Ջոն Բելիոն

Վիքիպեդիայից՝ ազատ հանրագիտարանից
Jump to navigation Jump to search
Ջոն Բելիոն
Ծնվել էդեկտեմբերի 26, 1990(1990-12-26) (28 տարեկան)
Լոնգ Այլենդ, Նյու Յորք, ԱՄՆ
ԵրկիրFlag of the United States.svg ԱՄՆ
Ժանրերփոփ երաժշտություն և հիփ հոփ
Մասնագիտությունհեղինակ-կատարող, երաժշտական պրոդյուսեր, երգիչ և երաժիշտ
Գործիքներվոկալ
ԼեյբլCapitol Records և Visionary Music Group?
Կայքjonbellion.com

Ջոնաթան Դեյվիդ «Ջոն» Բելիոն[1] (դեկտեմբերի 26, 1990(1990-12-26), Լոնգ Այլենդ, Նյու Յորք, ԱՄՆ), ամերիկացի ռեփեր, երգիչ, երգահան և պրոդյուսեր: Ծնվել և մեծացել է Լոնգ Այլենդում՝ Լեյք Գրոուվ, Նյու Յորք[2]: Բելիոնը թողարկել է 4 միքսթեյփ (անգլ.՝ mixtape) և 1 ստուդիական ալբոմ, որոնցից վերջինը՝ The Human Condition-ը թողարկվել է 2016 թվականի հունիսի 10-ին և մուտք է գործել Միացյալ Նահանգների Billboard 200՝ զբաղեցնելով 5-րդ հորիզոնականը[3]: Ներկայումս նա պայմանագիր ունի Visionary Music Group-ի [4] և Capitol Records-ի հետ: Բելիոնը նաև ապահովել է 2015 թվականի ZeddBeautiful Now էլեկտրոնային պարային երաժշտության վոկալը և կատարել է Twenty One PilotsEmotional Roadshow համերգային շրջագայության երրորդ փուլի բացումը:

Վաղ տարիներ[խմբագրել | խմբագրել կոդը]

Ջոն Բելիոնը մեծացել է Լեյք Գրոուվում (Նյու Յորք)՝ իր ծնողների տանը՝ քույրերի հետ: Ներկայումս դեռևս ապրում է ծնողների տանը[5]: Ավագ դպրոցի տարիներին Ջոնը մեծ սեր ուներ բասկետբոլի և երաժշտության նկատմամբ, բայց նախընտրեց շարունակել իր երաժշտական կարիերան: Ավագ դպրոցից հետո Ջոնն ընդգրկվեց Նյու Յորքի Five Towns մասնավոր համալսարանի հայտնի երաժշտական ծրագրում[6]:

Կարիերա[խմբագրել | խմբագրել կոդը]

2011-14: Կարիերայի վաղ տարիներ և տարբեր միքսթեյփներ[խմբագրել | խմբագրել կոդը]

Բելիոնի առաջին Scattered Thoughts Vol. 1 միքսթեյփը թողարկվել է 2011 թվականին իր ֆեյսբուքյան էջի միջոցով և ունեցել է ավելի քան 11000 ներբեռնում: Բելիոնը իր երգերի հեղինակն ու պրոդյուսերն է: 2012 թվականին Ջոն Բելիոնը պայմանագիր ստորագրեց Visionary Music Group-ի հետ և թողարկեց Դրեյքի The Motto երգի քավեր-տարբերակը VMG-ի յութուբյան էջում[7]:

2012 թվականին Ջոն Բելիոնը գրեց Ռիհաննայի մասնակցությամբ Էմինեմի The Monster երգի կրկներգը[8]: Երգը արժանացել է նաև Գրեմմի մրցանակի 2015 թվականի Գրեմմի մրցանակաբաշխությունում «Լավագույն ռեփ համագործակցություն» անվանակարգում: Բելիոնը նաև 2012 թվականի Ջեյսոն Դերուլոի Trumpets երգի համահեղինակն է և պրոդյուսերը: Երգը չէր թողարկվել Միացյալ Թագավորությունում մինչև 2013 թվականը և Միացյալ Նահանգներում մինչև 2014 թվականը:

Ջոն Բելիոնը թողարկեց իր The Definition չորրորդ ազատ նախագիծը Visionary Music Group անվան տակ 2014 թվականի սեպտեմբերի 14-ին[9]: Բելիոնը 2014 թվականին ունեցավ իր առաջին ազգային շրջագայությունը, որը կրում էր The Beautiful Mind խորագիրը[10]:

2015 - այժմ: Շրջագայություններ և The Human Condition[խմբագրել | խմբագրել կոդը]

Վաղ 2015 թվականին Բելիոնը թողարկեց մի քանի սինգլ՝ ներառյալ Woodstock (Psychedelic Fiction), All Time Low և Woke the F*ck Up[11] Capitol Records-ի միջոցով: 2015 թվականի մարտի 31-ին Բելիոնը հայտարարեց իր երկրորդ ազգային շրջագայության մասին, որը կոչվում է The Definition[12]: Շրջագայությունը սկսվեց մայիսի 26-ին և եզրափակվեց հուլիսի 2-ին: Բելիոնը նաև երգել է Zedd-ի True Colors ալբոմի Beautiful Now երգը, որը թողարկվեց 2015 թվականի մայիսի 15-ին: Բելինը նաև երգել է ամերիկացի ռեփեր B.o.B-ի Psycadelik Thoughtz ալբոմի Violence երգը:

Բելիոնը թողարկել է իր The Definition ալբոմի երգերից մի քանիսի ակուստիկ տարբերակները: Նա թողարկեց All Time Low (Acoustic) երգը 2016 թվականի փետրվարի 26-ին: Նաև թողարկեց Human (Acoustic) երգը 2016 թվականի մարտի 4-ին:

Բելիոնը հաստատեց, որ իր դեբյուտային The Human Condition ալբոմը նախատեսված է թողարկել 2016 թվականի հունիսի 10-ին: Իր ալբոմից նա թողարկեց երեք գովազդային սինգլ՝ Guillotine (2016-ի ապրիլի 22), 80's Films (2016-ի մայիսի 27) և Maybe IDK (2016-ի հունիսի 2): Ալբոմի առաջին սինգլը՝ All Time Low-ն թողարկվեց 2016 թվականի մայիսի 13-ին: The Human Condition ալբոմը պաշտոնապես թողարկվեց հունիսի 10-ին: Բելիոնը նշում է, որ ալբոմը պարզապես մարդկային լինելու մասին է՝ բացատրելով.

Մենք՝ որպես մարդիկ, բոլորս ունենք միևնույն խնդիրները: Մենք պայքարում ենք հպարտության և բազմաթիվ այլ խնդիրների դեմ, որոնց մասին ոչ ոք չի ցանկանում խոսել: Այնպես որ ես մտածեցի՝ արդյոք ազնիվ եմ, երբ ցույց եմ տալիս թե ինչքան մարդկային եմ. դա կստիպի մարդկանց ավելի լավ զգալ իրենց:

Իր երգերում Ջոնը խոսում է Աստծո մասին: Նա չի խոսում պարզապես հավատքի անորոշ գաղափարի մասին: Նա փորձում է համոզվել, որ հատուկ ընդգծել է Աստծո դերը[13]: Ջոն Բելիոնը նշում է, որ The Human Condition ալբոմի շապիկների ձևավորման նպատակն էր ստանալ Disney/Pixar-ի ուշադրությունը՝ ասելով.

Այն կարծես հսկայական բիզնես ծրագիր լինի Disney/Pixar-ի համար, որովհետև միշտ իմ երազանքն է եղել երաժշտություն գրել նրանց ֆիլմի համար: Այսպիսով, եթե իմ դեբյուտային ալբոմը դառնա շատ հայտնի, Ջոն Լասեթերը Disney Pixar-ից և այս տղաները հուսով եմ կտեսնեն այդ պատկերները և կասեն. «Սպասեք մի վայրկյան, սա մեր ֆիլմերից չէ, ի՞նչ է սա[14]

The Human Condition շրջագայության ժամանակ Բելիոնը հայտարարեց, որ իր շոուներից մեկի ժամանակ հանդիպել է Pixar-ի ներկայացուցիչներից մեկի հետ: Նա հրավիրվել էր Pixar Campus և նշել է, որ հնարավոր է գալիք մի քանի տարիների ընթացքում ներգրավվի Pixar-ի աշխատանքներում: Բելիոնը նաև նշել է, որ Pixar-ի իր սիրելի ֆիլմը «Սուպեր ընտանիք»-ն է:

2017 թվականի հունիսին Բելիոնն ընտրվեց որպես Էլվիս Դուրանի «Ամսվա արտիստ»: 2017 թվականին Բելիոնը կատարել է Twenty One Pilots-ի Միացյալ Նահանգներում անցկացվող Emotional Roadshow համերգային շրջագայության երրորդ փուլի բացումը: 33 շոուներից բաղկացած շրջագայությունը սկսվեց հունվարի 17-ին Ռոդ Այլենդ նահանգում և ավարտվել է Լուիսվիլում մարտի 5-ին[15]:

Ազդեցություններ[խմբագրել | խմբագրել կոդը]

Տարբեր առիթներով Բելիոնը նշել է, որ Քանյե Ուեսթն իր մեծագույն ներշնչանքներից մեկն է. «Ես սիրեցի ամեն ինչ, բայց Քանյե Ուեսթն էր, որ ամեն ինչ փոխեց ինձ համար»,- ասել է նա Huffington Post-ին տրված հարցազրույցում: Նաև Ուեսթն էր պատճառը, որ Բելիոնը թողեց ուսումը և որոշեց զբաղվել երաժշտությամբ: Ջոնը նաև նշել է, որ ներշնչված է Էմինեմի, Ֆարել Վիլյամսի, Coldplay-ի, Ջոն Մայերի, Անդրե 3000-ի և այլոց երաժշտությամբ[16] [17] : Հայտնի է նաև, որ Բելիոնը Pixar-ի երկրպագու է: Բելիոնը բացատրում է, որ սիրում է Pixar-ի ֆիլմերը, որովհետև դրանք «պարզ են, բայց միևնույն ժամանակ ներկայացվում են մի ձևով, որը նորարարական է»[18]: Ջոն իր երաժշտական զարգացման և հաջողությունների մեջ բարձր է գնահատում իր բենդի տղաների դերը, որոնց հետ հանդիպել է համալսարանում: Նա արտահայտում է իր սերը Beautiful Mind փաստագրական հոլովակում՝ նշելով. «իմ բենդում բոլորն ինձ ինչ-որ բան են սովորեցրել և ինձ հասցրել են այնտեղ, որտեղ եմ հիմա»: Նա նաև նշել է. «Ես շրջապատում եմ ինձ մարդկանցով, որոնք ինչ-որ բանով ավելի լավն են, քան ես: Շատ հազվադեպ կարող եք իմ շուրջը տեսնել ինչ-որ մեկին՝ հատկապես երաժիշտ, ումից օրինակ չեմ վերցնում»[19]

Ծանոթագրություններ[խմբագրել | խմբագրել կոդը]

  1. «Songwriter/Composer: Bellion Jonathan David»։ Broadcast Music, Inc. (BMI)։ Վերցված է June 16, 2016 
  2. «Jon Bellion’s Emotional, Inspiring Journey To The Top Of The Music Industry»։ Elite Daily (en-US)։ 2016-06-21։ Վերցված է 2017-04-02 
  3. «Jon Bellion - Chart History | Billboard 200»։ Billboard։ Վերցված է March 1, 2017 
  4. Guarino Nick։ «Jon Bellion – Life (Music Video) : Indie / R&B / Pop Single [TSIS PREMIERE]»։ This Song is Sick։ This Song is Sick։ Վերցված է September 12, 2014 
  5. «Jon Bellion’s Emotional, Inspiring Journey To The Top Of The Music Industry»։ Elite Daily (en-US)։ 2016-06-21։ Վերցված է 2017-04-02 
  6. «Five Towns College Former Student Jon Bellion Wins A Grammy Award | Five Towns College»։ Five Towns College (en-US)։ 2015-02-09։ Վերցված է 2017-04-02 
  7. Guarino Nick։ «Jon Bellion – The Motto (Drake Cover) : Chill Original Indie / R&B Cover»։ This Song is Sick։ This Song is Sick։ Վերցված է September 12, 2014 
  8. Markman Rob։ «Meet Eminem And Rihanna’s ‘Monster’ Songwriter»։ MTV։ MTV News։ Վերցված է September 12, 2014 
  9. Ramirez Erica։ «Jon Bellion, 'Simple and Sweet': Exclusive Video Premiere»։ Billboard։ Billboard։ Վերցված է September 12, 2014 
  10. Ortiz Edwin։ «Watch Jon Bellion's "Simple and Sweet" Video»։ Complex։ Complex։ Վերցված է September 12, 2014 
  11. https://soundcloud.com/jonbellion
  12. «JON BELLION ANNOUNCES 2015 HEADLINING TOUR; RELEASES NEW SONG, “WOODSTOCK”»։ The Early Registration։ Վերցված է February 6, 2016 
  13. «Jon Bellion’s Emotional, Inspiring Journey To The Top Of The Music Industry»։ Elite Daily (en-US)։ 2016-06-21։ Վերցված է 2017-04-02 
  14. Lovaas Taylor։ «From Choirs to Animations, Jon Bellion’s Debut Album "The Human Condition" is Full Artistry Both Sonically and Visually: SU Featured Interview»։ Sway's Universe։ Վերցված է June 14, 2016 
  15. «Jon Bellion Joins Twenty One Pilots For U.S. Leg Of ‘Emotional Roadshow World Tour’»։ The Inquisitr News (en-US)։ 2016-09-12։ Վերցված է 2017-04-02 
  16. Khan Ahmad։ «No Genre: An Introduction to Jon Bellion»։ Huffington Post։ Huffington Post։ Վերցված է September 12, 2014 
  17. «Artist Interview - Jon Bellion»։ Song Revelation։ Song Revelation։ Վերցված է September 16, 2014 
  18. «jon bellion 'definition' album is a mix between dilla and pixar»։ MTV։ Վերցված է 14 June 2016 
  19. Visionary Music Group (2014-02-19), Jon Bellion - Beautiful Mind Documentary, https://www.youtube.com/watch?v=Lr3AvyhXQ3g, վերցված է 2017-04-02