Ջեյմս Քենթ

Ջեյմս Քենթ; անգլ.՝ James Kent
Ծնվել է	հուլիսի 31, 1763
Ծննդավայր	Դաչես շրջան, Նյու Յորք, ԱՄՆ
Մահացել է	դեկտեմբերի 12, 1847 (84 տարեկան)
Մահվան վայր	Նյու Յորք, Նյու Յորք, ԱՄՆ
Գերեզման	Saint Luke's Church Cemetery
Քաղաքացիություն	ԱՄՆ
Կրթություն	Եյլի քոլեջ
Կոչում	պրոֆեսոր
Գիտական աստիճան	իրավունքի դոկտոր (1797)
Մասնագիտություն	փաստաբան, քաղաքական գործիչ, դատավոր, law professor և գրող
Աշխատավայր	Նյու Յորքի գերագույն դատարան
Ամուսին	Elizabeth Bailey Kent?
Ծնողներ	հայր՝ Moss Kent?, մայր՝ Hannah Kent?
Զբաղեցրած պաշտոններ	Recorder of New York City? և Նյու Յորք նահանգի ասամբլեայի անդամ
Անդամություն	Phi Beta Kappa և Ամերիկայի հնավաճառության միություն
Երեխաներ	William Kent?
	Ստորագրություն;
	James Kent Վիքիպահեստում

Ջեյմս Քենթ (անգլ.՝ James Kent, հուլիսի 31, 1763(1763-07-31)^[1], Դաչես շրջան, Նյու Յորք, ԱՄՆ - դեկտեմբերի 12, 1847(1847-12-12)^[1], Նյու Յորք, Նյու Յորք, ԱՄՆ), ամերիկացի իրավաբան, գլխավոր դատավոր և Նյու Յորք նահանգի կանցլեր։ Գրել է չորս հատորանոց «Ամերիկյան իրավունքի վերաբերյալ մեկնաբանությունները» գիրքը։ Եղել է Ամերիկյան փիլիսոփայական ընկերության անդամ (1829)։

Կենսագրություն[խմբագրել | խմբագրել կոդը]

Ջեյմս Քենթը ծնվել է 1763 թվականի հուլիսի 31-ին Նյու Յորքի Կոնեկտիկուտ նահանգի Դաչես շրջանում (այժմ՝ Փատնեմ շրջան)։ Ջեյմսի պապը՝ Էլիշ Քենթը, պրեսբիտերական քահանա էր, իսկ հայրը՝ Մոս Քենթը, Դաչես շրջանում փաստաբան էր։ Քենթի հայրը և պապը ավարտել են Եյլի համալսարանը (համապատասխանաբար 1729 և 1752 թվականներին)։

Հինգ տարեկան հասակում սկսել է դպրոց հաճախել Նորվոլքում։ 1772 թվականին տեղափոխվել է Պաուլինգի դպրոց։ 1773-1776 թվականներին պատվարժան Էբենեզեր Բոլդուինի մոտ լատիներեն է ուսումնասիրել։ 1777 թվականին՝ իր հոր ու պապի օրինակով, ընդունվել է Եյլի համալսարան։ 1779 թվականին Քենթը ստիպված է եղել ընդհատել ուսումը և վերադառնալ հայրենիք՝ բրիտանական զորքերի՝ Նյու Հեյվեն, որտեղ գտնվել է քոլեջը, ներխուժելու պատճառով։ Հարկադիր արձակուրդի ժամանակ կարդացել է Անգլիայի օրենքների վերաբերյալ Վիլյամ Բլեքսթոնի մեկնաբանությունները, որոնք կարդալուց հետո որոշել է իրեն նվիրել իրավունքին։ Քոլեջում միացել է Phi Beta Kappa հասարակությանը։

1781 թվականին արվեստի բակալավրի աստիճանով ավարտել է քոլեջը և երեք տարվա ընթացքում Էգբերտ Բենսոնի գրասենյակում աշխատել է որպես Դաչես շրջանի Փոքիփսի քաղաքի գլխավոր դատախազ։ Ազատ ժամանակ կարդացել է Հուգո Գրոտիոսի, Պուֆենդորֆի, Ջորջ Թոբայաս Սմոլեթի, Ռապենի, Հեյլի, Դեյվիդ Հյումի իրավաբանական և պատմական աշխատությունները։ Ուսումնասիրել է լատիներեն, հունարեն և ֆրանսերեն^[4]։

1785 թվականին դարձել է Նյու Յորք նահանգի Գերագույն դատարանի փաստաբան, իսկ 1787 թվականին՝ դատարանի խորհրդական։

1788 թվականին մասնակցել է Նյու Յորք նահանգի կոնվենցիայի նիստերին, որոնք նվիրված են եղել ԱՄՆ Սահմանադրության վավերացմանը։ Եղել է Ալեքսանդր Համիլթոնի կողմնակիցն ու ընկերը։ Աջակցել է Ֆեդերալիստական կուսակցությանը։ 1790 և 1792 թվականներին ընտրվել է Նյու Յորք նահանգի Ասամբլեայի անդամ՝ Դաչես շրջանից։ 1793 թվականին առաջադրվել է ԱՄՆ Կոնգրեսում, սակայն ընտրություններում պարտվել է։

1793 թվականին Փոքիփսի քաղաքից տեղափոխվել է Նյու Յորք քաղաք^[5]։ 1793-1798 թվականներին Կոլումբիայի քոլեջում եղել է իրավունքի պրոֆեսոր, որտեղ 1797 թվականին արժանացել է իրավունքի դոկտորի կոչման^[6]։ Քոլեջի դասավանդումը թողել է հաճախումների անկման պատճառով^[7]։

1796 թվականին Նյու Յորքի նահանգապետ Ջոն Ջեյը Քենթին Նյու Յորք նահանգի կանցլերի դատարանում նշանակել է մագիստրոսի պաշտոնում։ 1796-1797 թվականներին կրկին եղել է նահանգի Ասամբլեայի անդամ։ 1797-1798 թվականներին զբաղեցրել Է Նյու Յորք քաղաքի ակտերի գրքերի պահապանի պաշտոնը^[8]։

1798 թվականին ընտրվել է Նյու Յորքի Գերագույն դատարանի դատավոր։ 1804-1814 թվականներին եղել է Նյու Յորք նահանգի գլխավոր դատավոր (պետական Գերագույն դատարանի նախագահ)։

1814 թվականից եղել է Նյու Յորք նահանգի կանցլեր (նահանգի կանցլերի դատարանի նախագահ)։ Ինչպես նշվել է Բրիտանական հանրագիտարանի 11-րդ հրատարակությունում, Քենթի կանցլերի դատական որոշումները, որոնք հրապարակվել էին դատական հաշվետվությունների 7-րդ ժողովում («Johnson’s Chancery Reports», 1816—1824), հիմք են դրել ամերիկյան գործնական իրավագիտությանը^[8]։

1821 թվականին ներկայացրել է Նյու Յորքի Օլբանի շրջանը, որտեղ տեղափոխվել է 1799 թվականին՝ Նյու Յորք նահանգի Սահմանադրության վերանայման կոնվենցիայով^[6]^[9]։

1823 թվականին պաշտոնաթող Է եղել կանցլերի պաշտոնից՝ կապված նահանգի Սահմանադրությամբ սահմանված դատավորական պաշտոն զբաղեցնելու առավելագույն տարիքը լրանալու հետ (60 տարեկան)^[10]։

1824-1826 թվականներին կրկին դասավանդել է Կոլումբիայի քոլեջում։ Որդու՝ Ուիլյամի խորհրդով, վերամշակել է իր դասախոսությունները հրապարակման համար՝ դրանց հիման վրա պատրաստելով ԱՄՆ-ի իրավական համակարգի հիմնարար հետազոտությունները՝ «Ամերիկյան իրավունքի մեկնաբանությունները» (հատոր 1–4, 1826–1830)^[10]։

1829 թվականին ընտրվել է Ամերիկյան փիլիսոփայական ընկերության անդամ^[11]։

Կյանքի վերջին տարիներին զբաղվել է իր «Մեկնաբանությունների» նոր խմբագրությունների պատրաստմամբ (Քենթի կենդանության օրոք լույս է տեսել հինգ հրատարակություն)։ Մահացել է 1847 թվականի դեկտեմբերի 12-ին Նյու Յորքում։ 1898 թվականին լույս են տեսել նրա հուշերն ու նամակները (անգլ.՝ Memoirs and Letters)^[8]^[10]։

1900 թվականից եղել է Մեծ ամերիկացիների փառքի սրահի անդամ^[12]։ Ժամանակակից հրապարակումներում Քենթին անվանում են «Ամերիկյան առևտրային իրավունքի հայր» և «Ամերիկյան Բլեքստոն»^[13]։

Ծանոթագրություններ[խմբագրել | խմբագրել կոդը]

↑ ^1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
↑ Find A Grave — 1996.
↑ ^3,0 ^3,1 ^3,2 ^3,3 ^3,4 Geni(բազմ․) — 2006.
↑ Autobiographical Sketch of Chancellor Kent // The Southern Law Review. — 1872. — Vol. I. — № 3. — P. 383—384.
↑ Autobiographical Sketch of Chancellor Kent // The Southern Law Review. — 1872. — Vol. I. — № 3. — P. 385.
↑ ^6,0 ^6,1 Kent, James // Biographical Annals of the Civil Government of the United States. —Washington, 1876. — P. 238.
↑ «James Kent Facts». Your Dictionary (անգլերեն).
↑ ^8,0 ^8,1 ^8,2 Kent, James // Encyclopædia Britannica. — 1911. — Т. 15. — P. 735.
↑ Autobiographical Sketch of Chancellor Kent // The Southern Law Review. — 1872. — Vol. I. — № 3. — P. 387.
↑ ^10,0 ^10,1 ^10,2 «James Kent» (անգլերեն). en:Encyclopedia.com.
↑ «Member History: James Kent» (անգլերեն). American Philosophical Society.
↑ The New York Red Book. — 1922. — P. 62.
↑ Rovira M. G.-S. The Project of Positivism in International Law. — Oxford, 2013. — P. 25.

Գրականություն[խմբագրել | խմբագրել կոդը]

Duer J. A Discourse on the Life, Character and Public Services of James Kent. — New York: D. Appleton & Company, 1848. — 86 p.
Horton J. T. James Kent: A Study in Conservatism, 1763—1847. — New York: D. Appleton & Company, 1939. — 354 p.

Վիքիպահեստն ունի նյութեր, որոնք վերաբերում են «Ջեյմս Քենթ» հոդվածին։

[_2d9bbc0b4fa8d272-1] 1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.

[_f973a088ea0fbcbf-2] Find A Grave — 1996.

[_e6d34074d8b58787-3] 3,0 ^3,1 ^3,2 ^3,3 ^3,4 Geni(բազմ․) — 2006.

[4] Autobiographical Sketch of Chancellor Kent // The Southern Law Review. — 1872. — Vol. I. — № 3. — P. 383—384.

[5] Autobiographical Sketch of Chancellor Kent // The Southern Law Review. — 1872. — Vol. I. — № 3. — P. 385.

[автоссылка1-6] 6,0 ^6,1 Kent, James // Biographical Annals of the Civil Government of the United States. —Washington, 1876. — P. 238.

[7] «James Kent Facts». Your Dictionary (անգլերեն).

[автоссылка2-8] 8,0 ^8,1 ^8,2 Kent, James // Encyclopædia Britannica. — 1911. — Т. 15. — P. 735.

[9] Autobiographical Sketch of Chancellor Kent // The Southern Law Review. — 1872. — Vol. I. — № 3. — P. 387.

[автоссылка3-10] 10,0 ^10,1 ^10,2 «James Kent» (անգլերեն). en:Encyclopedia.com.

[11] «Member History: James Kent» (անգլերեն). American Philosophical Society.

[12] The New York Red Book. — 1922. — P. 62.

[13] Rovira M. G.-S. The Project of Positivism in International Law. — Oxford, 2013. — P. 25.

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]