Ջոզեֆ Սաֆրա
| Ջոզեֆ Սաֆրա արաբ․՝ يُوسُف صفرا | |
|---|---|
| Ծնվել է | սեպտեմբերի 1, 1938[1] |
| Ծննդավայր | Բեյրութ, Լիբանան |
| Մահացել է | դեկտեմբերի 10, 2020[2] (82 տարեկան) |
| Մահվան վայր | Սան Պաուլո, Բրազիլիա[2] |
| Քաղաքացիություն |  Բրազիլիա և  Լիբանան |
| Մայրենի լեզու | արաբերեն |
| Ազդվել է | Percival Farquhar? |
| Մասնագիտություն | բանկիր |
| Ծնողներ | հայր՝ Jacob Safra?[3] |
| Պարգևներ և մրցանակներ |  |
| Երեխաներ | Esther Safra?[4], Jacob J. Safra?[5], David J. Safra?[5] և Alberto J. Safra?[5] |
 Joseph Safra Վիքիպահեստում | |
Ջոզեֆ Սաֆրա (արաբ․՝ يوسف صفرا, սեպտեմբերի 1, 1938[1], Բեյրութ, Լիբանան - դեկտեմբերի 10, 2020[2], Սան Պաուլո, Բրազիլիա[2]), լիբանանա-բրազիլացի բանկիր և գործարար-միլիարդատեր, Safra Group ֆինանսական կոնգլորմերատի հիմնադիրը։ Forbes-ի աշխարհի միլիարդատերերի վարկանիշի վերջին հրատարակության մեջ 39-րդ տեղն Է զբաղեցրել աշխարհում։
Կենսագրություն[խմբագրել | խմբագրել կոդը]
Ջոզեֆ Սաֆրան ծնվել է 1938 թվականին Լիբանանից և Հալեպից եկած սեֆարդ հրեաների ընտանիքում[6]։ Ջոզեֆը ներկայացնում է բանկային տոհմի չորրորդ սերունդը։ Դրա սկիզբը դրվել է 19-րդ դարի վերջին սիրիական Հալեպում, որն այն ժամանակ պատկանում էր Օսմանյան կայսրությանը։ Ընտանիքը ներդրումներ է կատարել կայսրության խոշորագույն առևտրային կենտրոնների՝ Հալեպի, Ալեքսանդրիայի և Կոստանդնուպոլսի միջև առևտրի մեջ՝ միաժամանակ զբաղվելով ոսկու առևտրով[7]։ 1950-ականներին ընտանիքը տեղափոխվել է Բրազիլիա, որտեղ հիմնվել է «Banco Safra» բանկը, որը ժամանակի ընթացքում դարձել է երկրի խոշորագույն բանկը։ 1999 թվականին՝ ավագ եղբոր՝ Էդմունդի մահից հետո, Ջոզեֆը մյուս եղբոր՝ Մոյշեյի հետ ղեկավարել է ընկերությունը, իսկ 2006 թվականին գնել է նրա բաժնեմասը և դարձել սեփականատեր[8]։
Ջոզեֆ Սաֆրան մահացել է բնական մահով 82 տարեկանում։ Թաղված է Սան Պաուլոյում։
Գործունեություն[խմբագրել | խմբագրել կոդը]
Ջոզեֆի եղբայր Էդմոնդը և նրա հայրը Ջեյկոբ Սաֆրան 1955 թվականի սկսել են աշխատել Բրազիլիայում՝ ֆինանսավորելով Սան Պաուլոյի ակտիվները։ Ավելի ուշ Էդմոնդը Նյու Յորքում հիմնել է Հանրապետական ազգային բանկը, իսկ Ջոզեֆը հիմնել է «Banco Safra»-ն և ստեղծել «Safra Group»-ը՝ ընտանիքի կողմից վերահսկվող ընկերությունների միջազգային ցանց, որը զբաղվում է ամեն ինչով՝ ֆինանսներից և անշարժ գույքից մինչև արտադրություն և գյուղատնտեսություն։ 2013 թվականին միլիարդատեր ընտանիքը ԱՄՆ-ում գնել է ավելի քան մեկ տասնյակ անշարժ գույք, հիմնականում՝ Նյու Յորքում։ Նրանք նաև Բրազիլիայում ունեն առևտրային անշարժ գույքի պորտֆել։
2014 թվականին Սաֆրան վճարել է ավելի քան 700 միլիոն ֆունտ ստերլինգ՝ գնելու «The Gherkin»-ը՝ Լոնդոն Սիթիի ամենահայտնի աշտարակներից մեկը։ Նա առաջարկել է Լոնդոնում կառուցել Թյուլիփ երկնաքերը, սակայն քաղաքապետը մերժել է այն 2019 թվականին[9]։ Նա նաև Բեյթ Յակովի հրեական դպրոցի հիմնադիրն է։ Սաֆրան համարվում է աշխարհի ամենահարուստ բանկիրը։ Forbes ամսագրի տվյալներով՝ նրա կարողությունը գնահատվում է 19,9 միլիարդ դոլար[10]։
Սաֆրային են պատկանում նաև Նյու Յորքի «Safra National Bank»-ը, Շվեյցարիայի «J. Safra Sarasin Bank»-ը և ԱՄՆ-ում գտնվող «Chiquita Brands International» բանանային ընկերության կեսը։
Բիզնես հոլդինգներ[խմբագրել | խմբագրել կոդը]
- «Chiquita»՝ Չիկիտա Բրենդս Ինթերնեյշնլ[11]
- «Safra Group»[11]
- «Banco Safra»[11]
- «J. Safra Sarasin»[11]
- «Safra National Bank of New York»[11]
Ծանոթագրություններ[խմբագրել | խմբագրել կոդը]
- ↑ 1,0 1,1 Wiener Zeitung (գերմ.) — Wien: 1703.
- ↑ 2,0 2,1 2,2 2,3 2,4 2,5 Joseph Safra morre em SP aos 82 anos // G1 — Globo Comunicação e Participações S.A., 2006.
- ↑ 3,0 3,1 Neue Zürcher Zeitung(գեր-շվեյց․) — 1780. — ISSN 0376-6829
- ↑ Época Negócios
- ↑ 5,0 5,1 5,2 Forbes / S. Forbes — NYC: Forbes, 1917. — ISSN 0015-6914
- ↑ «Bloomberg Billionaires Index»։ Bloomberg.com։ Վերցված է 2021-02-08
- ↑ «Богатейший банкир: как Джозеф Сафра заработал $15,7 млрд»։ РБК (ռուսերեն)։ Վերցված է 2021-02-07
- ↑ «Самый богатый банкир мира умер в Бразилии. Последние годы он жил в бункере в окружении произведений искусства»։ www.fontanka.ru (ռուսերեն)։ 2020-12-10։ Վերցված է 2021-02-07
- ↑ «Gherkin bought by Safra Group: Meet the Brazilian-Lebanese billionaire behind the £700m deal»։ CityAM (en-GB)։ 2014-11-10։ Վերցված է 2021-02-08
- ↑ «Умер самый богатый в мире банкир Джозеф Сафра»։ inbusiness.kz (ռուսերեն)։ Վերցված է 2021-02-07
- ↑ 11,0 11,1 11,2 11,3 11,4 Kerry A. Dolan։ «Brazil’s Joseph Safra, World’s Richest Banker, Dies At Age 82»։ Forbes (անգլերեն)։ Վերցված է 2021-02-07