Jump to content

Ջոն Բոգլ

Վիքիպեդիայից՝ ազատ հանրագիտարանից
Ջոն Բոգլ
անգլ.՝ John Clifton Bogle
Դիմանկար
Ծնվել էմայիսի 8, 1929(1929-05-08)[1]
ԾննդավայրՄոնտկլեր, Նյու Ջերսի
Մահացել էհունվարի 16, 2019(2019-01-16)[2] (89 տարեկան)
Մահվան վայրԲրին Մար, Փենսիլվանիա
Քաղաքացիություն ԱՄՆ
ԿրթությունՓրինսթոնի համալսարան, Փենսիլվանիայի համալսարան, Manasquan High School? և Բլերի Ակադեմիա
Մասնագիտությունտնտեսագետ, ֆինանսիստ, ներդրող և գործարար
ԿուսակցությունԱՄՆ Հանրապետական կուսակցություն
Պարգևներ և
մրցանակներ
ԱնդամությունԱրվեստների և գիտությունների ամերիկյան ակադեմիա
🌐
johncbogle.com

Ջոն Քլիֆթոն Բոգլ (անգլ.՝ John Clifton Bogle, մայիսի 8, 1929(1929-05-08)[1], Մոնտկլեր, Նյու Ջերսի - հունվարի 16, 2019(2019-01-16)[2], Բրին Մար, Փենսիլվանիա), ամերիկացի ձեռնարկատեր, հայտնի ներդրող և The Vanguard Group-ի հիմնադիր և աշխարհի ամենամեծ ներդրումային ընկերության նախկին գործադիր տնօրեն։ Ամենավաճառվող «Փոխադարձ հիմնադրամները ողջամտության տեսանկյունից. Նոր հրամայականներ խելացի ներդրողի համար» բեսթսելերի հեղինակ[3][4]։

Վաղ տարիներ

[խմբագրել | խմբագրել կոդը]

Ջոն Բոգլը և նրա երկվորյակ եղբայր Դեյվիդը ծնվել են Մոնկլերում (անգլ.՝ Montclair)` ԱՄՆ-ի Նյու Ջերսի նահանգում։ Ընտանիքը կրել է Մեծ ճգնաժամի հետևանքները: Բոգլը հաճախել է Բլերի ակադեմիայի մասնավոր գիշերօթիկ դպրոց` լրիվ կրթաթոշակով, բակալավրի կոչում է ստացել Փրինսթոնի համալսարանից 1951 թվականին և մասնակցել երեկոյան և կիրակնօրյա դասընթացներին Փենսիլվանիայի համալսարանում: Բոգլի ավարտական թեզը՝ «Ներդրումային ընկերության տնտեսական դերը», որտեղ նկարագրել է նոր ձևավորվող փոխադարձ հիմնադրամների սկզբունքները, ազդել է մի ամբողջ ոլորտի վրա՝ փոխելով ներդրումների մոտեցումը[5]:

Կարիերա

[խմբագրել | խմբագրել կոդը]

Ավարտելուց հետո Ջոն Բոգլը աշխատանքի է անցել Wellington Management Company-ում[6], որտեղ աշխատել է կազմակերպության հիմնադիր Ուոլթեր Լ. Մորգանի ղեկավարությամբ (անգլ.՝ Walter L. Morgan):

Ընկերության հետ հաջող կարիերա անելով՝ 1965 թվականին՝ 35 տարեկանում, Ջոն Բոգլը դարձել է նրա գործադիր փոխնախագահը, սակայն 1973 թվականին Բոգլի հավանությամբ Վելինգթոնի կողմից ներդրած միջոցների շահութաբերությունը կտրուկ ընկել է։ Բաժնետոմսերի գների անկման արդյունքում ընկերության ընդհանուր ակտիվները 2,6 մլրդ դոլարից նվազել են 2 մլրդ դոլարի։ 1974 թվականի հունվարին Բոգլը հեռացվել է աշխատանքից[7]։

1974 թվականին Բոգլը հիմնել է The Vanguard Group-ը: Նրա ղեկավարությամբ այն դարձել է աշխարհի խոշորագույն կառավարչական ընկերությունը։ 1975 թվականին Յուջին Ֆամայի, Բերթոն Մալկիելի և Փոլ Սամուելսոնի աշխատանքների ազդեցությամբ Ջոն Բոգլը հիմնել է Vanguard 500 ներդրումային հիմնադրամը՝ առաջին ինդեքսային հիմնադրամը, որը հասանելի էր հանրությանը[8][9]։ 1975 թվականից մինչև 2002 թվականը ընկերության կառավարվող ակտիվների չափը 1,8 միլիարդ դոլարից աճել է` հասնելով մինչև 600 միլիարդ դոլարի:

Ջոն Բոգլը եղել է Բլերի ակադեմիայի հոգաբարձուների խորհրդի անդամ և Միլշտեյն կորպորատիվ կառավարման և կատարողականության կենտրոնի խորհրդատվական խորհրդի անդամ (անգլ.՝ Millstein Center for Corporate Governance and Performance):

Բոգլը նաև եղել է Ազգային Սահմանադրության կենտրոնի հոգաբարձուների խորհրդում (անգլ.՝ National Constitution Center)։ Վերջինս Ֆիլադելֆիայում ԱՄՆ Սահմանադրությանը նվիրված թանգարան է։ Նա այս հիմնադրամի տնօրենների խորհրդի նախագահն է եղել 1999-2007 թվականներին։ 2007 թվականին պաշտոնը զիջել է նախագահ Ջորջ Բուշ Կրտսերին:

Ջոն Բոգլը մահացել է 2019 թվականի հունվարի 16-ին` 89 տարեկան հասակում։

Հիմնական սկզբունքներ

[խմբագրել | խմբագրել կոդը]

Ներդրումներ

[խմբագրել | խմբագրել կոդը]

Ջոն Բոգլը իր «Ընդհանուր իմաստով փոխադարձ հիմնադրամներ» գրքում ներկայացրել է կոլեկտիվ ներդրումների շուկայում ներդրումներ կատարելու հիմնական կանոնները.

  • Ընտրե՛ք միջոցներ ցածր ծախսերով:
  • Զգուշացե՛ք ցանկացած լրացուցիչ ծախսից, որը կարող է առաջանալ ձեր ստացած խորհրդից:
  • Մի՛ գերագնահատեք ֆոնդի անցյալի կատարողականը:
  • Օգտագործե՛ք ֆոնդի պատմական ցուցանիշները կայունությունը և ռիսկը գնահատելու համար:
  • Զգուշացե՛ք աստղերից (նկատի Է ունեցել ֆոնդի կառավարիչներին):
  • Զգուշացե՛ք մեծ միջոցներից.
  • Չափազանց շատ միջոցներ մի՛ ունեցեք:
  • Գնե՛ք ֆոնդի պորտֆոլիո և պահեք այն[10]:

Ձեռնարկատիրություն

[խմբագրել | խմբագրել կոդը]

«Մի հավատա թվերին» գրքում Ջոն Բոգլը տվել է ձեռներեցության 17 կանոն՝ հիմնվելով իր սեփական փորձի վրա[11]։

  1. Բախտավոր եղի՛ր։
  2. Պարտությունը հաղթանակի վերածի՛ր։
  3. Գտե՛ք դաստիարակ:
  4. Մի՛ վախեցեք աշխատանքից ազատվելուց։
  5. Համարձակ եղե՛ք։
  6. Բախտավորվե՛ք շատ անգամ, բախտ ունեցեք մեկ անգամ:
  7. Երբեք մի՛ կորցրեք սիրտը:
  8. Հարևանիցդ ավելի լավ մկան թակարդ սարքի՛ր, և մարդիկ կգան քեզ մոտ։
  9. Երբեք, երբեք, երբեք մի՛ հանձնվիր:
  10. Ուսումնասիրի՛ր թվաբանություն։
  11. Խուսափե՛ք թերագնահատելուց ակնհայտի ուժը:
  12. Ավելի հեշտ է մրցակցել, եթե մրցակիցները չեն ցանկանում կամ չեն կարողանում մրցակցել ծախսերի վրա:
  13. «Ես կառավարությունից եմ և այստեղ եմ ձեզ օգնելու» (Կանոն ուժեղ կոչերի կարևորության մասին)։
  14. Ներքին հետևողական ռազմավարությունը բիզնեսի հաջողության գրավականներից մեկն է:
  15. Ընտրե՛ք ճանապարհ, որը երբեք չի օգտագործվել ճանապարհորդության համար, այն կարող է ամեն ինչ իսկապես այլ կերպ դարձնել:
  16. Չկա մարդ, ով միայնակ որևէ բանի կհասնի։
  17. Մեր ամենամեծ պարգևները գալիս են, երբ մենք խթանում ենք տնտեսական առաջընթացը և օգնում ենք ավելի լավ աշխարհ կառուցել:

Մրցանակներ և կոչումներ

[խմբագրել | խմբագրել կոդը]
  • 1999 թվականին Fortune ամսագրի կողմից նա ճանաչվել է 20-րդ դարի չորս «ներդրումային հսկաներից» մեկը:
  • 1999 թվականին արժանացել է Վուդրո Վիլսոնի մրցանակին։
  • 2004 թվականին TIME ամսագրի կողմից նա ճանաչվել է աշխարհի 100 ամենաազդեցիկ մարդկանցից մեկը[12]։
  • Պատվավոր դոկտորի կոչումի է արժանացել Փրինսթոնի համալսարանից, Դելավերի համալսարանից, Ռոչեսթերի համալսարանից, Նոր դպրոցի համալսարանից, Արևելյան համալսարանից, Օլբրայթ քոլեջից, Փենսիլվանիայի համալսարանից, Դրեքսելի համալսարանից, Իմակուլատայի համալսարանից, Ջորջթաունի համալսարանից, Թրինիթի քոլեջից և Վիլանովայի համալսարանից:

Անձնական կյանք

[խմբագրել | խմբագրել կոդը]

Ջոն Բոգլը և նրա կինը՝ Եվան, ունեցել են վեց երեխա և տասներկու թոռ։ Նրանք ապրել են Բրին Մաուրում (անգլ.՝ Bryn Mawr), որը գտնվում է Փենսիլվանիա նահանգում: 1996 թվականին սրտի փոխպատվաստման է ենթարկվել։

Ծանոթագրություններ

[խմբագրել | խմբագրել կոդը]
  1. 1 2 SNAC — 2010.
  2. 1 2 https://www.tijd.be/markten-live/nieuws/fondsen/john-bogle-peetvader-van-indexbeleggers-1929-2019/10088083.html
  3. ↑ David Brancaccio (2003 թ․ հոկտեմբերի 10). «John Bogle». NOW on PBS. Արխիվացված է օրիգինալից 2018 թ․ օգոստոսի 26-ին. Վերցված է 2017 թ․ հոկտեմբերի 2-ին.
  4. ↑ Scott Burns (2010 թ․ մարտի 13). «A visit with John Bogle». Seattle Times. Արխիվացված է օրիգինալից 2011 թ․ նոյեմբերի 21-ին. Վերցված է 2013 թ․ հուլիսի 30-ին.
  5. ↑ Уильям Бернстайн, 2013
  6. ↑ Slater, Robert. John Bogle and the Vanguard experiment: One Man’s Quest to Transform the Mutual Fund Industry. Chicago: Irwin Professional Pub., 1997. (ISBN 0786305592)
  7. ↑ «КоммерсантЪ Деньги 21.04.2003». Արխիվացված է օրիգինալից 2015 թ․ հունիսի 14-ին. Վերցված է 2013 թ․ հուլիսի 30-ին.
  8. ↑ Amy Barrett and Jeffrey M. Laderman (1999 թ․ հունվարի 7). «That's Why They Call It Vanguard». Business Week. Արխիվացված է օրիգինալից 2007 թ․ հունիսի 16-ին.
  9. ↑ Миллер, 2017
  10. ↑ Sigma Investing. Review of Common Sense on Mutual Funds Արխիվացված 2012-02-07 Wayback Machine.
  11. ↑ Джон Богл (John C. Bogle). «"Не Верьте цифрам" размышления о заблуждениях инвесторов, капитализме, "взаимных" фондах, индексном инвестировании, предпринимательстве, идеализме и героях» (PDF). johncbogle.com. Արխիվացված է օրիգինալից (PDF) 2018 թ․ դեկտեմբերի 22-ին. Վերցված է 2019 թ․ հունվարի 30-ին.
  12. ↑ «TIME 100 Most Influential People, 2004». Արխիվացված է օրիգինալից 2013 թ․ հուլիսի 31-ին. Վերցված է 2013 թ․ հուլիսի 30-ին.

Արտաքին հղումներ

[խմբագրել | խմբագրել կոդը]
Ստացված է «https://hy.wikipedia.org/w/index.php?title=Ջոն_Բոգլ&oldid=10613156» էջից