Ջովաննի Մարիա Ֆլիկ
| Ջովաննի Մարիա Ֆլիկ իտալ.՝ Giovanni Maria Flick | |||
| |||
| |||
|---|---|---|---|
| 2008 թվականի նոյեմբերի 14 - 2009 թվականի փետրվարի 18 | |||
| Նախորդող | Ֆրանկո Բիլե | ||
| Հաջորդող | Ֆրանչեսկո Ամիրանտե | ||
| |||
| 1996 թվականի մայիսի 17 - 1998 թվականի հոկտեմբերի 21 | |||
| Նախորդող | Վինչենցո Կայանիելլո | ||
| Հաջորդող | Օլիվիերո Դիլիբերտո | ||
| Կուսակցություն՝ | Դեմոկրատական կենտրոն | ||
| Կրթություն՝ | Սուրբ Սրտի կաթոլիկ համալսարան | ||
| Մասնագիտություն՝ | Քաղաքական գործիչ | ||
| Գործունեություն՝ | Քաղաքականություն | ||
| Ազգություն |  Իտալիա
| ||
| Դավանանք | Կաթոլիկություն | ||
| Ծննդյան օր | նոյեմբերի 7, 1940 (81 տարեկան) | ||
| Ծննդավայր | Չիրիե, Թուրին, Պիեմոնտ, Իտալիա | ||
| Քաղաքացիություն | Իտալիա
| ||
| Ի ծնե անուն | իտալ.՝ Giovanni Maria Flick | ||
| Պարգևներ |
Ասպետական մեծ խաչի շքանշան. «Իտալիայի Հանրապետության համար ունեցած վաստակի համար» | ||
Ջովաննի Մարիա Ֆլիկ (իտալ.՝ Giovanni Maria Flick, նոյեմբերի 7, 1940, Չիրիե, Թուրին, Պիեմոնտ, Իտալիա), իտալացի իրավաբան և քաղաքական գործիչ, 1996-1998 թվականներին Իտալիայի ներման և արդարադատության նախարար, 2008-2009 թվականներին Իտալիայի սահմանադրական դատարանի նախագահ։
Կենսագրություն[խմբագրել | խմբագրել կոդը]
Ջովաննի Մարիա Ֆլիկը ծնվել է 1940 թվականի նոյեմբերի 7-ին Չիրիեում, Թուրին գավառ, Պիեմոնտ նահանգ։
Ավարտել է Միլանում Սուրբ Սրտի կաթոլիկ համալսարանը[1]։
1964-1975 թվականներին աշխատել է իրավապահական համակարգում՝ լինելով դատավորի, դատախազի օգնականի և պրետորի պաշտոններում։ 1972 թվականից մինչև 1975 թվականը Մեսինայի համալսարանում դասավանդել է քրեական իրավունք, հետագայում դարձել է Պերուջիի համալսարանի իրավական ինստիտուտների և քրեական դատավարության պրոֆեսոր, որից հետո Հռոմում սոցիալական հետազոտությունների միջազգային ազատ համալսարանի (LUISS) քրեական առևտրային իրավունքի օրդինար պրոֆեսոր, դասավանդել է քրեական իրավունք հռոմեական կարաբիների սպայական դպրոցում և Հռոմում ֆինանսական գվարդիայի հարկային ոստիկանության դպրոցում[2]։
1996 թվականի մայիսի 17-ից մինչև 1998 թվականի հոկտեմբերի 21-ը Պրոդիի առաջին կառավարությունում զբաղեցրել է Իտալիայի ներման և արդարադատության նախարարի պաշտոնը։
2000 թվականի փետրվարի 4-ին Իտալիայի նախագահ Կառլո Չամպին Ֆլիկին ներառել է Սահմանադրական դատարանի կազմում։
2008 թվականի նոյեմբերի 14-ին ընտրվել է Սահմանադրական դատարանի նախագահ, 2009 թվականի փետրվարի 18-ին լրացել է նրա դատավարական լիազորությունների ժամկետը[3]։
Ստացել է սոցիալական հետազոտությունների ազատ միջազգային համալսարանի քրեական իրավունքի պատվավոր պրոֆեսորի կոչում, որտեղ դասավանդել է 1980 թվականից մինչև Սահմանադրական դատարանի կազմում ներառվելը։ Նաև դարձել է Միլանում 2015 թվականի համաշխարհային ցուցահանդեսի նախապատրաստման կառավարական հանձնաժողովի պատվիրակ[4]։
2012 թվականի հունվարից մինչև մայիսը հանդիսացել է Fondazione Centro San Raffaele del Monte Tabor բարեգործական հիմնադրամի նախագահ, նույն թվականի հոկտեմբերին ընդգրկվել է Ջենովայի համալսարան հոգաբարձուների խորհրդի կազմում։ 2013 թվականին Սենատի ընտրություններին առաջադրվել է Բրունո Տաբաչի Դեմոկրատական կենտրոնի ցուցակներով, սակայն չի ընտրվել[5]։
2016 թվականի մայիսի 29-ին լրագրող Ռոբերտո Սեչիի հետ հարցազրույցում հայտարարել է, որ 2016 թվականի հոկտեմբերին սահմանադրական հանրաքվեում մտադիր է դեմ քվեարկել կառավարության կողմից առաջարկվող Սենատի նկատմամբ բարեփոխումներին[6]։
Մրցանակներ[խմբագրել | խմբագրել կոդը]
«Իտալիայի Հանրապետության համար ունեցած վաստակի համար» շքանշանի մեծ խաչի ասպետ (1998 թվականի հոկտեմբերի 28)[7]
Հարավային խաչի շքանշանի մեծ խաչի ասպետ (Բրազիլիա)
«Pro Merito Melitensi վաստակի համար» շքանշանի մեծ խաչի ասպետ (Մալթա)
Ծանոթագրություններ[խմբագրել | խմբագրել կոդը]
- ↑ Gianluigi Nuzzi Ratzinger was afraid: The secret documents, the money and the scandals that overwhelmed the Pope. — Adagio eBook, 2014. — ISBN 9788896337080
- ↑ «Consulta: chi è il vice presidente Giovanni Maria Flick» (իտալերեն)։ Agenzia giornalistica Italia։ 2005-11-17։ Վերցված է 2016-08-06(չաշխատող հղում)
- ↑ «Consulta, Flick eletto presidente» (իտալերեն)։ Corriere della Sera։ 2008-11-14։ Վերցված է 2016-08-06
- ↑ «Flick, Giovanni Maria»։ Enciclopedie on line (իտալերեն)։ Институт Итальянской энциклопедии։ Վերցված է 2016-08-06
- ↑ Giorgio Dell’Arti, Gianluigi Maino (2014-03-05)։ «Giovanni Maria Flick»։ Cinquantamila giorni (իտալերեն)։ Corriere della Sera։ Վերցված է 2016-08-07
- ↑ «Speciale Referendum costituzionale - Giovanni Maria Flick: "Perché voterò no"» (իտալերեն)։ RAI News։ 2016-05-29։ Վերցված է 2016-08-07
- ↑ «FLICK Avv. Giovanni Maria»։ Dettaglio decorato (իտալերեն)։ Presidenza della Repubblica։ Վերցված է 2016-08-06
Արտաքին հղումներ[խմբագրել | խմբագրել կոդը]
- «Giovanni Maria Flick»։ Incarichi di governo (իտալերեն)։ Camera dei Deputati (Portale storico)։ Վերցված է 2016-08-06
- «Giovanni Maria FLICK»։ Dati anagrafici e incarichi (իտալերեն)։ Senato della Repubblica։ Վերցված է 2016-08-06
| ||||||||||||
- Նոյեմբերի 7 ծնունդներ
- 1940 ծնունդներ
- Ապրող անձինք
- Իտալիայում ծնվածներ
- «Իտալիայի Հանրապետությանը մատուցած ծառայությունների համար» շքանշանի մեծ խաչի ասպետներ
- Անձինք այբբենական կարգով
- Իտալիայի արդարադատության նախարարներ
- Իտալացի իրավաբաններ
- Իտալացի իրավագետներ
- Իտալացի լրագրողներ
- 20-րդ դարի քաղաքական գործիչներ
- 21-րդ դարի քաղաքական գործիչներ
- Իտալացի քաղաքական գործիչներ
- 21-րդ դարի իրավաբաններ
- 20-րդ դարի իրավաբաններ
- 20-րդ դարի իրավագետներ
- 21-րդ դարի իրավագետներ
- 20-րդ դարի լրագրողներ
- 21-րդ դարի լրագրողներ