Ջուջիֆրութս
| Ենթակատեգորիա | քաղցրեղեն  | |
|---|---|---|
| Արտադրող | Ferrara Candy Company | |
| Պաշտոնական կայք | www.jujyfruits.com | |
Ջուջիֆրութս փափուկ, մաստականման օսլայից պատրաստված կոնֆետ, արտադրել է Heide Candy ընկերությունը՝ Ferrara Candy ընկերության դուստր ձեռնարկությունը։ Ջուջիֆրութսի արտադրությունը սկսվել է 1920 թվականին։ Դրանք հայտնի էին կինոթատրոններում՝ Heide ընկերության մեկ այլ ժելեանման կոնֆետի՝ Ջուջիբեսի հետ միասին[1]։
Նկարագրություն
[խմբագրել | խմբագրել կոդը]Ջուջիֆրութսի կերպարներն են՝ ծնեփակ, բանան, խաղող, ոլոռ, փշավոր արքայախնձոր, ազնվամորի և լոլիկ[1]։ Բանանի ձևի վրա դրոշմված է «HEIDE» գրությունը։ Մրգային համերը համապատասխանում են գույներին (ոչ թե ձևերին) և ներառում են՝ ազնվամորի (կարմիր), անիսոն (սև), լայմ (կանաչ), նարինջ (նարնջագույն) և կիտրոն (դեղին)[1]։ Կոնֆետները պինդ են և ժամանակի ընթացքում կամ սառեցնելիս կոշտանում են։ Առկա է նաև թթվաշ տարբերակ։
Մինչև 1999 թվականի հունվարը կանաչ կոնֆետներն ունեցել են անանուխի համ։ Այնուամենայնիվ, Hershey ընկերությունը (որը մայր ընկերությունն է եղել) փոխել է համը լայմի, քանի որ հաճախորդների հարցումը ցույց է տվել, որ անանուխը տարածված համ չէր։
Բաղադրություն
[խմբագրել | խմբագրել կոդը]2024 թվականի հունվարի դրությամբ մարմելադի փաթեթների վրա նշված բաղադրիչները հետևյալն են․
- Եգիպտացորենի օշարակ
- Շաքար
- Փոփոխված և չփոփոխված եգիպտացորենի օսլա
- Բնական և արհեստական բուրմունքներ
- Հանքային յուղեր
- Կարնաուբայի մոմ
- Կարամելի գունանյութ
- Սննդային ներկանյութեր (դեղին - 6, կապույտ-1, դեղին-5 և կարմիր - 40)
Ապրանքանիշի ընդլայնում
[խմբագրել | խմբագրել կոդը]1970-ականներին Ջուջիֆրութսը կազմակերպել էր ակցիա, որի ընթացքում հաճախորդները կարող էին 5 դոլար և Ջուջիֆրութսի տուփից մի նշան ուղարկել Heide Candy ընկերությանը և դրա դիմաց ստանալ գոտու պղնձե ճարմանդ և կաշվե գոտի[2]։
Ժողովրդական մշակույթում
[խմբագրել | խմբագրել կոդը]Ջուջիֆրութսը հայտնվել է «Seinfeld» հեռուստասերիալի հինգերորդ սեզոնի եզրափակիչ դրվագում՝ «The Opposite», և կարճ նշվել է նաև վեցերորդ սեզոնի «The Scofflaw» դրվագում։
«Beastly» ռոմանտիկ ֆանտաստիկ ֆիլմում գլխավոր հերոսուհին՝ Լինդին, առանձնահատուկ սիրով է վերաբերվում Jujyfruits կոնֆետներին։
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 «Farley's & Sathers Candy Company, Inc. - Who We Are». Farley's & Sathers Candy Company, Inc. Արխիվացված է օրիգինալից 2010-12-17-ին. Վերցված է 2010-04-07-ին.
- ↑ «Jujyfruits Promotion». Քաղցրավենիքի փաթաթման թանգարան. Արխիվացված օրիգինալից 2010-01-08-ին. Վերցված է 2010-04-07-ին.