaz'ın yakınları: Kabinede 4 Kürdün görev alması önemli». Rudaw.net (թուրքերեն). Վերցված է 17 August 2023-ին.

[3] «Cevdet Yılmaz kimdir?». www.biyografi.info (թուրքերեն). Վերցված է 2024-08-31-ին.

[1]

[2]

[3]