Ջունգլիների տիրակալը

Վիքիպեդիայից՝ ազատ հանրագիտարանից
Jump to navigation Jump to search
Picto infobox cinema.png
Ջունգլիների տիրակալը
Տեսակմեդիաֆրանշիզ
Ժանրcomedy drama anime and manga?
ԵրկիրFlag of Japan.svg Ճապոնիա

Ջունգլիների տիրակալը (ճապ.՝ ジャングル大帝), կամ Սպիտակ առյուծ Կիմբան (անգլ.՝ Kimba the White Lion), մանգա, որն ստեղծվել է Օսամու Տեձուկայի կողմից, ինչպես նաև` համանուն անիմացիա։ Մանգան սկսել է թողարկվել 1950 թվականից, ճապոնական Manga Shonen ամսագրում, իսկ 1965 թվականին Mushi Production ստուդիայի կողմից էկրանավորվել է որպես անիմե սերիալ[1]։

Ըստ որոշ աղբյուրների, սա առաջին գունավոր անիմացիոն ճապոնական սերիալն է։ Այն կրկնօրինակվել է շատ տարբեր լեզուներով և ցուցադրվել ԱՄՆ-ում, Ավստրալիայում, եվրոպական մի շարք երկրներում` Ֆրանսիայում, Իտալիայում, Իսպանիայում, Գերմանիայում։ Այն մտնում է Ճապոնիայի ամենահետաքրքրաշարժ անիմացիոն սերիալների ցանկի մեջ` ըստ TV Asahi-ի վարկանիշի[2]։

Սյուժե[խմբագրել | խմբագրել կոդը]

Գործողությունները տեղի են ունենում Աֆրիկայում, 20-րդ դարի կեսերին։ Մարդկությունը սկսում է վտանգ ներկայացնել ջունգլիների վայրի կենդանիների համար։ Սպիտակ առյուծը, ջունգլիի կայսրը, անվտանգ բնակության վայր էր փնտրում իր ժողովրդի համար, որտեղ նրանք կարող էին ապրել` առանց մարդկանցից վախենալու։ Առյուծը ստիպված է լինում մոտակա գյուղերից առևանգել կովերին՝ աֆրիկյան գիշատիչներին կերակրելու համար։ Հափշտակությունը կատաղության է հասցնում գյուղացիներին, քանի որ նրանք այլ սնունդ չունեին։ Նրանք պրոֆեսիոնալ որսորդ են վարձում։ Վերջինս, վախենալով բացահայտ հարձակվել առյուծի վրա, մռնչյուն է ձայնագրում և այդպիսով գրավում է էգ առյուծին` Էլիզային։ Կայսրը թակարդն ընկնելով մահանում է, իսկ հղի Էլիզային ուղարկում են կենդանաբանական այգի։ Նավի վրա ծնվում է փոքրիկ Լեոն (ամերիկյան կրկնօրինակման մեջ անունը փոխած է Կիմբա)։ Փոթորիկի պատճառով նավը կործանվում է, և Էլիզան մահանում է, իսկ Լեոյին հաջողվում է փրկվել։

Դերերում[խմբագրել | խմբագրել կոդը]

  • Յոսիկո Օտա` Լեո
  • Յոսիկո Մացուո` Լիր
  • Խաձիմ` Ակասի` Թոմմի
  • Կինտո Տամուրա` Կոկո
  • Խիսասի Կացուտա` Մենդի
  • Սեյձո Կատո` Տոտտո
  • Կաձուո Կումակուրա` Դիկ
  • Կիյոսի Կավակուբո` Բո
  • Նոբուակի Սեկինե` Կենյիտի
  • Յոսիկո Յամամոտո` Մերի

Ծանոթագրություններ[խմբագրել | խմբագրել կոդը]

  1. «Kimba the White Lion (TV)» (անգլերեն)։ Anime News Network։ Վերցված է 2010-01-16 
  2. «TV Asahi Top 100 Anime» (անգլերեն)։ Anime News Network։ 23 сентября 2005 года։ Վերցված է 2010-01-16