Ջեյմս Գանդոլֆինի

Վիքիպեդիայից՝ ազատ հանրագիտարանից
Jump to navigation Jump to search
Ջեյմս Գանդոլֆինի
Gandolfinigfdl.PNG
Ծնվել էսեպտեմբերի 18, 1961(1961-09-18)[1][2][3]
ԾննդավայրWestwood, Բերգեն շրջան, Նյու Ջերսի
Մահացել էհունիսի 19, 2013(2013-06-19)[1][2][3] (51 տարեկան)
Մահվան վայրՀռոմ, Իտալիա[4]
ԿրթությունՌատգերսի համալսարան և Լի Ստրասբերգի թատրոնի և կինոյի ինստիտուտ
ՔաղաքացիությունFlag of the United States.svg ԱՄՆ
Ազգությունիտալական ծագումով ամերիկացի
Մասնագիտությունդերասան և հեռուստատեսային դերասան
Պարգևներ և մրցանակներԷմմի, Ոսկե գլոբուս և ԱՄՆ կինոդերասանների գիլդիայի մրցանակ
gandolfini.com

Ջեյմս Ժոզե Գանդոլֆինի (անգլ.՝ James Joseph Gandolfini, սեպտեմբերի 18, 1961(1961-09-18)[1][2][3], Westwood, Բերգեն շրջան, Նյու Ջերսի - հունիսի 19, 2013(2013-06-19)[1][2][3], Հռոմ, Իտալիա[4]), ամերիկացի դերասան է, Ոսկե գլոբուս և Էմմի մրցանակաբաշխությունների դափնեկիր, նկարահանվել է «Սոպրանո» (անգլ.՝ The Sopranos) հեռուստասերիալում՝ մաֆիայի անդամ Թոնի Սոպրանոյի դերում:

Կենսագրություն[խմբագրել | խմբագրել կոդը]

Ջեյմս Գանդոլֆինին ծնվել է 1861 թվականի սեպտեմբերի 18-ին Բերգենում (Նյու Ջերսի, ԱՄՆ) իտալական ծագում ունեցող ամերիկացիների ընտանիքում: Ջեյմսի մայրը իր կյանքի վերջին տարիներին աշխատում էր որպես ճաշարանի ղեկավար, այն դպրոցում, որտեղ սովորում էր հենց ինքը՝ Ջեյմսը, իսկ հայրը նույն դպրոցի պահակն էր:

Ռատգերսի համալսարանը ավարտելուց հետո իր թատերական գործունեությունն է սկսել Նյու Յորքի թատրոնում: Քսանմեկ տարեկան հասակում Ջեյմսը աշխատանքի է անցում Նյու Յորքի 21-րդ փողոցի գիշերային ակումբում որպես կառավարիչ: Նա այնտեղ մնում է երկու տարի: Սյուզան Էսթոնի թատերական դասընթացները ավարտելուց հետո, որը անց էր կացվում Սենֆորդա Մեյսների մեթոդներով, մասնակցեց մի քանի սիրողական բեմադրությունների:

Ջեյմսի դեբյուտային մեծ ներկայացումը 1992 թվականին էր Թենեսի Ուիլյամսի «Ցանկություն» ներկայացումում: Նրա առաջին սուր քննադատությանների արժանացած դերը կինոռեժիսոր Թոնի Սքոթի «Իրական սեր» ֆիլմում էր:

«Անկման արագություն» ֆիլում Ջեյմսը նկարահանվել է ռուս մաֆիայի անդամի դերում: 1994 թվականի ձմռանը այդ ֆիլմի նկարահանման պատճառով նա տեղափոխվում է Մոսկվա (Ռուսաստան): «Սեր և ծխախոտ» ֆիլմում Ջեյմսը նկարահանվել է դերասանուհի Սյուզան Սարանդոնի և Քեյթ Ուինսլեթի հետ: Ֆիլմի ռեժիսորը Ջոն Թուրթուրոն է: «Մեքսիկացին» դրամայում Ջեյմսի խաղընկերներն էին Բրեթ Փիթը և Ջուլիա Ռեբերտսը:

Ջեյմսը առավել հայտնի դարձավ «Սոպրանո» ֆիլմում նկարահանվելուց հետո: Ֆիլմում նա մարմնավորում էր հեղինակավոր հանցախմբի ղեկավարի Թոնի Սոպրանոյիյն: Այս դերի համար էլ արժանացավ «Ոսկե գլոբուս» և «Էմմի» մրցանականերին:

Ամուսնացել է երկու անգամ: 2008 թվականի օգոստոսի 30-ին Ջեյմսը ամուսնացավ մոդել և դերասանուհի Դեբորե Լինի հետ՝ երկու տարվա ծանոթությունից հետո: Ամուսնական արարողությունները տեղի ունեցան Հոնոլուլու քաղաքում (Հավայան կղզիներ)[5]: Առաջին ամուսնությունից ունի մեկ որդի՝ Մայքլը (ծնվել է 1999 թվականին), երկրորդ ամուսնությունից մեկ դուստր՝ Լիլիանան (ծնվել է 2012 թվականին):

«Բավականաչափ բառեր» ռոմանտիկ ֆիլմում իր կատարած դերի համար Ջեյմսը կարող էր հետմահու ստանալ «Օսկար» մրցանակը՝ երկրորդ պլանի լավագույն դերասան անվանակարգում[6]:

2013 թվականի հունիսի 19-ին, 13-ամյա որդու՝ Մայքլի հետ Ջեյմսը գտնվում էր Հռոմում: Տեղական ժամանակով երեկոյան ժամը 10-ին, հյուրանոցի լոգարանում նա կորցնում է իր գիտակցությունը: Մայքլը շտապ օգնություն զանգահարեց և Գանդոլֆինիին տեղափոխեցին հիվանդանոց: Բժիշկները նրան տեղափոխում են վերակենդանացման բաժանմունք: Սակայն մահը վրա է հասնում 23:20: Պրոֆեսոր Կլաուդիո Մոդինիի խոսքերով մահը վրա է հասել սրտի կանգի պատճառով:

Հունիսի 21-ին տեղի ունեցավ դիահերձում՝ պարզելու դերասանի մահվան իրական պատճառը: Պարզ դարձավ, որ Ջեյմսը մահացել է սրտամկանի ինֆարկտի պատճառով[7]:

Հունիսի 22-ին նա պետք է մեկներ Տաորմինա՝ կինոփառատոնին մասնակցելու: Գանդոլֆինիի մահը լայն ռեզոնանս առաջացրեց լրատվամիջոցներում, իսկ նրա գործընկերները և խաղընկերները պարզապես չէին կարողանում հավատալ տեղի ունեցածին[8]: 2013 թվականի վերջին «HBO»-ն փաստավավերագրական ֆիլմ թողարկեց Ջեյմս Գանդոլֆինիի մասին:

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 1,4 Bibliothèque nationale de France идентификатор BNF (фр.): տվյալների բաց շտեմարան — 2011.
  2. 2,0 2,1 2,2 2,3 2,4 Internet Broadway Database — 2000.
  3. 3,0 3,1 3,2 3,3 3,4 filmportal.de — 2005.
  4. 4,0 4,1 4,2 German National Library, Berlin State Library, Bavarian State Library, Austrian National Library Record #136495699 // Общий нормативный контроль (GND) — 2012—2016.
  5. Կաղապար:Cite թweb
  6. «Oscars 2013 Nominations: Charts & Graphs» (անգլերեն)։ Gold Derby։ Վերցված է 2013-11-5 
  7. «Gandolfini autopsy confirms heart attack as cause of death-source» (անգլերեն)։ Reuters։ 21 июня 2013։ Վերցված է 2013-6-21 
  8. Джордж Старк, Донна Макконнелл (20 июня 2013)։ «James Gandolfini dead at 51: The Sopranos star dies in Italy following suspected heart attack» (անգլերեն)։ Daily Mail։ Վերցված է 2013-6-20