Ջոն Հենրի Մաքքեյ
Ջոն Հենրի Մաքքեյ անգլ.՝ John Henry Mackay | |
---|---|
Ծնվել է | փետրվարի 6, 1864[1][2] |
Ծննդավայր | Գրինոկ, Greenock, Ռենֆրեյշիր, Շոտլանդիա, Մեծ Բրիտանիայի և Իռլանդիայի միացյալ թագավորություն |
Վախճանվել է | մայիսի 16, 1933 (69 տարեկան) կամ մայիսի 21, 1933[3] (69 տարեկան) |
Վախճանի վայր | Բեռլին, Նացիստական Գերմանիա |
Գերեզման | Բեռլին |
Գրական անուն | Sagitta |
Մասնագիտություն | գրող, բանաստեղծ, կենսագիր, անարխիստ և ԼԳԲՏ իրավունքների ակտիվիստ |
Լեզու | գերմաներեն |
Քաղաքացիություն | Գերմանիա |
Ժանրեր | վավերագրական գրականություն |
Ուշագրավ աշխատանքներ | The Anarchists? և Max Stirner: His Life and His Work? |
Անդամակցություն | Durch!? |
John Henry Mackay Վիքիպահեստում |
Ջոն Հենրի Մաքքեյ (անգլ.՝ John Henry Mackay, փետրվարի 6, 1864[1][2], Գրինոկ, Greenock, Ռենֆրեյշիր, Շոտլանդիա, Մեծ Բրիտանիայի և Իռլանդիայի միացյալ թագավորություն - մայիսի 16, 1933 կամ մայիսի 21, 1933[3], Բեռլին, Նացիստական Գերմանիա), շոտլանդական ծագմամբ գերմանացի գրող։
Երիտասարդություն[խմբագրել | խմբագրել կոդը]
Ծնվել է Շոտլանդիայում, բայց հոր մահից հետո՝ երկու տարեկանից ապրել և մեծացել է Գերմանիայում։ Կյանքի սկզբում զբաղվել է գրքի վաճառքով, հաճախել է համալսարանական դասընթացների, այնուհետև հետաքրքրվել է գրական ստեղծագործությամբ։
Գրական ստեղծագործականություն[խմբագրել | խմբագրել կոդը]
1885 թվականին հրատարակել է բանաստեղծությունների իր առաջին շարքը՝ «Լեռների երգը», նվիրված Շոտլանդիային, որը նա թողել է մանկության տարիներին։ Երիտասարդ բանաստեղծին հռչակ են բերել «Arma parata fero» (1886) և «Փոթորիկ» (1888) բանաստեղծությունների ժողովածուն։ «Arma parata fero»-ն նույնիսկ արգելվել է Գերմանիայում հակասոցիալիստական օրենքի համաձայն, իսկ «Փոթորիկը» հրատարակելուց հետո Մաքքեյին անվանել են «Անարխիայի երգիչ»։ Այդ ժամանակ նա շատ է ճանապարհորդել Եվրոպայում և Ամերիկայում՝ երկար ժամանակ ապրելով Շվեյցարիայում, Մեծ Բրիտանիայում, Իտալիայում, Ֆրանսիայում և Պորտուգալիայում[4]։
«Անարխիստներ» վեպ[խմբագրել | խմբագրել կոդը]
«Անարխիստներ» վեպն առաջին անգամ հրատարակվել է 1891 թվականին Ցյուրիխում, գիրքն անցել է տասնյակ հրատարակություններ անգլերեն, ֆրանսերեն, հոլանդերեն, գերմաներեն, չեխերեն և այլ լեզուներով։ Միայն ռուսերենով վեպը հրատարակվել է առնվազն վեց անգամ։ Վեպը պատմում է 19-րդ դարի վերջին անարխիստական շարժման մասին։ Մաքքեյի քաղաքական հայացքները մանրամասն ներկայացված են գրքում`գլխավոր հերոս Քարար Օբանի անունից։
Շուտով լույս են տեսել Մաքքեյի «Ամուսնության մարդիկ» (1892) և «Վերջին պարտքը» (1893) վեպերը։
Հետագա ստեղծագործություն[խմբագրել | խմբագրել կոդը]
XX դարի սկզբին իր աշխատանքում անդրադառնում է սեռական փոքրամասնությունների հարաբերությունների ազատության խնդրին։ «Սագիտտա» կեղծանվամբ Մաքքեյը գրում է «Անանուն սիրո գրքեր» (1905-1913) պատմվածքների շարք, «Հոլանդիա» (1924) ֆանտաստիկ պատմություն, «Վարձու տղան» (1926) վեպը, որում նա խթանում է մեծահասակների և դեռահասների հոմոսեքսուալ հարաբերությունների ազատությունը։ Այս աշխատանքներն արգելվեցին Գերմանական կայսրությունում, իսկ այնուհետև՝ Վայմարյան հանրապետությունում։ 1920 թվականին լույս է տեսնել «Ազատություն փնտրողը» վեպը՝ նվիրված Բենիամին Թաքերին[4]։
Քաղաքական գործունեություն[խմբագրել | խմբագրել կոդը]
Քանի որ 1890 թվականից Մաքքեյը համարվում էր անարխո-անհատականական շարժման առաջատար ներկայացուցիչը Գերմանիայում, նա հրատարակում է «Անհատական անարխիզմի թերթիկներ», իսկ 1905 թվականից «Անհատական անարխիզմի քարոզչություն» գրքերի շարքը։ Այդ ժամանակ նրա հետևորդներից մեկը եղել է փիլիսոփա Ռուդոլֆ Շտայները, որը հետագայում հեռացել է անարխիզմից և դարձավ մարդաբանության հիմնադիրը[4]։
Աշխատանքներ[խմբագրել | խմբագրել կոդը]
- 1885 - «Լեռների երգեր»
- 1886 - «Arma parata fero»
- 1888 - «Փոթորիկ»
- 1891 - «Անարխիստներ»
- 1892 - «Ամուսնության մարդիկ»
- 1893 - «Վերջին պարտականությունը»
- 1898 - «Մաքս Շտիրները, նրա կյանքն ու ստեղծագործությունը»
- 1905-1913 թվականներ - «Անանուն սիրո գրքեր»
- 1920 - «Ազատություն փնտրողը»
- 1924 - «Հոլանդիա»
- 1926 -« Վարձու տղան»
Ծանոթագրություններ[խմբագրել | խմբագրել կոդը]
- ↑ 1,0 1,1 Internet Speculative Fiction Database — 1995.
- ↑ 2,0 2,1 Բրոքհաուզի հանրագիտարան (գերմ.)
- ↑ 3,0 3,1 3,2 Deutsche Nationalbibliothek Record #118575856 // Gemeinsame Normdatei (գերմ.) — 2012—2016.
- ↑ 4,0 4,1 4,2 Д. И. Рублёв. Макс Штирнер и его биограф Джон Генри Маккей // в изд. Маккей Дж. Г. Макс Штирнер: Его жизнь и творчество. Пер. с нем. Изд.2, доп. М.: URSS — 2010. 208 с. ISBN 978-5-397-00965-2
Վիքիպահեստն ունի նյութեր, որոնք վերաբերում են «Ջոն Հենրի Մաքքեյ» հոդվածին։ |
|
- Փետրվարի 6 ծնունդներ
- 1864 ծնունդներ
- Մայիսի 16 մահեր
- 1933 մահեր
- Մայիսի 21 մահեր
- Բեռլին քաղաքում մահացածներ
- Անձինք այբբենական կարգով
- Գրողներ այբբենական կարգով
- Անարխիստ գրողներ
- Գերմանալեզու գրողներ
- Գերմանացի ակտիվիստներ
- Գերմանացի բանաստեղծներ
- Գերմանացի կենսագիրներ
- Գերմանացի վիպասաններ
- Գրական կեղծանուններով հայտնի հեղինակներ
- ԼԳԲՏ գրողներ
- ԼԳԲՏ իրավունքների ակտիվիստներ
- ԼԳԲՏ վիպասաններ
- Շոտլանդացի գրողներ