Ջոն Գուլդ Ֆլետչեր

Ջոն Գուլդ Ֆլետչեր;
Ծնվել է	հունվարի 3, 1886
Ծննդավայր	Լիթլ Ռոք, ԱՄՆ
Մահացել է	մայիսի 20, 1950 (64 տարեկան) կամ մայիսի 10, 1950 (64 տարեկան)
Մահվան վայր	Լիթլ Ռոք, ԱՄՆ
Գերեզման	Mount Holly Cemetery
Քաղաքացիություն	ԱՄՆ
Կրթություն	Հարվարդի համալսարան և Ֆիլիպսի ակադեմիա
Մասնագիտություն	գրող, բանաստեղծ և ինքնակենսագիր
Ամուսին	Florence Emily Goold? և Charlie May Hogue Simon?
Պարգևներ և ; մրցանակներ	Պոեզիայի պուլիցերյան մրցանակ
Անդամություն	Արվեստի և գրականության ամերիկյան ակադեմիա
	John Gould Fletcher Վիքիպահեստում

Ջոն Գուլդ Ֆլետչեր (հունվարի 3, 1886(1886-01-03)^[1]^[2]^[3], Լիթլ Ռոք, ԱՄՆ - մայիսի 20, 1950(1950-05-20) կամ մայիսի 10, 1950(1950-05-10)^[4], Լիթլ Ռոք, ԱՄՆ) իմաժիստ բանաստեղծ, (հայտնի նրանով, որ Հարավային Միացյալ Նահանգներում Պուլիտցերյան մրցանակի արժանացած առաջին բանաստեղծն է) հեղինակ և հեղինակություն ժամանակակից գեղանկարչության մեջ^[6]։ Ֆլետչերը ծնվել է Արկանզաս նահանգի Լիթլ Ռոք քաղաքում, սոցիալապես աչքի ընկնող ընտանիքում, սովորել է Անդովերի Ֆիլիպս ակադեմիայում, նախքան Հարվարդի համալսարան ընդունվելը 1903-1907 թվականներին։ Այնուամենայնիվ, նա լքել է Հարվարդը հոր մահից անմիջապես հետո։

Նախապատմություն

Ֆլետչերն իր կյանքի զգալի մասն անցկացրել է Անգլիայում։ Եվրոպայում գտնվելու ընթացքում նա շփվել է Էմի Լոուելի, Էզրա Փաունդի և այլ իմաժիստ բանաստեղծների հետ։ Նա այն վեց իմաժիստների թվում է եղել, որոնք որդեգրել են իրենց կոչումը և հավատարիմ մնացել մինչև իրենց նպատակների իրականացումը^[7]։ Ֆլետչերը վերականգնել է հարաբերությունները Ֆլորենս Էմիլի «Դեյզի» Արբութնոտի (ծնվ. Գոլդ) հետ Քենթում գտնվող իր տանը։ Ֆլորենս Էմիլի Արբութնոտը նախկինում ամուսնացած է եղել Մալքոլմ Արբութնոտի հետ, և Ֆլետչերի հետ սիրավեպը հանգեցրել է նրանց ամուսնալուծությանը։ Զույգն ամուսնացել է 1916 թվականի հուլիսի 5-ին։ Թեև նրանց ամուսնությունից երեխաներ չեն ծնվել, Արբութնոտի որդին և դուստրը նրա նախորդ ամուսնությունից ապրել են նրանց հետ մինչև Դեյզիի և Ֆլետչերի ի վերջո բաժանվելը։

1936 թվականի հունվարի 18-ին Ֆլետչերն ամուսնացել է մանկական գրքերի հայտնի հեղինակ Չարլի Մեյ Սայմոնի հետ։ Նրանք միասին կառուցել են «Ջոնսվուդ» բնակավայրը, որը գտնվել է Արկանզաս գետի զառ ի վերի վրա, Լիթլ Ռոքին կպած։ Նրանք հաճախ մեկնել են Նյու Յորք՝ մտավորականների մեջ ներգրավվածություն ունենալու համար, և Ամերիկայի արևմուտք և հարավ՝ բարենպաստ կլիմայի համար, հատկապես այն բանից հետո, երբ Ֆլետչերի մոտ զարգացել է խրոնիկ արթրիտ։

Ֆլետչերը պայքարել է դեպրեսիայի դեմ և 1950 թվականի մայիսի 10-ին ինքնասպանություն գործել^[8] ՝ իրեն խեղդելով Արկանզաս նահանգի Լիթլ Ռոք քաղաքի իր տան մոտ գտնվող լճակում։ Նա թաղված է Լիթլ Ռոքի պատմական Մաունթ Հոլլի գերեզմանատանը։ Նրա պատվին է անվանակոչվել Կենտրոնական Արկանզասի գրադարանային համակարգի մասնաճյուղերից մեկը^[9]։

Պոեզիա

1913 թվականին Էզրա Փաունդը գովաբանել է Ֆլետչերի բանաստեղծությունների առաջին հատորը իր «Նոր ազատուհի» գրախոսության մեջ՝ նրա բանաստեղծությունների առանձնահատուկ ռիթմի համար^[10]։ Ֆլետչերի վաղ շրջանի ստեղծագործություններից են Irradiations: Sand and Spray (1915) և Goblins and Pagodas (1916): Էմի Լոուելը գովաբանել է նրան՝ ասելով, որ «Վարպետներից ոչ ոք ավելի իդեալական չէ ազատ ոտանավորների ռիթմը պահելու հարցում»^[11]։ Ֆլետչերը հորինել է «պոլիֆոնիկ արձակ» տերմինը՝ նկարագրելու Էմի Լոուելի բանաստեղծական փորձերը^[12], մի ձև, որը նա ուսումնասիրել է նաև Goblins & Pagodas գրքում^[13]։ Հետագա բանաստեղծական աշխատանքներում Ֆլետչերը վերադարձել է ավելի ավանդական ձևերին։ Այդ ստեղծագործություններից են՝ «Սև ժայռը» (The Black Rock, 1928), «Ընտրված բանաստեղծություններ» (Selected Poems, 1938), որը նրան 1939 թվականին պարգևել է Պուլիցերյան մրցանակ պոեզիայի համար, «Հարավային աստղ» (South Star, հրատարակվել է Մակմիլանի կողմից 1941 թվականին) և «Այրվող լեռը» (The Burning Mountain, 1946): Ավելի ուշ Ֆլետչերը վերադարձել է Արկանզաս՝ նորից կապվելու իր արմատների հետ։ Նրա ստեղծագործություններն ավելի ու ավելի են կենտրոնացել Հարավային Միացյալ Նահանգների խնդիրների և ավանդականության վրա։

1920-ականների վերջին և 1930-ական թվականներին Ֆլետչերը ներգրավված է եղել հարավային ագրարացիների խմբում՝ կազմված հարավային գրողներից և բանաստեղծներից։ Այս խումբը հրատարակել է դասական ագրարային մանիֆեստը «Ես կընդունեմ իմ դիրքորոշումը» (I'll Take My Stand), որը քաղաքական արդիականացմանը և ինդուստրացմանը հակադրվող էսսեների ժողովածու է։ 1937 թվականին Ֆլետչերը գրել է իր ինքնակենսագրականը՝ Life is My Song, իսկ 1947 թվականին հրատարակել է Arkansas-ը՝ իր հայրենի նահանգի պատմությունը։

Նրա Լիթլ Ռոքի տունը՝ «Ջոնսվուդ»–ը, գրանցված է ԱՄՆ-ի պատմական վայրերի ազգային գրանցամատյանում։

Գրություններ

Irradiations: Sand and Spray, Boston, Houghton Mifflin Co., 1915
Goblins and Pagodas, Boston, Houghton Mifflin Co., 1916
Japanese Prints, Four Seas, 1918, LC 18017484
The Tree of Life, London, Chattus Windus, 1918
Breakers and Granite, New York, MacMillan Co., 1921
Paul Gauguin, His Life and Art, N. L. Brown, 1921, LC 20114210
Preludes and Symphonies, Macmillan, 1930 978-1-4255-0347-5
XXIV Elegies, Writers' Editions, Santa Fe, 1935
Life Is My Song: The Autobiography Of John Gould Fletcher, Farrar & Rinehart, 1937 978-0-404-17098-1
South Star, New York, MacMillan Co., 1941

Ծանոթագրություններ

↑ ^1,0 ^1,1 Bibliothèque nationale de France data.bnf.fr (ֆր.): տվյալների բաց շտեմարան — 2011.
↑ ^2,0 ^2,1 Բրոքհաուզի հանրագիտարան (գերմ.)
↑ ^3,0 ^3,1 Proleksis enciklopedija, Opća i nacionalna enciklopedija (хорв.) — 2009.
↑ ^4,0 ^4,1 ^4,2 ^4,3 ^4,4 ^4,5 Encyclopedia of Arkansas — 2006.
↑ https://ualrexhibits.org/characters/daisy-arbuthnot-and-the-agrarians-jgf-3/
↑ Hughes, Glenn, Imagism and the Imagists, Stanford University Press, New York 1931.
↑ Glenn Hughes, Imagism and the Imagists, Stanford University Press, New York, 1931
↑ Jamison, Kay R. (1994). «This Net Throwne Upon the Heavens». Touched with fire: manic-depressive illness and the artistic temperament. Simon and Schuster. էջ 249. ISBN 978-0-684-83183-1. Վերցված է Հունիսի 15, 2009 թվական-ին.
↑ «Central Arkansas Library System». Central Arkansas Library System (ամերիկյան անգլերեն). Վերցված է 2019 թ․ օգոստոսի 7-ին.
↑ Imagist Poetry, (ed. Peter Jone s) Penguin Books Ltd, London 1972 0-14-042147-5
↑ Lowell Amy, Tendencies of Modern American Poetry, Macmillan, New York, 1917
↑ Miss Lowell's Discovery: Polyphonic Prose Poetry, Chicago 1915
↑ Imagist Poetry, (ed. Peter Jones) Penguin Books Ltd, London 1972 0-14-042147-5

Հետագա ընթերցում

John Gould Fletcher and Imagism, Edmund S. de Chasca, University of Missouri Press, 1978
Fierce Solitude, A Life of John Gould Fletcher, Ben Johnson III, University of Arkansas Press, 1994

Արտաքին հղումներ

Encyclopedia of Arkansas History & Culture: John Gould Fletcher
John Gould Fletcherի գործերը Գուտենբերգ նախագծում
Works by Ջոն Գուլդ Ֆլետչեր at LibriVox (public domain audiobooks)
John Gould Fletcher Collection. Yale Collection of American Literature, Beinecke Rare Book and Manuscript Library.

Վիքիպահեստն ունի նյութեր, որոնք վերաբերում են «Ջոն Գուլդ Ֆլետչեր» հոդվածին։

[_4639838889d9eba7-1] 1,0 ^1,1 Bibliothèque nationale de France data.bnf.fr (ֆր.): տվյալների բաց շտեմարան — 2011.

[_868987b05e34fa4d-2] 2,0 ^2,1 Բրոքհաուզի հանրագիտարան (գերմ.)

[_36302e026309e912-3] 3,0 ^3,1 Proleksis enciklopedija, Opća i nacionalna enciklopedija (хорв.) — 2009.

[_696e7bd7f84826d0-4] 4,0 ^4,1 ^4,2 ^4,3 ^4,4 ^4,5 Encyclopedia of Arkansas — 2006.

[_7673d598cc99b74d-5] ttps://ualrexhibits.org/characters/daisy-arbuthnot-and-the-agrarians-jgf-3/

[6] Hughes, Glenn, Imagism and the Imagists, Stanford University Press, New York 1931.

[7] Glenn Hughes, Imagism and the Imagists, Stanford University Press, New York, 1931

[8] Jamison, Kay R. (1994). «This Net Throwne Upon the Heavens». Touched with fire: manic-depressive illness and the artistic temperament. Simon and Schuster. էջ 249. ISBN 978-0-684-83183-1. Վերցված է Հունիսի 15, 2009 թվական-ին.

[9] «Central Arkansas Library System». Central Arkansas Library System (ամերիկյան անգլերեն). Վերցված է 2019 թ․ օգոստոսի 7-ին.

[10] Imagist Poetry, (ed. Peter Jone s) Penguin Books Ltd, London 1972 0-14-042147-5

[11] Lowell Amy, Tendencies of Modern American Poetry, Macmillan, New York, 1917

[12] Miss Lowell's Discovery: Polyphonic Prose Poetry, Chicago 1915

[13] Imagist Poetry, (ed. Peter Jones) Penguin Books Ltd, London 1972 0-14-042147-5

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]