Ջոզեֆ Սթեննարդ
Ջոզեֆ Սթեննարդ անգլ.՝ Joseph Stannard | |
|---|---|
 | |
| Ծնվել է | սեպտեմբերի 13, 1797[1][2][3][…] |
| Ծննդավայր | Նորիջ, Անգլիա, Մեծ Բրիտանիայի թագավորություն[1] |
| Վախճանվել է | դեկտեմբերի 7, 1830[1][2][3][…] (33 տարեկան) |
| Մահվան վայր | Նորիջ, Անգլիա, Մեծ Բրիտանիայի և Իռլանդիայի միացյալ թագավորություն[1] |
| Քաղաքացիություն | .svg){kind=small} Մեծ Բրիտանիայի և Իռլանդիայի միացյալ թագավորություն և .svg){kind=small} Մեծ Բրիտանիայի թագավորություն |
| Մասնագիտություն | նկարիչ |
| Ոճ | Նորվիչի նկարիչների դպրոց |
| Ժանր | բնանկար |
| Թեմաներ | գեղանկարչություն |
| Ուսուցիչ | Robert Ladbrooke?[4] |
| Աշակերտներ | Edward Thomas Daniell?[4] |
| Ամուսին | Էմիլի Սթեննարդ[5] |
 Joseph Stannard Վիքիպահեստում | |
Ջոզեֆ Սթեննարդ (սեպտեմբերի 13, 1797[1][2][3][…], Նորիջ, Անգլիա, Մեծ Բրիտանիայի թագավորություն[1] - դեկտեմբերի 7, 1830[1][2][3][…], Նորիջ, Անգլիա, Մեծ Բրիտանիայի և Իռլանդիայի միացյալ թագավորություն[1]), անգլիացի բնանկարիչ, փորագրող։ Իր կարճատև կյանքի ընթացքում նա կարողացել է դառնալ Նորվիչի նկարիչների դպրոցի տաղանդավոր և ականվոր անդամ։
Նորվիչի քերականության դպրոց ընդունվելուց հետո, նրա ծնողները վճարում են, որպեսզի նա նկարչություն սովորի Ռոբերտ Լեդբրուկի մոտ, ով Նորվիչի նկարիչների ասոցացիայի հիմնադիր անդամներից էր։ Նկարչությամբ զբաղվելու տարիներին նա ցուցահանդեսներ է ներկայացնում Նորվիչում և Լոնդոնում, որոնք մեծ հաջողություն են ունենում։ 1816 թվականին նա դուրս է գալիս ասոցացիայից և միանում մեկ այլ ասոցացիայի, որը տևում է մի քանի տարի։ Նա ոգեշնչվել է հոլանդացի նկարիչների աշխատանքներով, ում աշխատանքները նա ուսումնասիրել և կրկնօրինակել է 1821 թվականին, երբ որ մեկնում է Հոլանդիա։ Նրա ամենահայտնի աշխատանքը «Տորփի նավարկություն կեսօրին» աշխատանքն է, որը առաջին անգամ ներկայացվել է ցուցահանդեսի 1825 թվականին։ 1827 թվականին նրա փորագրությունները հրատարակվում են «Նորֆոլքի փորագրանկարները» գրքում։
1826 թվականին նա ամուսնանում է նկարիչ Էմիլի Քոփինի հետ։ Նրանց դուստր Էմիլի Սթեննարդը ևս տաղանդավոր նկարիչ էր (նաև ընտանիքի մի քանի անդամներ)։
Նա իր կարճատև կյանքի զգալի մասում տառապում էր առողջական խնդիրներից և մահանում է 1830 թվականին Տուբերկուլոզից։
Կյանքը[խմբագրել | խմբագրել կոդը]
Ջոզեֆ Սթեննարդը ծնվել է 1797 թվականի սեպտեմբերի 13-ին Նորվիչում, Նորֆոլք։ Նրա ծնողներն էին Աբրահամ Սթեննարդը և Մերի Բելլը։ Նրան մկրտել են սեպտեմբերի 17-ին, Նորվիչի Սուրբ Միքայել-Էթ-Փլի եկեղեցում[6] : Նա հաճախում էր Քերականության դպրոց, բայց ծնողները նրա նկարչական կարողությունները զարգացնելու համար դիմում են հայտնի բնանկարիչ Ջոն Քրոմին։ Սակայն, քանի որ վճարը բավականին բարձր էր, նրանք վճարեցին մեկ այլ տեղաբնակ նկարչի՝ Ռոբերտ Լեդբրուկին, ում մոտ էլ սովորեց նրանց որդին[7]։ Սթեննարդի նկարներից մեկը 1811 թվականին ցուցադրվել է Նորվիչի նկարիչների միությունում (տասնչորս տարեկանում) և դրական գնահատականների է արժանանում «Նորվիչ Մերկուրի» նկարը, որը ցուցադրվում է 1818 թվականի օգոստոսին, երբ նա քսանմեկ տարեկան էր։
1826 թվականին նա ամուսնանում է երիտասարդ նկարչուհի Էմիլի Քոփինի հետ։ Նա տաղանդավոր բնանկարիչ էր, նկարում էր մրգեր, ծաղիկներ, նատյուրմորտ և Նորվիչի նկարիչների միության կողմից արժանացել էր երեք ոսկե մեդալի։ Նա ամուսնու մահից հետո հիսուն տարի զբաղվում է նկարչությամբ[8]։ Նրանց դուստրը՝ Էմիլի Սթեննարդը, Սթեննարդի եղբայր Ալֆրեդ Սթեննարդը, (1806–1889) և նրանց զարմուհի Էլուիզ Հարիեթ Սթեննարդը (1829–1915) ևս նկարիչներ էին։
Սթեննարդը հիվանդանում է տուբերկուլոզով և տառապում է այդ հիվանդությունով կյանքի վերջին տարիներին։ Ընկերների և հարազատների համատեղ ջանքերով նրան ուղարկում են ծովափնյա Գրեյթ Յարմաուֆ քաղաք, առողջությունը վերականգնելու նպատակով, որտեղ նկարում է «Յարմաուֆի ափերը և ծովամատույցը» նկարը։
Նա հմուտ թիավարող և չմշկորդ էր։ Նրա դիմանկարները նկարել էին Ուիլյամ Բիչեյը, Ջորջ Քլինթը և Ռոբերտ Լեդբրուկը:
Ջոզեֆ Սթեննարդը մահացել է 1830 թվականին, 33 տարեկանում, տուբերկուլոզից։ Նորվիչի Սուրբ Ջոն Մեդրմարքետ եկեղեցում է գտնվում Ջոզեֆ Սթեննարդի, նրա մանկահասակ դստեր և քրոջ՝ Էլուիզի հուշաքարը։
Նկարչի ստեղծագործական ուղին[խմբագրել | խմբագրել կոդը]
Ըստ Ջոզեֆին Ուոլփոլի Ջոզեֆ Սթեննարդը Նորվիչի նկարիչների դպրոցի ամենանշանավոր անդամներից էր[7]։ 1816 թվականին Սթեննարդը Ռոբերտ Լեդբրուկի, Ջեյմս Սայլեթի, Ջոն Թրթլի և մի քանի այլ անդամների հետ հեռանում են Նորվիչի Նկարիչների միությունից[9]։ Լեդբրուկի գլխավորությամբ միության յոթ անդամներ բացում են «Նորֆոլքի և Նորվիչի նկարիչների տասներկուերորդ միությունը» ցուցահանդեսը, որն անցկացվում է Շեքսպիրյան պանդոկում, Փլեյն թատրոնում[10]։
1819-20 թվականներին նա համագործակցում էր Նորվիչի Թագավորական թատրոնի հետ և նրա «Տեսարան Նորվիչի գարեջրատանը» ստեղծագործությունում նկարված էին ժամանակի մի քանի հայտնի կերպարներ։
Նա հաճախ էր նկարում գետեր և ափամերձ բնաշխարհ։ Նա ոգեշնչվել է հոլանդացի նկարիչների աշխատանքներով, ում աշխատանքները նա ուսումնասիրել և կրկնօրինակել է 1821 թվականին, երբ որ մեկնում է Հոլանդիա։ Հաջորդ տարի նա ներկայացնում է «Լաստանավը» նկարը Ամստերդամում։ Հոլանդիա այցելությունը նրան հնարավորություն տվեց զարգացնել յուղանկարչության տեխնիկան և խորացրեց նրա հետաքրքրությունները ծովանկարչության հանդեպ։
1820-1829 թվականներին իր աշխատանքները ցուցադրում է Լոնդոնի Գեղարվեստի թագավորական ակադեմիայում և Բրիտանական ինստիտուտում։ 1823 թվականին նա հայտնվել էր ֆինանսական ծանր վիճակում, սակայն իրադրությունը թեթևացավ, երբ Նորվիչի արտադրող և ձեռներեց Ջոն Հարվեյը առաջարկեց նկարել «Տորփի նավարկություն կեսօրին» նկարը։ Առաջին անգամ այն ներկայացվել է ցուցահանդեսի 1825 թվականին։ Այն բավականին մեծ յուղանկար է (108 x 172 սմ), որում պատկերված են առագաստանավերով թիավարողները։ Մրցույթին ընդգրկված էին մոտ 20,000 մասնակիցներ (այդ ժամանակ Նորվիչի բնակչությունը կազմում էր մոտ 50,000)։ Ջոն Հարվեյը ձգտում էր Նորֆոլքը դարձնել միջազգային նավահանգիստ։
1827 թվականին նրա փորագրանկարները հրատարակվել են «Նորֆոլքի փորագրանկարններ» վերնագրով[11]։
Քանի որ Սթեննարդը ուսուցիչ չէր և չուներ աշակերտներ, իր ընկեր Էդուարդ Թոմաս Դանիելին իր արհեստանոցում նկարել էր սովորեցնում, 1828 թվականին Օքսֆորդի համալսարանն ավարտելուց հետո[12]։
Ծանոթագրություններ[խմբագրել | խմբագրել կոդը]
- ↑ 1,00 1,01 1,02 1,03 1,04 1,05 1,06 1,07 1,08 1,09 1,10 https://rkd.nl/explore/artists/74681
- ↑ 2,0 2,1 2,2 2,3 2,4 Joseph Stannard (նիդերլ.)
- ↑ 3,0 3,1 3,2 3,3 3,4 Benezit Dictionary of Artists — OUP, 2006. — ISBN 978-0-19-977378-7
- ↑ 4,0 4,1 Oxford Dictionary of National Biography / C. Matthew — Oxford: OUP, 2004.
- ↑ Union List of Artist Names — 2017.
- ↑ Joseph Stannard in "Parish register transcripts", FamilySearch (Joseph Stannard)
- ↑ 7,0 7,1 Walpole, Art and Artists of the Norwich School, p.53.
- ↑ Gray, Dictionary of British Women Artists, p.249.
- ↑ Walpole, Art and Artists of the Norwich School, p.25-6.
- ↑ Dickes, The Norwich School of Painting, p.103
- ↑ Cundall, The Norwich School, p.31
- ↑ Walpole, Art and Artists of the Norfolk School, p.157.
Գրականություն[խմբագրել | խմբագրել կոդը]
- This article incorporates text from a publication now in the public domain: Chisholm, Hugh, ed. (1911). «Stannard, Joseph». Encyclopædia Britannica (անգլերեն). Vol. 25 (11th ed.). Cambridge University Press. էջ 782.
- Cundall, Herbert Minton (1920). The Norwich School. London: The Studio Ltd.
- Dickes, William Frederick (1905). The Norwich school of painting: being a full account of the Norwich exhibitions, the lives of the painters, the lists of their respecitve exhibits and descriptions of the pictures. Norwich: Jarrold & Sons Ltd.
- Gray, Sara (2009). The Dictionary of British Women Artists. Cambridge: The Lutterworth Press.
- Walpole, Josephine (1997). Art and Artists of the Norwich School. Woodbridge: Antique Collectors' Club. ISBN 1-85149-261-5.
Արտաքին հղումներ[խմբագրել | խմբագրել կոդը]
- 155 works relating to Joseph Stannard Արխիվացված 2019-01-09 Wayback Machine Պահպանվում է Նորֆոլքի թանգարանում
- Works by Joseph Stannard Մեծ Բրիտանիայի արվեստի թանգարանում
- 21 works by Joseph Stannard Բրիտանական արվեստի Յեյլ կենտրոնում
- 31 prints by Joseph Stannard Բրիտանական թանգարանում
 | Վիքիպահեստն ունի նյութեր, որոնք վերաբերում են «Ջոզեֆ Սթեննարդ» հոդվածին։ |
| ||||||||||
