Ջոզեֆ Լինդոն Սմիթ
Ջոզեֆ Լինդոն Սմիթ | |
|---|---|
 | |
| Ծնվել է | հոկտեմբերի 11, 1863[1][2][3][…] |
| Ծննդավայր | Pawtucket, Փրովիդենս շրջան, Ռոդ Այլենդ, ԱՄՆ |
| Վախճանվել է | հոկտեմբերի 18, 1950 (87 տարեկան) |
| Մահվան վայր | ԱՄՆ |
| Քաղաքացիություն | .svg){kind=small} ԱՄՆ |
| Կրթություն | Ժյուլիանի ակադեմիա և Գեղեցիկ արվեստների Բոստոնի թանգարանի դպրոց |
| Մասնագիտություն | նկարիչ |
| Ոճ | օրիենտալիզմ |
 Joseph Lindon Smith Վիքիպահեստում | |
Ջոզեֆ Լինդոն Սմիթ (անգլ.՝ Joseph Lindon Smith, հոկտեմբերի 11, 1863[1][2][3][…], Pawtucket, Փրովիդենս շրջան, Ռոդ Այլենդ, ԱՄՆ - հոկտեմբերի 18, 1950, ԱՄՆ), ամերիկացի նկարիչ, հայտնի է հնություններին` հատկապես եգիպտական դամբարաններին նվիրված իր աշխատանքներով[4]։ Նյու Հեմփշիր նահանգի Դուբլին քաղաքի գեղարվեստական գաղութի հիմնադիրներից մեկն էր։
Կենսագրություն[խմբագրել | խմբագրել կոդը]
Ծնվել է 1863 թվականի հոկտեմբերի 11-ին Ռոդ Այլենդ նահանգի Պոտակետ քաղաքում՝ մեծածախ անտառարդյունաբերող Հենրի Սմիթի (անգլ.՝ Henry Francis Smith) և Էմմա Սմիթ Գրինլիֆի (անգլ.՝ Emma Greenleaf Smith) ընտանիքում։
Ծնողները կողմ էին, որ իրենց տղան արվեստ ուսումնասիրի, և Ժոզեֆը կրթություն է ստանում Բոստոնի թանգարանի գեղարվեստի դպրոցում։ 1883 թվականի աշնանը բոստոնյան դպրոցի իր ընկեր և համակուրսեցի Ֆրենկ Բենսոնի հետ Սմիթը տեղափոխվում է Եվրոպա։ Նրանք Փարիզում ապրում էին նույն բնակարանում, սովորում Ժյուլիանի ակադեմիայում` Ուիլյամ Բուգրոյի, Ժյուլ Ժոզեֆ Լեֆևբրեի և Գուստավ Բուլանժեյի մոտ։
Սմիթը մի քանի տարի անցկացնում է Եվրոպայում` ճանապարհորդելով Հունաստանում և Իտալիայում, հաճախ ընկերոջ` Ֆրենկ Բենսոնի ընկերակցությամբ, որը նկարել է երիտասարդ Սմիթի դիմանկարը (1884)։ Վենետիկում էքսկուրսիաներից մեկի ժամանակ Ժոզեֆը ծանոթանում է Իզաբելլա Գարդների հետ, ով դառնում է նրա ընկերն ու հովանավորը։
1899 թվականին Սմիթն ամուսնանում է Կորինա Պուտնամի (1883-1950) հետ[5]։ Իրենց հետագա ողջ կյանքի ընթացքում նրանք ձմեռային ամիսներն անցկացնում էին Եգիպտոսում, Ասիայում կամ Լատինական Ամերիկայում, իսկ ամռանն ապրում էին Դուբլինում, Նյու Հեմփշիրում։
1931 թվականին Ժոզեֆ Սմիթը նշանակվում է Բոստոնի գեղարվեստի թանգարանի դպրոցի նախագահ։ Նա նաև թանգարանի եգիպտական բաժանմունքի պատվավոր կուրատորն էր։ Նրա աշխատանքները պահվում են ԱՄՆ-ի տարբեր թանգարաններում, այդ թվում, Իզաբելլա Ստյուարտ Գարդների թանգարանում, Բոստոն Գեղարվեստի թանգարանում, Ֆիտչբուրգի Գեղարվեստի թանգարանում և «Fogg» թանգարանում։
Մահացել է 1950 թվականի հոկտեմբերի 18-ին։ Թաղված է Նյու Հեմփշիր նահանգի Դուբլին քաղաքի քաղաքային գերեզմանոցում, կնոջ հետ[6]։
Ծանոթագրություններ[խմբագրել | խմբագրել կոդը]
- ↑ 1,0 1,1 https://rkd.nl/explore/artists/73464
- ↑ 2,0 2,1 Joseph Lindon Smith (նիդերլ.)
- ↑ 3,0 3,1 Benezit Dictionary of Artists — OUP, 2006. — ISBN 978-0-19-977378-7
- ↑ Joseph Lindon Smith: The Man and the Artist (անգլ.)
- ↑ Corinna Putnam Smith(անգլ.)
- ↑ Joseph Lindon Smith (անգլ.)
Արտաքին հղումներ[խմբագրել | խմբագրել կոդը]
- Joseph Lindon Smith (անգլ.)
- Joseph Lindon Smith (1863-1950) (անգլ.)
- Joseph Lindon Smith carrying easel, ca. 1945 (անգլ.)
| ||||||||||||
