Ջուլիո Դրագո

Ջուլիո Դրագո; իտալ.՝ Giulio Drago
Քաղաքացիությունը	Իտալիա
Ծննդյան ամսաթիվ	հունիսի 25, 1962
Ծննդավայր	Կալտաջիրոնե, Կատանիա, Սիցիլիա, Իտալիա
Մահվան ամսաթիվ	ապրիլի 18, 2025 (62 տարեկան)
Մահվան վայր	Էմպոլի, Ֆլորենցիայի Մետրոպոլիտեն քաղաք, Տոսկանա, Իտալիա
Հասակ	186 սանտիմետր
Քաշ	79 կիլոգրամ
Դիրք	դարպասապահ

Ջուլիո Դրագո (իտալ.՝ Giulio Drago, հունիսի 25, 1962(1962-06-25)^[1], Կալտաջիրոնե, Կատանիա, Սիցիլիա, Իտալիա - ապրիլի 18, 2025(2025-04-18)^[2], Էմպոլի, Ֆլորենցիայի Մետրոպոլիտեն քաղաք, Տոսկանա, Իտալիա^[2]), իտալացի ֆուտբոլիստ, խաղացել է դարպասապահի դիրքում։ Իտալիայի կրկնակի չեմպիոն։ Իտալիայի Գավաթի հաղթող։ Հանդես է եկել Իտալիայի երիտասարդական հավաքականի կազմում։

Կարիերա

Մեծահասակների ֆուտբոլում նորամուտը նշել է 1979 թվականին «Աոստա» ակումբում, որտեղ անցկացրել է մեկ մրցաշրջան՝ մասնակցելով առաջնության 26 խաղի։

1980 թվականին տեղափոխվել է «Յուվենտուս», որտեղ անցկացրել է հաջորդ երեք մրցաշրջանները։ Թուրինցիների հետ Դրագոն երկու անգամ դարձել է Իտալիայի չեմպիոն, թեև Ա Սերիայում ոչ մի հանդիպման չի մասնակցել, և նվաճել է նաև Իտալիայի Գավաթը։

1983/84 մրցաշրջանում հանդես է եկել «Կրեմոնեզե» և «Ատալանտա» ակումբներում։ 1984 թվականի ամռանը պայմանագիր է կնքել «Էմպոլիի» հետ, որի կազմում անցկացրել է հաջորդ հինգ տարիները։ 1987/88 մրցաշրջանում սահմանել է Ա Սերիայի անպարտելիության ռեկորդ՝ 491 րոպե անընդմեջ առանց գնդակ բաց թողնելու։ Այդուհետ հանդես է եկել «Բարի» ակումբում, որի կազմում հաղթել է Միտրոպայի գավաթը, ինչպես նաև խաղացել է «Տրիեստինայում», «Պոնտեդերայում», իսկ 1994 թվականին վերադարձել է «Էմպոլի» մեկ մրցաշրջանի համար։

Մասնագիտական ֆուտբոլիստի կարիերան ավարտել է «Պոնտեդերա» ակումբում, որի կազմում նախկինում նույնպես հանդես էր եկել։ Կարիերան ավարտել է 1999 թվականին։

Կարիերան հավաքականում

1981 թվականին հանդես է եկել Իտալիայի երիտասարդական հավաքականի կազմում՝ մասնակցելով մեկ պաշտոնական հանդիպման։ 1984 թվականին ընդգրկված է եղել երիտասարդական հավաքականի կազմում Եվրոպայի առաջնության ժամանակ, սակայն մրցաշարում, որտեղ իտալացիները հասել են մինչև կիսաեզրափակիչ, խաղադաշտ դուրս չի եկել։

Ծանոթագրություններ

↑ ^1,0 ^1,1 Transfermarkt.com(բազմ․) — 2000.
↑ ^2,0 ^2,1 ^2,2 ^2,3 ^2,4 ^2,5 Lutto in casa Empoli: morto l’ex portiere azzurro Giulio Drago (իտալ.) — 2025.

[_eb987a9811bccb83-1] 1,0 ^1,1 Transfermarkt.com(բազմ․) — 2000.

[_68135d8ebafd87d6-2] 2,0 ^2,1 ^2,2 ^2,3 ^2,4 ^2,5 Lutto in casa Empoli: morto l’ex portiere azzurro Giulio Drago (իտալ.) — 2025.

[1]

[2]