Ջոն Քեմփբել, Արգայլի 9-րդ դուքս

Վիքիպեդիայից՝ ազատ հանրագիտարանից
Jump to navigation Jump to search
Ջոն Քեմփբել, Արգայլի 9-րդ դուքս
John Campbell, 9th Duke of Argyll.jpg
 
Կուսակցություն՝ Լիբերալ կուսակցություն և Լիբերալ յունիոնիստական կուսակցություն
Կրթություն՝ Սենթ Էնդրյու համալսարան
Մասնագիտություն՝ քաղաքական գործիչ
Ծննդյան օր օգոստոսի 6, 1845(1845-08-06)[1]
Ծննդավայր Լոնդոն, Մեծ Բրիտանիայի և Իռլանդիայի միացյալ թագավորություն
Վախճանի օր մայիսի 2, 1914(1914-05-02)[2][3][4] (68 տարեկանում)
Վախճանի վայր Քաուս, Ուայթ կղզի, Հարավարևելյան Անգլիա, Անգլիա, Մեծ Բրիտանիայի և Իռլանդիայի միացյալ թագավորություն կամ Լոնդոն, Մեծ Բրիտանիայի և Իռլանդիայի միացյալ թագավորություն
Գերեզման St Munn's Parish Church
Թաղված St Munn's Parish Church
Դինաստիա Քեմփբել կլան
Քաղաքացիություն Flag of the United Kingdom.svg Մեծ Բրիտանիայի և Իռլանդիայի միացյալ թագավորություն
Հայր Ջորջ Դուգլաս Քեմփբել Արգայլ
Մայր Էլիզաբեթ Քեմփբել
Ամուսին Լուիզա Բրիտանացի Արգայլի դքսուհի
 
Պարգևներ

Թագավորական Վիկտորիական շքանշանի Մեծ Խաչի ասպետ, Սուրբ Միքայելի և Սուրբ Գևորգի Մեծ Խաչ շքանշանի ասպետ, Թագավորական վիկտորիանական շղթա և Լավալի համալսարանի պատվավոր դոկտոր

Ջոն Ջորջ Էդվարդ Հենրի Դուգլաս Սաուֆերլենդ, Արգայլի 9-րդ դուքս (անգլ.՝ John George Edward Henry Douglas Sutherland Campbell, 9th Duke of Argyll, օգոստոսի 6, 1845(1845-08-06)[1], Լոնդոն, Մեծ Բրիտանիայի և Իռլանդիայի միացյալ թագավորություն - մայիսի 2, 1914(1914-05-02)[2][3][4], Քաուս, Ուայթ կղզի, Հարավարևելյան Անգլիա, Անգլիա, Մեծ Բրիտանիայի և Իռլանդիայի միացյալ թագավորություն և Լոնդոն, Մեծ Բրիտանիայի և Իռլանդիայի միացյալ թագավորություն, առավել հայտնի է որպես Լորնի մարքիզ (1847-1900 թթ.)), բրիտանացի ազնվական, Կանադայի 4-րդ գլխավոր նահանգապետ (1878-1883 թթ.), Արգայլի 9-րդ դուքս:

Կենսագրություն[խմբագրել | խմբագրել կոդը]

Ծնվել է 1845 թվականին Լոնդոնում՝ Արգայլի 8-րդ դուքս Ջորջ Քեմփբելի և Սաուֆերլենդի 2-րդ դուքս Ջորջ Սաուֆերլենդ Լևենոսոն-Գուոերի դստեր՝ Էլիզաբեթ Քեմփբելի ընտանիքում: Ի ծնե եղել է Էրլ Քեմփբել: 1847 թվականին՝ 21 տարեկան հասակում, երբ նրա հայրը դարձավ Արգայլի 8-րդ դուքսը, նա ստացավ Լորնի մարքիզ տիտղոսը, որը կրեց մինչև 54 տարեկան: Ջոն Քեմփբելը սովորել է Էդինբուրգի ակադեմիայում, Իթըն քոլեջում, Սենտ Էնդրյուի համալսարանում և Քեմբրիջի երրորդություն քոլեջում[5], ինչպես նաև Արվեստի թագավորական քոլեջում[6]:

Նախքան Կանադա մեկնելը, շուրջ 10 տարի Լորնը ճամփորդել է Հյուսիսային և Կենտրոնական Ամերիկայում, գրել ճամփորդական գրականություն և բանաստեղծություններ[6]: 1868 թվականից ՄԹ-ում Արգիլշիրի ընտրատարածքում եղել է Համայնքների պալատի խորհրդարանական լիբերալ անդամ:

Լորդ Լորնը 1871 թվականի մարտի 21-ին ամուսնացել է Վիկտորյա թագուհու 4-րդ դստեր՝ արքայադուստր Լուիզի հետ: Զույգը հետաքրքրվում էր արվեստով, սակայն երեխաներ չունեին և շատ ժամանակ առանձին էին անցկացնում:

Կանադայի գլխավոր նահանգապետ[խմբագրել | խմբագրել կոդը]

Արքայադուստր Լուիզի և Մորնի նշանադրությունը

Երբ Լորդ Լորնի նշանակումը հայտարարվեց, ամբողջ Կանադայում մեծ հուզմունք կար: Առաջին անգամ Ռիդո Հոլը կունենար թագավորական բնակիչ: Կանադայի վարչապետը թեթևացրեց իր նախընտրական ժամանակացույցը, որպեսզի պատրաստվի արքայադստեր ժամանմանը: 1880 թվականին մի հեղինակ գրել է, որ «նշանակումը դրականորեն ողջունվեց Դոմինիոնի բոլոր մասերում, և ժողովրդի սրտով էր նոր գլխավոր նահանգապետի նշանակումը»[7]:

Սակայն կանադական մամուլը սկզբում լավ չընդունեց Քեմփբելին և նրա կնոջը՝ դժգոհելով երկրի մինչև այժմ անխախտ հասարակության վրա թագավորական ազդեցության կիրառումից, մի պաշտոն, որը համբերությունից հանում էր խռովությունների և թյուրիմացությունների պատճառով: Թագուհու կանադական նստավայրի անսասան արքունիքի մասին անհանգստությունը անհիմն էին[8], զույգն ավելի հանգիստ էր, քան նրանց նախորդները, ինչպես երևում էր սահադաշտային երեկույթներից, ճաշկերույթներից, պետական միջոցառումներից, որոնք հյուրընկալում էին մարկիզն ու մարկիզուհին[9]:

33 տարեկան հասակում Լորդ Լորեն Կանադայի ամենաերիտասարդ գլխավոր նահանգապետն էր, սակայն նա շատ երիտասարդ չէր իր պաշտոնի մարգինալ պահանջները կարգավորելու համար: Նա և արքայադուստր Լուիզը մեծ ներդրումներ են արել Կանադայի հասարակության, հատկապես արվեստի և գիտության մեջ: Նրանց քաջալերանքով ստեղծվել է Կանադայի թագավորական ընկերությունը, Կանադայի գեղարվեստի թագավորական ակադեմիան, Կանադայի ազգային պատկերասրահը: Քեմփբելը ներգրավված էր Կանադայի Խաղաղօվկիանոսյան երկաթուղու և այլ նախագծերի ավարտման գործում, ինչպիսին է Բրիտանական Կոլումբիայի հիվանդանոցը[6]: Լորնը եղել է Կանադայում արվեստի և գրականության հովանավոր և հեղինակել է արձակ և չափածո ստեղծագործություններ, որոնք նկարագրել են Կանադայի ֆիզիկական գեղեցկությունը[փա՞ստ]:

Լորենն իր պաշտոնավարման ամբողջ ընթացքում հետաքրքրված էր Կանադայով և կանադացիներով: Նա շրջում էր ամբողջ երկրում, խրախուսում բազմաթիվ հաստատությունների ստեղծումը, հանդիպում Կանադայի Առաջին ազգերի անդամներին և այլ կանադացիների: Ռիդո Հոլում նա և արքայադուստր Լուիզը իրականացրել են բազմաթիվ սոցիալական գործառույթներ: 1887 թվականին նրա Առաջին ազգերի փոքրիկ հավաքածուն ձեռք է բերվել Բրիտանական թանգարանի կողմից[10]:

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]