Ջեֆֆրիս Բեյ

Վիքիպեդիայից՝ ազատ հանրագիտարանից
Jump to navigation Jump to search
Բնակավայր
Ջեֆֆրիս Բեյ
աֆրիկաանս՝ Jeffreysbaai
անգլ.՝ Jeffreys Bay
Jeffrey's Bay.jpg
Կոորդինատներ: 34°2′0″ հվ. լ. 24°55′0″ ավ. ե. / 34.03333° հս․. լ. 24.91667° ավ. ե. / 34.03333; 24.91667
ԵրկիրՀարավաֆրիկյան Հանրապետություն Հարավաֆրիկյան Հանրապետություն
Հիմնադրված է1849 թ.
Մակերես20,79 կմ²
ԲԾՄ63 մետր
Պաշտոնական լեզուաֆրիկաանս
Բնակչություն27 107 մարդ (հունվարի 1, 2011)
Հեռախոսային կոդ042
Փոստային ինդեքսներ6330[1][2] և 6330[1][2]
Պաշտոնական կայքjeffreysbaytourism.org
##Ջեֆֆրիս Բեյ (Հարավաֆրիկյան Հանրապետություն)
Red pog.png

Ջեֆֆրիս Բեյ (աֆրիկաանս՝ Jeffreysbaai, անգլ.՝ Jeffreys Bay, հաճախ օգտագործվում է Ջեյ Բեյ կրճատ անվանումը (անգլ.՝ J-Bay), քաղաք ՀԱՀ Արևելյան Քեյփի նահանգի Կակադու շրջանի Կուգա ինքնավարությունում:

Աշխարհագրություն[խմբագրել | խմբագրել կոդը]

Ջեֆֆրիս Բեյը հայտնի է իր լողափերով, հատկապես աչքի է ընկնում «Դելֆին» լողափը, որը 2007 թվականից մինչև 2014 թվականն ամեն տարի ստացել է Կապույտ դրոշ մրցանակը[3]: Լողափերը ձգվում են քաղաքի երկու կողմերով բազում կիլոմետրերով, համարվում են սերֆինգների հանգստի և մարզումների կազմակերպման լավագույն վայրերից մեկը և զբաղեցնում է «սպորտային սերֆինգի աշխարհում 50 լավագույն վայրերի» ցանկում երկրորդ տեղը[4]: Քաղաքից քիչ հյուսիս անցնում է N2 ավտոմայրուղին, հարավից սահմանակից է Աստոն Բեյ քաղաքին:

Պատմություն[խմբագրել | խմբագրել կոդը]

Jeffreys Bay beach view.jpg
South Africa-Jeffreys Bay-My Dune01.jpg

Մեկնակերպերից մեկի համաձայն, քաղաքը կոչվել է ՀԱՀ-ի արևելյան ափերով 1840-ական թվականներին նավարկություն իրականացնող վաճառականական նավի նավապետ Ջեֆֆրիսի պատվին: Մի անգամ 1849 թվականին լնդախտի համաճարակը ստիպեց նրան հանգրվանել ափի մոտ: Այստեղ նա կառուցում է նավակառան և շուտով հասկանում, որ ուզում է մնալ այստեղ: Արդեն հաջորդ տարի նա կառուցեց ապագա քաղաքի առաջին շենքը, ընդարձակ երկհարկանի առանձնատուն, որը բոլորը սկսեցին կոչել «Սպիտակ տուն», այստեղ տեղափոխելով իր ընտանիքին: 1852 թվականի հունվարի 21-ին նոր բնակավայրը ստացավ «քաղաքի» (town) կարգավիճակ: 1920-ական թվականների վերջին «Սպիտակ տունը» գնվեց Ռիլլի հարուստ ընտանիքի կողմից և վերակառուցվեց որպես խանութ: Երկրորդ համաշխարհային պատերազմից հետո կառավարության որոշմամբ տունը քանդվեց: Այդ ժամանակ էլ Ռիլլիները արդեն հարստացել էին և քաղաքում մեկը մյուսի ետևից բացել խանութներ, ռեստորաններ և բարեր: Մեկ այլ մեկնակերպով նավաբեկությունից հետո Ջեֆֆրին այստեղ ափ է դուրս եկել, կամ էլ քաղաքը կոչվել է ոչ թե նրա պատվին, այլ այն առևտրականի պատվին, որն այստեղ հիմնադրել էր պտուղների ընդունման և վերամշակման կետ[5]:

Չնայած այն հանգամանքին, որ քաղաքն ապրում էր հիմնականում ձկնորսության հաշվին, առաջին մոտորանավակներն այստեղ հայտնվեցին 1960-ականների սկզբին[6]: 1966 թվականին էկրան բարձրացավ սյորֆերների մասին «Անվերջ ամառ» ֆիլմը, որի շատ տեսարաններ նկարահանվել են Ջեֆֆրիս Բեյում[7]: 1960-ականների վերջին, 1970-ականների սկզբին Ջեֆֆրիս Բեյը դարձավ հիպիների մեծ խմբի ապաստան:

Ժողովրդագրություն[խմբագրել | խմբագրել կոդը]

2011 թվականի մարդահամարի տվյալներով Ջեֆֆրիս Բեյում բնակվում էր 27 107 մարդ, 10 327 տնային տնտեսություններում: Ռասայական կազմը հետևյալն է` սպիտակներ՝ 38,9 %, սևամորթներ՝ 37,47 %, գունամորթներ՝ 22,66 %, հնդիկներ և այլ ասիացիներ՝ 0,24 %, այլ ռասաներ՝ 0,73 %: Կանայք կազմում են բնակչության 51,32 %-ը, տղամարդիկ՝ 48,68 %: Քաղաքի բնակիչները որպես մայրենի լեզու նշել են աֆրիկաանսը՝ 54,4 %-ը, կոսան՝ 28,8 %-ը, անգլերենը՝ 11,8 %-ը[8]:

Գրականություն[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. 1,0 1,1 South African Post Office
  2. 2,0 2,1 http://www.postoffice.co.za/tools/pcodes.xls
  3. Пляж «Дельфин» Արխիվացված է Օգոստոս 19, 2014 Wayback Machine-ի միջոցով: на сайте blueflag.org
  4. Джейд Бремнер. World's 50 best surf spots на сайте cnn.com, 1 июля 2013
  5. JEFFREYS BAY HISTORY
  6. Jeffreys Bay History, How Jeffreys Bay acquired its name
  7. Малкольм Голт-Уильямс. Legendary Surfers на сайте files.legendarysurfers.com, 2 мая 2008
  8. [https://census2011.adrianfrith.com/place/268009 Jeffrey's Bay Main Place 268009 from Census 2011]

Արտաքին հղումներ[խմբագրել | խմբագրել կոդը]