Ջրկանեփ
 |
Այս հոդվածն աղբյուրների կարիք ունի։ Դուք կարող եք բարելավել հոդվածը՝ գտնելով բերված տեղեկությունների հաստատումը վստահելի աղբյուրներում և ավելացնելով դրանց հղումները հոդվածին։ Անհիմն հղումները ենթակա են հեռացման։ |
| Ջրկանեփ | |
| |
| Դասակարգում | |
| Թագավորություն | Բույսեր (Plantae) |
| Ինֆրաթագավորություն | Streptophyta |
| Վերնաբաժին | Բարձրակարգ բույսեր (Embryophytes) |
| Տիպ/Բաժին | Անոթավոր բույսեր (Tracheophytes) |
| Ենթատիպ | Սերմնավոր բույսեր (Spermatophytes) |
| Կարգ | Դդմածաղկավորներ (Cucurbitales) |
| Ընտանիք | Ջրկանեփազգիներ (Datiscaceae) |
| Ցեղ | Ջրկանեփ (Datisca) L., 1753 |
Ջրկանեփ (լատին․՝ Datisca), սարֆոտի, դատիսկենի, ջրկանեփազգիների ընտանիքի բազմամյա խոտաբույսերի ցեղ։ Հայտնի է 2 տեսակ։
Տարածվածություն
[խմբագրել | խմբագրել կոդը]Հայաստանում հանդիպում է 1 տեսակ՝ ջրկանեփ (Datisca cannabina)։
Տարածված է Կոտայքի և Սյունիքի մարզերում, Երևանի շրջակայքում։ Աճում է նախալեռնայինից մինչև միջին լեռնային գոտու խոնավ, ստվերոտ վայրերում, ձորակներում, գետերի և գետակների ափերին։
Կենսաբանական նկարագիր
[խմբագրել | խմբագրել կոդը]Ցողունը մերկ է, ուղիղ, բարձրությունը՝ մինչև 1,5 մ և ավելի։ Տերևները խոշոր են, կենտփետրաձև, տերևիկները՝ նշտարաձև, սղոցաեզր։ Ծաղկաբույլը ողկույզ է, ծաղիկները՝ միասեռ (բույսը երկբուն է), առանց ծաղկաթերթիկների։ Ծաղկում է ամռանը։ Պտուղը եռա կամ քառակող տուփիկ է։ Սերմերը մանր են, կարմրաշագանակագույն։
Քիմիական կազմ
[խմբագրել | խմբագրել կոդը]Պարունակում է ալկալոիդներ (սերմերը), գլիկոզիդ (արմատներն ու տերևները), սապոնիններ (բույսի վերերկրյա մասը) և այլն։
 | Վիքիցեղերն ունի նյութեր, որոնք վերաբերում են «Ջրկանեփ» հոդվածին։ |
 | Վիքիպահեստն ունի նյութեր, որոնք վերաբերում են «Ջրկանեփ» հոդվածին։ |
| ||||||||||
