Ջերմուկ բալնեոլոգիական ըմպելային բարձրլեռնային կլիմայական առողջավայր

Վիքիպեդիայից՝ ազատ հանրագիտարանից
Jump to navigation Jump to search

Ջերմուկ բալնեոլոգիական ըմպելային բարձրլեռնային կլիմայական առողջավայր, առողջավայր ՀՀ Վայոց ձորի մարզում, Արփա գետի ավազանում, ծովի մակերևույթից 2050-2120 մ բարձրության վրա, Երևանից 173 կմ հարավ-արևելք։ Շրջապատված Է սաղարթախիտ անտառներով և ալպյան մարգագետիններով։

Կլիմա[խմբագրել | խմբագրել կոդը]

Կլիման տիպիկ բարեխառն լեռնային է, ամառը՝ զով, ձմեռը՝ ցուրտ, ձնառատ, հուլիսին օդի միջին ջերմաստիճանը 16, 3 °C է, հունվարին՝ -7 °C, արևափայլքի տարեկան տևողությունը՝ 2340 ժ, տարեկան տեղումները՝ մոտ 600 մմ։

Բուժիչ գործոններ[խմբագրել | խմբագրել կոդը]

Հիմնական բուժիչ գործոններն են կլիման և հանքային տաք ջրերը, որոնք քիմիական կազմով նման են Ժելեզնովոդսկի (ՌԴ) և Կարլովի Վարիի (Չեխիա) հանքային ջրերին։ Բուժման համալիրն ընդգրկում է նաև բուժական սնունդը, մարմնամարզությունը, քարաբուժությունը, կլիմայական և ֆիզոթերապևտիկական միջոցառումները, դեղորայքային բուժումը և առողջարանային ռեժիմը։

Գործում են «Գլաձոր» №1, №2, №3, «Արարատ» առողջարանները, «Նաիրի» գիտաբժշկական առողջարարական կենտրոնը և այլն։ Բուժվում են ստամոքսաղիքային համակարգի, հենաշարժական ապարատի, երիկամների հիվանդություններով, շաքարախտով հիվանդները։

Տես նաև[խմբագրել | խմբագրել կոդը]

Այս հոդվածի կամ նրա բաժնի որոշակի հատվածի սկզբանական տարբերակը վերցված է Հայաստանի բնաշխարհ հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ CC-BY-SA-icon-80x15.png