Ջորջ Սադովսկի

Ջորջ Սադովսկի; անգլ.՝ George G. Sadowski
Ծնվել է	մարտի 12, 1903
Ծննդավայր	Դետրոյթ, Միչիգան, ԱՄՆ
Մահացել է	հոկտեմբերի 9, 1961 (58 տարեկան)
Մահվան վայր	Ուտիկա, Մաքոմ շրջան, Միչիգան, ԱՄՆ
Քաղաքացիություն	ԱՄՆ
Կրթություն	Դեթրոյթի Մերսի համալսարան (1924) և Հյուսիսարևելյան բարձրագույն դպրոց (1920)
Մասնագիտություն	քաղաքական գործիչ և փաստաբան
Զբաղեցրած պաշտոններ	ԱՄՆ ներկայացուցիչների պալատի անդամ, Միչիգանի Սենատի անդամ, կազմակերպության անդամ և պատվիրակներ
Կուսակցություն	Դեմոկրատական կուսակցություն
	George G. Sadowski Վիքիպահեստում

Ջորջ Գրեգորի Սադովսկի (անգլ.՝ George Gregory Sadowski, մարտի 12, 1903(1903-03-12), Դետրոյթ, Միչիգան, ԱՄՆ - հոկտեմբերի 9, 1961(1961-10-09), Ուտիկա, Մաքոմ շրջան, Միչիգան, ԱՄՆ^[1]), ամերիկացի իրավաբան, քաղաքական գործիչ։ Երեք ժամկետ ծառայել է ԱՄՆ Ներկայացուցիչների պալատում ԱՄՆ Միչիգան նահանգից՝ 1933-1939 թվականներին^[3]։

Վաղ կյանք և կրթություն

Սադովսկին ծնվել է Դետրոյթում՝ լեհ-ամերիկյան ընտանիքում, որտեղ սովորել է Ֆերի դպրոցում: Սովորել է Ալաբամայի Ֆոլի քաղաքի միջնակարգ դպրոցում, այնուհետև վերադարձել է Դետրոյթ, որտեղ 1920 թվականին ավարտել է Հյուսիսարևելյան բարձրագույն դպրոցը և 1924 թվականին՝ Դետրոյթի համալսարանի իրավաբանական բաժինը։ 1926 թվականին սկսել է փաստաբանական գործունեությունը և պրակտիկա անցել Դետրոյթում: Զբաղվել է անշարժ գույքի և շինարարական բիզնեսով, ավելի ուշ դարձել գոլֆի երկու ակումբի սեփականատեր: Եղել է նաև Լեհաստանի ազգային դաշինքի անդամ։

Քաղաքական գործունեություն

1931 և 1932 թվականներին Սադովսկին եղել է Միչիգանի Սենատի անդամ 2-րդ շրջանից, 1930-1936 թվականներին՝ Պետական դեմոկրատական կենտրոնական կոմիտեի անդամ: 1932, 1936, 1940, 1944 և 1948 թվականներին եղել է Ժողովրդավարական ազգային կոնվենցիայի պատվիրակ։

ԱՄՆ դեմոկրատական կուսակցության Միչիգանի առաջին կոնգրեսական շրջանից ընտրվել է 73-րդ, 74-րդ և 75-րդ Կոնգրեսներում և պաշտոնավարել 1933 թվականի մարտի 4-ից մինչև 1939 թվականի հունվարի 3-ը։ 1938 թվականին և կրկին 1940 թվականին պարտվել է Ռուդոլֆ Ջ․ Թեներովիչին դեմոկրատների նախնական ընտրություններում։ 1942 թվականին ընտրվել է 78-րդ կոնգրեսում, այնուհետև երեք հաջորդող Կոնգրեսներում՝ ծառայելով 1943 թվականի հունվարի 3-ից մինչև 1951 թվականի հունվարի 3-ը։ 1950 թվականին դեմոկրատների նախնական ընտրություններում պարտվել է Թադեուս Մ. Մաքրովիչին։

Մահ

Ջորջ Գ. Սադովսկին մահացել է Միչիգան նահանգի Ուտիկա քաղաքում։ Թաղված է Դետրոյթի Մաունթ Օլիվեթ գերեզմանատանը^[4]:

Ծանոթագրություններ

Արտաքին հղումներ

Ջորջ Գ. Սադովսկին Find a Grave կայքում

ԱՄՆ ներկայացուցիչներ պալատ
Նախորդող՝ Ռոբերտ Հ․ Քլանսի	ԱՄՆ Ներկայացուցիչների պալատի Միչիգանի 1-ին Կոնգրեսի շրջանի ներկայացուցիչ 1933–1939	Հաջորդող՝ Ռուդոլֆ Ջ․ Թերենովիչ
Նախորդող՝ Ռուդոլֆ Ջ․ Թերենովիչ	ԱՄՆ Ներկայացուցիչների պալատի Միչիգանի 1-ին Կոնգրեսի շրջանի ներկայացուցիչ 1943–1951	Հաջորդող՝ Թադեուս Մ. Մաքրովիչ

Վիքիպահեստն ունի նյութեր, որոնք վերաբերում են «Ջորջ Սադովսկի» հոդվածին։

[_0e06c95cbe655ee9-1] 1,0 ^1,1 ^1,2 http://bioguide.congress.gov/scripts/biodisplay.pl?index=S000011

[_aa469d57e369ba57-2] 2,0 ^2,1 Biographical Directory of the United States Congress — GPO, 1903.

[3] United States Congress. "George G. Sadowski (id: S000011)". Biographical Directory of the United States Congress.

[4] The Political Graveyard

[1]

[2]

[3]

[4]