Ջաննի Բերենգո Գարդին
| Ջաննի Բերենգո Գարդին իտալ.՝ Gianni Berengo Gardin | |
|---|---|
.jpg) | |
| Ծնվել է | հոկտեմբերի 10, 1930[1][2][3][…] |
| Ծննդավայր | Սանտա Մարգերիտա Լիգուրե, Ջենովա, Լիգուրիա, Իտալիա |
| Մահացել է | օգոստոսի 6, 2025[4] (94 տարեկան) |
| Մահվան վայր | Ջենովա, Իտալիա |
| Գերեզման | Կամպո Վերանո |
| Քաղաքացիություն |  Իտալիա |
| Մասնագիտություն | լուսանկարիչ |
| Պարգևներ և մրցանակներ | |
 Gianni Berengo Gardin Վիքիպահեստում | |
Ջաննի Բերենգո Գարդին (իտալ.՝ Gianni Berengo Gardin, հոկտեմբերի 10, 1930[1][2][3][…], Սանտա Մարգերիտա Լիգուրե, Ջենովա, Լիգուրիա, Իտալիա - օգոստոսի 6, 2025[4], Ջենովա, Իտալիա), իտալացի լուսանկարիչ, որը կենտրանացած է եղել ռեպորտաժների և խմբագրական աշխատանքի վրա։ Իր լուսանկարիչ գործունեության ընթացքում զբաղվել է նաև գրքերի նկարազարդմամբ և գովազդով։ Նրան անվանել են «Անկասկած, 20-րդ դարի երկրորդ կեսի Իտալիայի ամենակարևոր լուսանկարիչը»[6]։
Կենսագրություն
[խմբագրել | խմբագրել կոդը]Ջաննի Բերենգո Գարդին ծնվել է Սանտա Մարգերիտա Լիգուրե կոմունաում, 1930 թվականի հոկտեմբերի 10-ին։ Ապրել է Շվեյցարիայում, Հռոմում, Փարիզում և Վենետիկում։ 1954 թվականից սկսել է զբաղվել սիրողական լուսանկարչությամբ։ Նույն թվականին «Իլ Մոնդո» ամսագրում լույս են տեսել նրա առաջին լուսանկարները։ Լուսանկարչական հմտությունները նա ձեռք է բերել Փարիզում անցկացրած երկու տարիների ընթացքում՝ աշխատելով այլ լուսանկարիչների հետ։
Նա նաև համագործակցել է իտալական և միջազգային այնպիսի խոշոր հրատարակությունների հետ, ինչպիսիք են «Domus»-ը, «Epoca»-ն, «Le Figaro»-ն, «L'Espresso»-ն, «Time»-ը և «Stern (ամսագիր)|Stern»-ը։ Նրա առօրյա կյանքի, բնապատկերների և ճարտարապետական կառույցների սև-սպիտակ լուսանկարները նրան բերել են միջազգային ճանաչում և դարձել նրա առևտրային հաջողության գրավականը։ Բերենգո Գարդինը մեծ թվով գովազդային լուսանկարների հեղինակ է։ Մասնավորապես, նա աշխատել է «Պրոկտեր Էնդ Գեմբլի» և «Օլիվեթե» ընկերությունների համար։
Բերենգո Գարդինի աշխատանքների ցուցահանդեսները անցկացվել են աշխարհի ամենահեղինակավոր սրահներում, մասնավորապես՝ Նյու Յորքի Ժամանակակից արվեստի թանգարանում, Ռոչեստերի Ջորջ Իստմենի տանը, Ֆրանսիայի ազգային գրադարանում և այլուր։ 1991 թվականին նրա աշխատանքների մեծ հետահայաց ցուցահանդես է անցկացվել Լոզանի «Մյուզե դե Լ’Էլիզե» թանգարանում, իսկ 1994 թվականին նրա աշխատանքները ներառվել են Նյու Յորքի Սողոմոն Գուգենհայմի թանգարանում կայացած իտալական արվեստի ցուցահանդեսում։
Ջաննի Բերենգո Գարդինը հրատարակել է 210 լուսանկարչական ալբոմ։ 1990 թվականին լույս է տեսել նրա լուսանկարների մեծ անթոլոգիան՝ «Gianni Berengo Gardin Fotografo» վերնագրով։
2008 թվականին Բերենգո Գարդինը արժանացել է «Լյուսի» մրցանակի՝ «որպես իր ամբողջ կյանքը լուսանկարչական արվեստին նվիրած» անձ, իսկ 2009 թվականին նա դարձել է Միլանի համալսարանի պատվավոր դոկտոր։
Ջաննի Բերենգո Գարդին մահացել է 2025 թվականի օգոստոսի 6-ին՝ 94 տարեկան հասակում[7][8]։
Ծանոթագրություններ
[խմբագրել | խմբագրել կոդը]- ↑ 1,0 1,1 RKDartists (նիդերլ.)
- ↑ 2,0 2,1 Luminous-Lint — 2005.
- ↑ 3,0 3,1 Կերպարվեստի արխիվ — 2003.
- ↑ 4,0 4,1 4,2 https://www.corriere.it/cultura/25_agosto_07/morto-gianni-berengo-gardin-maestro-reportage-8dddbfa6-738c-11f0-aa37-7fbc200bc1f4.shtml
- ↑ https://www.leica-oskar-barnack-award.com/en/winners/winner-1995-gianni-berengo-gardin.html
- ↑ Hans-Michael Koetzle, "Gianni Berengo Gardin"; in Photographers A–Z (Cologne: Taschen, 2011; ISBN 978-3-8365-1109-4), p.34.
- ↑ «Morto Gianni Berengo Gardin, il maestro dei reportage: «Ritoccare le foto è inammissibile, pretendo di vedere quello che ha visto il fotografo»». Corriere della Sera (իտալերեն). 2025 թ․ օգոստոսի 7. Վերցված է 2025 թ․ օգոստոսի 10-ին.
- ↑ «È morto a 94 anni il fotografo Gianni Berengo Gardin». Giornale di Brescia (իտալերեն). 2025 թ․ օգոստոսի 7. Վերցված է 2025 թ․ օգոստոսի 7-ին.
Աղբյուրներ
[խմբագրել | խմբագրել կոդը]- Gianni Berengo Gardin, Contrasto DUE, Roma (2005), ISBN 8889032650 (իտա․)
- Gianni Berengo Gardin, Photographer. In conversation with Goffredo Fofi and Frank Horvat. Thames and Hudson (2005), ISBN 9780500543122 (անգլ.)
Արտաքին հղումներ
[խմբագրել | խմբագրել կոդը]- 10825957/ Ջաննի Բերենգո Գարդին Internet Movie Database կայքում
- Gianni Berengo Gardin
- Exhibition notice, Prahlad Bubbar Gallery. Retrieved 11 February 2015
 | Վիքիպահեստն ունի նյութեր, որոնք վերաբերում են «Ջաննի Բերենգո Գարդին» հոդվածին։ |
| ||||||||||||
