Ռոզա Ջանջուտովա

Ռոզա Ջանջուտովա
Ծնվել է	հունիսի 20, 1906(1906-06-20)
Ծննդավայր	Բաքու, Ռուսական կայսրություն
Մահացել է	հոկտեմբերի 25, 1988(1988-10-25) (82 տարեկան)
Մահվան վայր	Երևան, Հայկական ԽՍՀ, ԽՍՀՄ
Քաղաքացիություն	ԽՍՀՄ և  Հայկական ԽՍՀ
Կրթություն	Բաքվի պետական համալսարան (1928)
Գիտական աստիճան	բժշկական գիտությունների դոկտոր (1959) և պրոֆեսոր (1963)
Աշխատավայր	Կուրորտոլոգիայի և ֆիզիկական մեթոդներով բուժման ինստիտուտ, Երևանի Մխիթար Հերացու անվան Պետական Բժշկական Համալսարան և ՀՀ ԱՆ

Ռոզա Սահակի Ջանջուտովա (հունիսի 20, 1906(1906-06-20), Բաքու, Ռուսական կայսրություն - հոկտեմբերի 25, 1988(1988-10-25), Երևան, Հայկական ԽՍՀ, ԽՍՀՄ), կուրորտաբան-ֆիզիոթերապևտ։ Բժշկական գիտությունների դոկտոր (1959), պրոֆեսոր (1963)։ Հայաստանի բարձրագույն դպրոցի վաստակավոր գործիչ (1981)։

Կենսագրություն

Ռոզա Ջանջուտովան ծնվել է 1906 թվականին Բաքվում։ 1928 թվականին ավարտել է Բաքվի համալսարանի բժշկական ֆակուլտետը։ 1937-1940 թվականներին եղել է Բաքվի Կուրորտաբանության և ֆիզիոթերապիայի գիտահետազոտական ինստիտուտի տնօրեն։ Հայրենական պատերազմի տարիներին եղել է Բաքվի տարհանման հոսպիտալի պետ, այնուհետև՝ Նախարարների խորհրդի պետպլանի առողջապահության բաժնի վարիչ, 1953-1988 թվականներին աշխատել է Երևանի կուրորտաբանության և ֆիզիոթերապիայի գիտահետազոտական ինստիտուտում, 1961-1984 թվականներին, միաժամանակ եղել է Երևանի բժշկական ինստիտուտի Կուրորտաբանության և ֆիզիոթերապիայի ամբիոնի հիմնադիր-վարիչ, 1985-1988 թվականներին՝ գիտական խորհրդատու։ 1961-1988 թվականներին եղել է ՀԽՍՀ առողջապահության նախարարության գլխավոր մասնագետ, 1963-1988 թվականներին՝ ՀԽՍՀ կուրորտաբանների և ֆիզիոթերապևտների գիտական ընկերության նախագահ։

Աշխատանքները վերաբերում են նավթագործների մասնագիտական հիվանդությունների բացահայտման և կանխարգելման հարցերին։ Ուսումնասիրել է Ադրբեջանի և Հայաստանի բնական բուժիչ գործոնները, նպաստել Հայաստանում կուրորտաբանական գործի կազմակերպմանը։

Երկեր

• Ջրաբուժությունը և նրա կիրառման եղանակները, Երևան։ Հայաստան, 1972։
• «Դիլիջան» առողջարանը, Երևան։ Հայաստան, 1978, (համահեղինակ)։
• Արշակ Հակոբյան, Երևան։ Հայաստան, 1988, (համահեղինակ)։