Jump to content

Ջո Դոն Բեյքեր

Վիքիպեդիայից՝ ազատ հանրագիտարանից
Ջո Դոն Բեյքեր
անգլ.՝ Joe Don Baker
Ծնվել էփետրվարի 12, 1936(1936-02-12)[1]
ԾննդավայրԳրոսբեկ, Տեխաս
Մահացել էմայիսի 7, 2025(2025-05-07)[2][3] (89 տարեկան)
Մահվան վայրԼոս Անջելես, Կալիֆոռնիա, ԱՄՆ[4]
ԳերեզմանOakwood Memorial Park Cemetery[5]
ԿրթությունՀյուսիսային Տեխասի համալսարան (1958) և դերասանության ստուդիա
Քաղաքացիություն ԱՄՆ
Մասնագիտությունդերասան, հեռուստատեսային դերասան և կինոդերասան

Ջո Դոն Բեյքեր (անգլ.՝ Joe Don Baker, փետրվարի 12, 1936(1936-02-12)[1], Գրոսբեկ, Տեխաս - մայիսի 7, 2025(2025-05-07)[2][3], Լոս Անջելես, Կալիֆոռնիա, ԱՄՆ[4]), կինոյի, թատրոնի և հեռուստատեսության ամերիկացի դերասան[6]։ Արժանացել է BAFTA TV Award մրցանակի տղամարդու լավագույն դերակատարման համար[7]։

Կենսագրություն

[խմբագրել | խմբագրել կոդը]

Վաղ կյանք

[խմբագրել | խմբագրել կոդը]

Բեյքերը ծնվել է Տեխաս նահանգում՝ Գրոբեսկում՝ Էդնի (ծնված Մաքդոնալդում) և Դոյլ Չարլզ Բեյքերների ընտանիքում[8]։ Նա ավարտել է Հյուսիսային Տեխասի համալսարանը և ծառայել է Միացյալ Նահանգների բանակում։

Կարիերա

[խմբագրել | խմբագրել կոդը]

1964 թվականին Բեյքերը դերակատարել է Նյու յորքյան ANTA թատրոնում՝ «Մարաֆոն '33» ներկայացման մեջ։ Երիտասարդ դերասանի կարիերան հաջողություն է ունեցել հեռուստատեսությունում, չնայած նա ստացել է էպիզոդային դերեր ֆիլմերում[9]։ Բեյքերին ճանաչում են բերել «Մեծ արահետ» և ««Տարազամոլներ» ջոկատ» (անգլ.՝ The Mod Squad) ֆիլմերը։ Նա 1971 թվականին կատարել է գլխավոր դեր «Մոնգոն կրկին քաղաքում է» հեռուստատեսային ֆիլմում, որտեղ նրա գործընկերներն էին Թելի Սավաասը և Սալի Ֆիլդը։

Ներկայիս ճանաչմանն արժանացել է 1973 թվականին, երբ կատարել է քաջ շերիֆ Բուֆորդի դերը «Լայն քայլերով» (անգլ.՝ Walking Tall) ֆիլմում[10]։ Իր հաջողությունը նա ամրապնդել է շնորհիվ իր հաջողակ աշխատանքի Դոն Սիգելի «Չարլի Վերիկ» և Ջոն Ֆլինի «Շրջապատ» քրեական ֆիլմերում։

1980-ական թվականներին Ջո Դոն Բեյքերն արժանացել է փառքի որպես ամերիկյան հեռուստատեսության հաղորդավարներից մեկը և դարձել է առաջին դերասանը, ով ստացել է մեկ միլիոն դոլար սերիալում խաղալու համար[8]։

1986 թվականին Բեյքերն ներկայացվել է BAFTA TV Award մրցանակի «Մթության ծայրին» (անգլ.՝ Edge of Darkness) ֆիլմում ԿՀՎ-ի գործակալի դերը կատարելու համար, սակայն զիջել է Բոբ Պեկին։

Նա նկարահանվել է Ջեյմս Բոնդի մասին պատմող ֆիլմաշարի երեք մասում․ կատարել է Բրեդ Վիտիկերի դերը «Կայծեր աչքերից» ֆիլմում, Ջեք Ուայդի դերը՝ «Ոսկե աչք» և «Վաղը չի մեռնի երբեք» ֆիլմերում։ Այդպիսով նա դարձել է Ջեյմս Բոնդի մասին ֆիլմերի չորս դերասաններից մեկը, ով և կատարել է գործակալի դեր, և եղել է Ջեյմս Բոնդի զինակիցը[11]։

2012 թվականին դերասանը նկարահանվել է «Մադ» ֆիլմում, որը ներկայացվել է Կաննի կինոփառատոնի հիմնական մրցույթին[12]։

Ծանոթագրություններ

[խմբագրել | խմբագրել կոդը]
  1. 1 2 Internet Broadway Database — 2000.
  2. 1 2 Joe Don Baker — Legacy.com.
  3. 1 2 Joe Don Baker, James Bond and Mitchell star, dies aged 89 — The Independent, 2025.
  4. 1 2 https://www.washingtonpost.com/obituaries/2025/05/15/joe-don-baker-actor-dead/
  5. ↑ Find A Grave — 1996.
  6. ↑ David Garfield (1980). «Appendix: Life Members of the Actors Studio as of January 1980». A Player's Place: The Story of the Actors Studio. New York: MacMillan Publishing Co., Inc. էջ 277. ISBN 0-02-542650-8.
  7. ↑ BAFTA Awards
  8. 1 2 «Joe Don Baker Biography (1936)» (անգլերեն). Վերցված է 2017 թ․ փետրվարի 13-ին.
  9. ↑ Օրինակ, «Սառնարյուն Լյուկը» ֆիլմը, որի գլխավոր դերում հանդես է գալիս Փոլ Նյումանը, իսկ Բեյքերի կերպարը նույնիսկ նշված չի եղել տիտրերում։
  10. ↑ Kehr, Dave (2012 թ․ մայիսի 18). «Idealistic Lawmen Taking Crime Very Personally». The New York Times (անգլերեն). Վերցված է 2017 թ․ փետրվարի 13-ին.
  11. ↑ Остальные: Чарльз Грей, Уолтер Готелл, Ричард Кил.
  12. ↑ «2012 Official Selection» (անգլերեն). Վերցված է 2017 թ․ փետրվարի 13-ին.
Վիքիպահեստն ունի նյութեր, որոնք վերաբերում են «Ջո Դոն Բեյքեր» հոդվածին։
Ստացված է «https://hy.wikipedia.org/w/index.php?title=Ջո_Դոն_Բեյքեր&oldid=9824662» էջից