Ջեյմս Քեյն
| Ջեյմս Քեյն | |
|---|---|
|
|
|
| Ծնվել է | Ջեյմս Մալլահան Քեյն 01.07.1892 Անապոլիս |
| Մահացել է | 27.10.1977 Մերիլենդ |
| Մասնագիտություն | նովելիստ, լրագրող |
| Ազգություն | ամերիկացի |
| Գրական ոճեր | դետեկտիվ, նուար |
Ջեյմս Մ. Քեյն (անգլ.՝ James M. Cain), դետեկտիվ ժանրի ամերիկացի գրող և լրագրող, մտնում է նուար ժանրը հիմնողների եռյակի մեջ (Ռեյմոնդ Չանդլերի և Դեշիլ Հեմմեթի հետ)։
Ծնվել է ուսուցչի և օպերային երգչուհու ընտանիքում։ Որոշել է դառնալ գրող Առաջին համաշխարհային պատերազմի տարիներին։ Աշխատել է լրագրող Բալտիմորում Baltimore American և Baltimore Sun թերթերում։ 1932-1947 թթ. գրել է սցենարներ ֆիլմերի համար, որոնք սակայն մեծ հաջողություն չէին ունենում։ Քեյնի առաջին վեպը՝ "Փոստատարը միշտ զանգում է երկու անգամ", հրատարակվել է 1934 թ. և դարձել բեսթսելլեր։
Քեյնի գրեթե բոլոր գրքերի սյուժեն զարգանում էր նույն սխեմայով. կինը գայթակղում է տղամարդուն, խենթացնում նրան, տղամարդը պատրաստ է ամեն ինչի, նույնիսկ սպանության։ Այդ սխեման, որտեղ բոլոր փորձանքները կանանցից էին, հետագայում օգտագործում էին Hardboiled ժանրի շատ գրողներ։
