Ջուլի Ուայթ

Ջուլի Ուայթ
Ջուլի Ուայթը 2011 թվականին
Հասակը	173 սմ․
Ծնվել է	հունիսի 4, 1961 (62 տարեկան)
Ծննդավայր	Սան Դիեգո, Կալիֆորնիա, ԱՄՆ
Կրթություն	Ֆորդհեմի համալսարան, Anderson High School? և Texas State University?
Քաղաքացիություն	ԱՄՆ
Մասնագիտություն	Դերասան
Ակտիվ շրջան	1991–այժմ
Ժանրեր	Դրամա կատակերգություն մելոդրամա
Ամուսին(ներ)	Կարլ Պանդել (ամուսնալուծված, 1 երեխա)
Պարգևներ և մրցանակներ	«Թոնի» մրցանակ կնոջ լավագույն դերակատարման համար պիեսում և Ovation Awards?
IMDb	ID nm0925033
ԿինոՊոիսկ	ID 35974

Ջուլի Ուայթ (անգլերեն՝ Julie White հունիսի 4, 1961(1961-06-04), Սան Դիեգո, Կալիֆոռնիա, ԱՄՆ), ամերիկացի դերասանուհի։ 2007 թ․-ին «Տոնի» մրցանակի դափնեկիր։

Կյանքը և կարիերան

Ջուլի Ուայթը ծնվել է Կալիֆորնիայի Սան Դիեգո քաղաքում և մեծացել է Տեխասի Օսթին քաղաքում գտնվող ռանչոյում։ Դեռահասության տարիներին նա սկսեց հանդես գալ տեղի բեմերում, ինչից հետո տեղափոխվեց Նյու Յորք և ընդունվեց Ֆորդհեմյան համալսարան։

Ուայթը հանդես է եկել բազմաթիվ բեմադրություններում։ 1991 թվականին նա իր դեբյուտը նշեց հեռուստատեսությունում, խաղալով «Կարգ ու կանոն» սերիալի էպիզոդներից մեկում, իսկ 1993 թվականին մշտական դեր ստացավ «Գրեյսը կրակում» հեռուստասերիալում, որտեղ նկարահանվեց մինչև 1997 թվականը։ Նա առավել հայտնի դարձավ իր Ջուդի Ուիթվիկի դերով «Տրանսֆորմերներ» (2007 թ.), «Տրանսֆորմերներ։ Ֆոլլենների Վրեժը» (2009 թ.) և «Տրանսֆորմերներ։ Լուսնի Մութ Կողմը» ֆիլմերում։ Իսկ հեռուստատեսությունում նա ունեցել է մի քանի հայտնի դերեր «Հաճախորդը միշտ մահացած է» և «Կարգ ու կանոն։ Հատուկ կորպուս» հեռուստասերիալներում։

2007 թվականին Ջուլին ստացավ «Տոնի» մրցանակ «լավագույն դերասանուհի պիեսում» անվանակարգում՝ «The Little Dog Laughed» բեմադրության համար։