Ջորջ Բանկրոֆթ

Ջորջ Բանկրոֆթ
Ծնվել է	սեպտեմբերի 30, 1882
Ծննդավայր	Ֆիլադելֆիա, Փենսիլվանիա, ԱՄՆ
Մահացել է	հոկտեմբերի 2, 1956 (74 տարեկան)
Մահվան վայր	Սանտա Մոնիկա, ԱՄՆ
Գերեզման	Woodlawn Memorial Cemetery
Կրթություն	ԱՄՆ-ի ռազմածովային ակադեմիա
Քաղաքացիություն	ԱՄՆ
Մասնագիտություն	դերասան, սպա, թատրոնի դերասան և կինոդերասան

Ջորջ Բանկրոֆթ սեպտեմբերի 30, 1882(1882-09-30)^[1]^[2]^[3], Ֆիլադելֆիա, Փենսիլվանիա, ԱՄՆ - հոկտեմբերի 2, 1956(1956-10-02)^[1]^[2]^[3], Սանտա Մոնիկա, ԱՄՆ, ամերիկացի դերասան^[4]

Կենսագրություն

Ջորջ Բանկրոֆթը ծնվել է 1982 թվականին, Փենսիլվանիա նահանգի Ֆիլադելֆիա քաղաքում։

1900 թվականին նա լողալով մտել է «USS Oregon» ռազմանավի կմախքի տակ՝ ստուգելու վնասի չափը այն բանից հետո, երբ ռազմանավը Չինաստանի ափերի մոտ բախվել է ժայռին։ Այդ արարքի համար Ջորջ Բանկրոֆթն իրավունք է ստացել սովորելու ռազմածովային ակադեմիայում։ Ռազմածովային նավատորմում աշխատելու օրերին նա պիեսներ է բեմադրել նավի վրա^[5]

ԱՄՆ-ի ռազմածովային ակադեմիան ավարտելուց հետո Ջորջ Բանկրոֆթը չի շարունակել իր կարիերան նավատորմում, այլ սկսել է հանդես գալ ռևյուներում՝ երաժշտական և պարային համարներով։ Կինոյում իր առաջնաելույթը նա կատարել է 1921 թվականին և կարճ ժամանակ անց հասել ճանաչման և հաջողությոունների։ Այդ ժամանակաշրջանում նա հիշվում է «Փախստականը» (1926 թ.), «Ծեր արմադիլոներ» (1926 թ.), «Ընդհատակ» (1927 թ.), «Նյու Յորք նավահանգիստ» (1928 թ.), «Չարի ցանց» (1928 թ.) և «Ամպրոպ» (1929 թ.) ֆիլմերում։ Ջիմ Լանգի դերի համար որպես լավագույն դերասան նա առաջադրվել է Օսկարի։ Ձայնային ֆիլմերի պահանջներին հարմարվելու անկարողության պատճառով Ջորջ Բանկրոֆթը 1930-ականների կեսերին սկսել է հանդես գալ երկրորդական դերերում, սակայն երբեմն շարունակել է նկարահանվել այնպիսի ֆիլմերի գլխավոր դերերւմ, ինչպիսիք են «Միստր Դիդսը տեղափոխվում է քաղաք» (1936), «Կեղտոտ երեսներով հրեշտակներ» (1938), «Դիլիժանս» (1939) և «Ամեն առավոտ, ես մեռնում եմ» (1939)։

1942 թվականին Ջորջ Բանկրոֆթն ավարտել է իր դերասանական կարիերան և Հոլիվուդից տեղափոխվել Հարավային Կալիֆոռնիայի ռանչո, որտեղ կյանքի մնացած տարիներն անցկացրել է կնոջ՝ դերասանուհի Օկտավիա Բրոսկի հետ։

Ջորջ Բանկրոֆթը մահացել է Սանտա Մոնիկա քաղաքում, 1956 թվականի հոկտեմբերին, 74 տարեկան հասակում^[6]։

Ծանոթագրություններ

↑ ^1,0 ^1,1 ^1,2 ^1,3 ^1,4 Deutsche Nationalbibliothek Record #141085940 // Gemeinsame Normdatei (գերմ.) — 2012—2016.
↑ ^2,0 ^2,1 ^2,2 ^2,3 ^2,4 SNAC — 2010.
↑ ^3,0 ^3,1 ^3,2 ^3,3 ^3,4 Find A Grave — 1996.
↑ «George Bancroft – Broadway Cast & Staff | IBDB». web.archive.org. 2018 թ․ մարտի 17. Արխիվացված է օրիգինալից 2018 թ․ մարտի 17-ին. Վերցված է 2023 թ․ փետրվարի 25-ին.
↑ «George Bancroft».
↑ «Death Claims Goerge Bancorft, Toughest of Hollywood's Stars».

Արտաքին հղումներ

Վիքիպահեստն ունի նյութեր, որոնք վերաբերում են «Ջորջ Բանկրոֆթ» հոդվածին։

[_fd5eac9e989424f5-1] 1,0 ^1,1 ^1,2 ^1,3 ^1,4 Deutsche Nationalbibliothek Record #141085940 // Gemeinsame Normdatei (գերմ.) — 2012—2016.

[_3f0c6ccc1752f906-2] 2,0 ^2,1 ^2,2 ^2,3 ^2,4 SNAC — 2010.

[_a794f0f1aa7a4b15-3] 3,0 ^3,1 ^3,2 ^3,3 ^3,4 Find A Grave — 1996.

[4] «George Bancroft – Broadway Cast & Staff | IBDB». web.archive.org. 2018 թ․ մարտի 17. Արխիվացված է օրիգինալից 2018 թ․ մարտի 17-ին. Վերցված է 2023 թ․ փետրվարի 25-ին.

[5] «George Bancroft».

[6] «Death Claims Goerge Bancorft, Toughest of Hollywood's Stars».

[1]

[2]

[3]

[4]

[5]

[6]